Rhian Hayward MBE Prif Swyddog Gweithredol, Campws Arloesi a Menter Aberystwyth (AberArloesi)

Mae AberArloesi yn gartref i labordai a mannau prosesu o'r radd flaenaf. Ei nod yw annog ymchwil gydweithredol rhwng busnesau, entrepreneuriaid ac academyddion ym meysydd:

• bwyd a diod
• bio-fireinio
• maetheg
• amaeth-dechnoleg

Mae Rhian yn dod o Abertawe yn wreiddiol. Mae hi wedi gweithio mewn  amrywiaeth o gwmnïau newydd yn y sector gwyddorau bywyd yn y DU, a chwmnïau sy'n gysylltiedig â’r sector hwnnw. Mae hi wedi dal swyddi marchnata, datblygu busnes a thechnegol. Diddordeb Rhian yw biodechnoleg – yn enwedig yn yr heriau a'r boddhad sy’n gysylltiedig â masnacheiddio technolegau sydd yn eu camau cynnar.

Yn ystod y blynyddoedd diwethaf mae Rhian wedi dal penodiadau cyhoeddus, gan gynnwys:

• Aelod  o Fwrdd Cynghorol Cymru ar Ddatblygu Diwydiannol
• Bwrdd Ymgynghorol Gwyddonol Cronfa Pontio Gwyddorau Bywyd ar gyfer Llywodraeth Cymru

Mae cymwysterau academaidd Rhian yn cynnwys:

• BSc (dosbarth cyntaf) mewn Bioleg, King's College, Llundain
• DPhil mewn Parasitoleg, Prifysgol Rhydychen

Derbyniodd Rhian MBE am wasanaethau i Entrepreneuriaeth yng Nghymru yn Rhestr Anrhydeddau Pen-blwydd y Frenhines 2016.