Safon ansawdd tai Cymru

Rhaid i bob tŷ cymdeithasol gael ei adnewyddu a'i gadw mewn cyflwr da. Y cymdeithasau tai a'r awdurdodau lleol â thai cyngor sy'n gyfrifol am hynny.

Y dyddiad olaf ar gyfer cyflawni Safon Ansawdd Tai Cymru oedd diwedd mis Rhagfyr 2020. Cafodd nifer bach o landlordiaid cymdeithasol estyniad hyd fis Rhagfyr 2021 yn sgil pandemig COVID-19. Rhaid i landlordiaid cymdeithasol gynnal Safon Ansawdd Tai Cymru yn barhaus.

I fodloni'r safon, rhaid i dai:

• fod mewn cyflwr da
• bod yn saff ac yn ddiogel
• cael eu gwresogi'n ddigonol, bod yn effeithlon o ran tanwydd a bod wedi'u hinswleiddio'n dda
• cynnwys ceginau ac ystafelloedd ymolchi cyfoes
• bod wedi’u rheoli’n dda (o ran tai wedi’u rhentu)
• bod wedi'u lleoli mewn amgylchedd deniadol a diogel
• bod yn addas ar gyfer anghenion penodol y rheini sy'n byw ynddynt, os yw hynny'n bosibl, er enghraifft pobl ag anableddau

Roedd ymgynghoriad ar gynigion i ddiweddaru Safon Ansawdd Tai Cymru ar agor o 11 Mai hyd 3 Awst 2022. Mae ymatebion i'r ymgynghoriad hwn yn cael ei adolygu ar hyn o bryd. Bydd manylion am y canlyniad yn cael eu cyhoeddi yma maes o law.

Rydym yn gweinyddu dwy gronfa ariannol i helpu cymdeithasau dai ac awdurdodau lleol â thai cyngor:

• lwfans atgyweiriadau mawr
• cyllid llenwi bwlch gwaddol

Lwfans atgyweiriadau mawr

Rydym yn rhoi cyllid i 11 o awdurdodau lleol sy'n rheoli tai cyngor ac yn gofalu amdanynt.

Cyllid 2022 a 2023

• Ynys Môn £2,688,000
• Sir Ddinbych £2,373,000
• Sir y Fflint £4,978,000
• Wrecsam £7,524,000
• Powys £3,723,000
• Sir Benfro £3,997,000
• Sir Gaerfyrddin £6,196,000
• Bro Morgannwg £2,773,000
• Caerdydd £9,568,000
• Caerffili £7,296,000
• Abertawe £9,283,000

Cyllid llenwi bwlch gwaddol

Rydym yn rhoi cyllid i 10 o gymdeithasau tai i'w helpu i wella eu tai. Cafodd y cymdeithasau tai hyn eu sefydlu pan drosglwyddwyd tai cyngor awdurdodau lleol iddynt.

Cyllid 2022 a 2023

• Trivallis (Cartrefi RCT cyn hynny) £7,300,000
• Cartrefi Dinas Casnewydd £6,500,000
• Tai Tarian (Cartrefi NPT cyn hynny) £6,200,000
• Tai Cymunedol Bron Afon £5,800,000
• Tai Calon £4,200,000
• Adra (Cartrefi Cymunedol Gwynedd cyn hynny) £4,100,000
• Cartrefi Cymoedd Merthyr £2,900,000
• Cartrefi Conwy £2,600,000
• Cymdeithas Tai Sir Fynwy £2,600,000
• Barcud £1,600,000