Mae'n ofynnol i bob ceidwad defaid a geifr gwblhau stocrestr unwaith y flwyddyn.
Mae hyn yn rhan o Orchymyn Defaid a Geifr (Cofnodion, Adnabod a Symud) (Cymru) 2015.
Yng Nghymru, mae'r stocrestr flynyddol yn gofnod o nifer y defaid sydd ar ddaliad ar 1 Ionawr bob blwyddyn. Dylai'r cofnod gynnwys:
- defaid magu
- hyrddod
- ŵyn gwryw
- ŵyn stôr ac ŵyn wedi'u pesgi
- mamogiaid/hyrddod i’w difa, a
- defaid eraill a geifr
Rhaid i chi hefyd gofnodi nifer y defaid a geifr ar eich daliad ar 1 Ionawr yn Llyfr y Ddiadell ar eich fferm.
Rhaid i chi restru yn y stocrestr bob rhif daliad (CPH) lle rydych chi'n berchennog y defaid a/neu'r geifr ar 1 Ionawr. Mae hyn yn cynnwys tir comin a thir dros dro.
Os na fyddwch yn cwblhau'r stocrestr, rydych chi'n fwy tebygol o gael eich dewis ar gyfer archwiliad.
Gallwch gwblhau'r stocrestr ar-lein ar eidcymru.org.
Byddwn yn cysylltu â chi drwy e-bost/llythyr ddiwedd mis Rhagfyr i ddweud wrthych sut i gwblhau'ch stocrestr.
Rhaid i chi gwblhau a chyflwyno eich stocrestr 2024 erbyn 1 Chwefror 2024.
I gael rhagor o wybodaeth:
- edrychwch ar ein Ffurflen stocrestr flynyddol o ddefaid a geifr: cwestiynau cyffredin
- cysylltwch ag EIDCymru