Lesley Griffiths AS Ysgrifennydd y Cabinet dros Ddiwylliant a Chyfiawnder Cymdeithasol

• Diwylliant a’r celfyddydau
• Polisi darlledu a'r cyfryngau
• Noddi Cyngor Celfyddydau Cymru, a'i gylch gwaith
• Amgylchedd hanesyddol Cymru
• Cadw a Chomisiwn Brenhinol Henebion Cymru
• Amgueddfeydd ac Orielau Cenedlaethol Cymru
• Amgueddfeydd a chasgliadau lleol
• Llyfrgell Genedlaethol Cymru
• Datblygu Archif Genedlaethol Cymru
• Gardd Fotaneg Genedlaethol Cymru
• Chwaraeon Elît
• Chwaraeon cymunedol, gweithgareddau corfforol a hamdden egnïol yng Nghymru, gan gynnwys noddi Cyngor Chwaraeon Cymru
• Cydlynu mesurau trawsbynciol i hyrwyddo ffyniant a threchu tlodi
• Cydlynu mesurau i liniaru Tlodi Plant
• Cynhwysiant Digidol
• Goruchwylio'r gwaith o ddosbarthu cyllid y Loteri yng Nghymru
• Diwygio Lles
• Tlodi Tanwydd
• Cynhwysiant ariannol, gan gynnwys undebau credyd
• Cydraddoldeb a Hawliau Dynol
• Cydlynu materion yn ymwneud â Sipsiwn, Roma a Theithwyr, ceiswyr lloches, ffoaduriaid a chydlyniant cymunedol
• Gwrthgaethwasiaeth, cam-drin domestig, trais ar sail rhywedd a thrais rhywiol
• Y sector gwirfoddol a gwirfoddoli
• Glasbrintiau Cyfiawnder Ieuenctid a Throseddwyr Benywaidd
• Diogelwch Cymunedol
• Y berthynas â'r Comisiynwyr Heddlu a Throseddu, yr Heddlu ac asiantaethau Cyfiawnder Troseddol eraill
• Y berthynas â Llywodraeth y DU o ran Carchardai a'r Gwasanaeth Prawf
• Gwasanaethau Cynghori ac Eiriolaeth
• Prif gyfrifoldeb am fonitro materion sy'n ymwneud â Swyddfa'r Post a'r Post Brenhinol yng Nghymru
• Polisi penodiadau cyhoeddus, a gweithredu hynny
• Y berthynas â Chomisiynydd Pobl Hŷn Cymru, Comisiynydd Plant Cymru, a Chomisiynydd Cenedlaethau'r Dyfodol Cymru
• Gweithredu’r fframwaith Llesiant Cenedlaethau’r Dyfodol yn genedlaethol, gan gynnwys Fforymau Rhanddeiliaid Cenedlaethau’r Dyfodol a goruchwylio’r berthynas â Chyrff Cyhoeddus o dan Ddeddf Llesiant Cenedlaethau’r Dyfodol

Cafodd Lesley Griffiths ei magu yn y Gogledd-ddwyrain ac mae wedi byw a gweithio yn Wrecsam ers yn oedolyn. Mae ganddi ddwy ferch ac mae wedi bod yn llywodraethwr ysgol ac yn gynghorydd cymuned. Gweithiodd yn Ysbyty Maelor Wrecsam am 20 mlynedd. Cyn iddi gael ei hethol, bu’n gweithio fel cynorthwyydd etholaethol i Ian Lucas, AS. Fel rhywun sy’n gadarn o blaid datganoli i Gymru, chwaraeodd ran weithgar yn yr ymgyrch ‘Ie dros Gymru’ ym 1997.

Cafodd ei hethol gyntaf yn aelod o Gynulliad Cenedlaethol Cymru ym mis Mai 2007. Ym mis Rhagfyr 2009, cafodd ei phenodi yn Ddirprwy Weinidog dros Wyddoniaeth, Arloesi a Sgiliau. Ar ôl cael ei hailethol i Gynulliad Cenedlaethol Cymru ym mis Mai 2011, penodwyd Lesley yn Weinidog Iechyd a Gwasanaethau Cymdeithasol. Ym mis Mawrth 2013, cafodd ei phenodi yn Weinidog Llywodraeth Leol a Busnes y Llywodraeth ac ym mis Medi 2014, cafodd ei phenodi yn Weinidog Cymunedau a Threchu Tlodi. Ym mis Mai 2016, ar ôl cael ei hailethol, fe'i phenodwyd yn Ysgrifennydd y Cabinet dros yr Amgylchedd a Materion Gwledig a gwnaeth y rôl honno tan 21 Mawrth 2024, pan gafodd ei phenodi'n Ysgrifennydd y Cabinet dros Ddiwylliant a Chyfiawnder Cymdeithasol.

Y tu allan i wleidyddiaeth, ei phrif hobïau yw gwylio Clwb Pêl-droed Wrecsam, cerddoriaeth a cherdded. Bu Lesley, ar un adeg, yn un o gyfarwyddwyr etholedig Ymddiriedolaeth Cefnogwyr Wrecsam.