Heintiau anadlol acíwt gan gynnwys COVID-19: canllawiau i ysgolion addysg arbennig

Sut i reoli heintiau anadlol ac achosion o COVID-19 mewn lleoliadau addysgol arbennig.

Rhan o:

Cyhoeddwyd gyntaf:

14 Medi 2023

Diweddarwyd ddiwethaf:

14 Medi 2023

Cynnwys

Wrth inni nesáu at yr hydref a’r gaeaf, rydyn ni’n disgwyl gweld cynnydd mewn cylchrediad heintiau anadlol acíwt.

Mae’r cyngor presennol wedi’i nodi isod.

Dylai staff sy’n gweithio’n agos gyda dysgwyr agored i niwed gael hyfforddiant llawn ar ddefnyddio masgiau wyneb, gorchuddion wyneb a chyfarpar diogelu personol arall, yn enwedig os ydynt yn gofalu am ddysgwr sy’n defnyddio anadlydd.
Dylai staff wisgo masgiau wyneb pan fyddant yn gofalu am ddysgwyr agored i niwed yr amheuir sydd â COVID-19 a’r ffliw.
Efallai yr hoffech hefyd ystyried gofyn i unigolion symptomatig wisgo masg wyneb (os gellir goddef hyn) a’i gwneud yn ofynnol i ymwelwyr wisgo masgiau wyneb os oes achosion/brigiad o achosion yn yr ysgol.

Cynghorir staff sydd â symptomau o haint ar y system anadlu gan gynnwys COVID-19 a/neu sydd â thymheredd uchel, i aros gartref a rhoi gwybod i’w cyflogwr cyn gynted â phosibl.
Pan fyddant yn teimlo’n well ac nad oes ganddynt wres uchel, a’u bod yn barod i ddychwelyd i’r gwaith, efallai yr hoffent drafod gyda’u cyflogwr sut y gallant leihau unrhyw risg gan y gallant fod yn heintus o hyd.
Dylid hefyd cynghori dysgwyr gyda symptomau o haint ar y system anadlol i aros gartref a pheidio â dychwelyd i’r lleoliad nes eu bod yn teimlo’n well / heb dymheredd.

Un o’n prif amddiffyniadau i leihau effaith COVID-19 a’r bygythiad o amrywiolyn newydd yw brechu. Dechreuodd Rhaglen Brechiadau Atgyfnerthu’r Hydref yng Nghymru ar 11 Medi ac mae’n bwysig bod y rhai hynny sy’n gymwys yn manteisio ar y cynnig, gan gynnwys staff sy’n gweithio mewn ysgolion arbennig.
Bydd hyn yn helpu i atal gweithwyr rheng flaen rhag mynd yn sâl, bydd yn lleihau trosglwyddiad heintiau i unigolion agored i niwed, a bydd hefyd yn diogelu’r system iechyd a gofal cymdeithasol rhag cael ei llethu.

Am ragor o gyngor a chanllawiau darllenwch 'Cyngor i Staff Iechyd a Gofal ar Feirysau Anadlol gan gynnwys COVID-19' neu cysylltwch â'ch tîm diogelu iechyd rhanbarthol: