Rheoli heintiau anadlol acíwt mewn ysgolion addysg arbennig

Sut i reoli heintiau anadlol, gan gynnwys COVID-19 a'r ffliw mewn lleoliadau addysg arbennig.

Rhan o:

Cyhoeddwyd gyntaf:

14 Medi 2023

Diweddarwyd ddiwethaf:

17 Mai 2024

Cynnwys

Dylai staff sy'n gweithio'n agos gyda dysgwyr sy'n agored i niwed gael eu hyfforddi i ddefnyddio masgiau wyneb, gorchuddion wyneb a chyfarpar diogelu personol perthnasol arall. Mae hyn yn arbennig o bwysig os ydynt yn gofalu am ddysgwr sy'n defnyddio anadlydd.
Dylai staff wisgo masgiau wyneb wrth ofalu am ddysgwyr agored i niwed yr amheuir fod ganddynt COVID-19 neu’r ffliw.
Ystyriwch a all unigolion â symptomau wisgo masgiau wyneb (os ydynt yn gallu).
Os oes achosion yn yr ysgol, ystyriwch a oes angen masgiau wyneb ar gyfer ymwelwyr ac ardaloedd eraill.

Dylai staff sydd â symptomau haint ar y llwybr anadlol neu sydd â thymheredd uchel aros gartref. Dylent roi gwybod i'w cyflogwr cyn gynted â phosibl.
Os yw staff yn teimlo'n well ac yn barod i ddychwelyd i'r gwaith, dylent drafod hyn gyda'u cyflogwr yn gyntaf, er mwyn gallu lliniaru risgiau.
Dylid cynghori dysgwyr sydd â symptomau haint ar y llwybr anadlol i aros gartref hefyd. Ni ddylent ddychwelyd i'r lleoliad nes nad ydynt yn teimlo'n sâl bellach ac nad oes ganddynt dymheredd uchel mwyach.

Gall brechu leihau effaith heintiau anadlol acíwt. Mae'n bwysig bod pawb sy'n gymwys yn parhau i fanteisio ar y cynnig o frechiadau rhag COVID-19 a'r ffliw. Mae hyn yn cynnwys staff sy'n gweithio mewn ysgolion arbennig.
Gall brechu ein helpu i amddiffyn gwydnwch y system iechyd a gofal cymdeithasol. Drwy fanteisio ar y cynnig o frechiad, gallwch helpu i amddiffyn y system rhag cael ei llethu. Dysgwch ragor am ein haglen frechur COVID-19.