Ymweld â chartrefi gofal: canllawiau i ymwelwyr

Croesewir ac anogir ymweliadau â’ch ffrindiau a’ch teulu mewn cartrefi gofal. Dylai trefniadau ymweld fod mor agored a hyblyg â phosibl. Mae brechiadau a gwell arferion atal a rheoli heintiau wedi gwneud ymweliadau yn llawer mwy diogel.

Fodd bynnag, mae COVID-19 dal yn ein cymunedau ac mae angen inni gadw pobl sy’n byw ac yn gweithio mewn cartrefi gofal mor ddiogel â phosibl. Felly, mae yna rai rheolau y dylech chi fod yn ymwybodol ohonynt wrth ymweld â’ch anwyliaid mewn cartrefi gofal.

I leihau’r risg o ddod â COVID-19 i gartrefi gofal, peidiwch ag ymweld:

• os oes gennych symptomau COVID-19 neu unrhyw salwch heintus arall
• os ydych wedi bod mewn cyswllt agos ag achos positif COVID-19 yn y 10 diwrnod diwethaf

Os ydych chi wedi profi’n bositif yn y 10 diwrnod diwethaf, dylech gadarnhau eich bod wedi cydymffurfio â’r canllawiau i bobl sydd â symptomau haint anadlol. Dylech osgoi cwrdd ag unrhyw un sy'n wynebu risg uwch yn sgil COVID-19 am o leiaf 10 diwrnod.

Cyn eich ymweliad

Gwiriwch a oes angen ichi drefnu eich ymweliad â’r cartref gofal. Os felly, dylech gadarnhau nifer yr ymwelwyr, gan gynnwys plant.

Yn ystod eich ymweliad

I leihau’r risg o ledaenu COVID-19 cynghorir:

• gwisgo gorchudd wyneb mewn ardaloedd cyhoeddus cartrefi gofal ac wrth symud drwy’r cartref gofal
• defnyddio hylif diheintio dwylo a chyfleusterau golchi dwylo yn aml

Os oes gennych unrhyw faterion neu bryderon ynghylch y gofynion hyn, trafodwch y rhain gyda’r cartref gofal.

Gallwch ddisgwyl i staff wisgo Cyfarpar Diogelu Personol (PPE).

Bydd staff yn gwneud popeth yn eu gallu i gadw chi a’ch anwyliaid yn ddiogel ac mae’n bwysig eich bod chi’n gweithio gyda nhw i leihau’r risgiau.

Mae’n bwysig gwerthfawrogi y gallai anghenion pobl fod wedi newid yn ystod y pandemig. Efallai y bydd angen ichi roi amser i’ch perthynas neu’ch anwyliaid i addasu i gael ymwelwyr eto.

Os oes gennych unrhyw bryderon, siaradwch ag aelod o staff.

Os byddwch chi’n mynd yn sâl ag unrhyw symptomau COVID-19 ar unrhyw adeg cyn neu ar ôl eich ymweliad, arhoswch gartref a dilyn y canllawiau i bobl sydd â symptomau haint anadlol.

Mae’n rhaid ichi roi gwybod i’r cartref gofal cyn gynted â phosibl eich bod wedi datblygu symptomau, a phan fyddwch yn cael canlyniad eich prawf.

Bydd rheolau ymweld yn dibynnu ar gyngor iechyd cyhoeddus ar gyfer y brigiad o achosion penodol.

Ar gyfer rhai digwyddiadau neu frigiadau o achosion COVID-19, efallai y gall ymweliadau arferol barhau. Bydd y cartref gofal yn gallu rhoi cyngor ichi.

Os caiff ymweliadau arferol eu hatal, gall preswylwyr barhau i gael ymweliadau gan eu dau ymwelydd hanfodol enwebedig. Gallant ymweld ar wahân neu ar yr un pryd.

Os oes gan yr ymwelwyr hanfodol neu’r preswylydd COVID-19, ni fydd yr ymweliad yn gallu digwydd oni bai bod amgylchiadau eithriadol.

Darllenwch wybodaeth bellach yng nghanllawiau Llywodraeth Cymru i ddarparwyr cartrefi gofal ar ymweliadau.

Os oes gennych bryderon bod rheolau ymweld darparwr cartref gofal yn rhy gyfyngol, gallwch godi hyn gydag Arolygiaeth Gofal Cymru. Gallwch wneud hyn drwy fynd i dudalen Codi pryder am wasanaethau gofal Arolygiaeth Gofal Cymru. Neu gallwch gysylltu â nhw: