Daeth yr ymgynghoriad i ben 9 Medi 2013.
Adolygu ymatebion
Mae ymatebion i'r ymgynghoriad hwn yn cael ei adolygu ar hyn o bryd. Bydd manylion am y canlyniad yn cael eu cyhoeddi yma maes o law.
Ymgynghoriad gwreiddiol
Ymgynghoriad ar effeithiau posibl datganoli i Gynulliad Cenedlaethol Cymru a Llywodraeth Cymru.
Disgrifiad o'r ymgynghoriad
Sefydlwyd y Comisiwn annibynnol ar Ddatganoli yng Nghymru (Comisiwn ‘Silk’) gan Lywodraeth y DU ym mis Hydref 2011 i adolygu’r trefniadau ariannol a chyfansoddiadol presennol yng Nghymru.
Ym mis Tachwedd 2012 cyhoeddodd Comisiwn Silk ei adroddiad Rhan 1 - Grymuso a Chyfrifoldeb: Pwerau Ariannol i Gryfhau Cymru. Roedd yr adroddiad hwn yn ystyried sut i wella atebolrwydd ariannol y Cynulliad a Llywodraeth Cymru gan gynnwys yr achos dros ddatganoli pwerau ariannol.
Roedd yr adroddiad yn cynnwys 33 argymhelliad gan gynnwys yr argymhelliad bod 'Treth Tir y Doll Stamp yn cael ei datganoli i Lywodraeth Cymru a bod Gweinidogion Cymru yn cael rheolaeth dros bob agwedd ar y dreth yng Nghymru’.
Mae Llywodraeth y DU yn dymuno ymgynghori â busnesau ynghylch effeithiau posibl datganoli Treth Tir y Doll Stamp i’r Cynulliad cyn paratoi ymateb llawn i bob un o’r argymhellion yn adroddiad cyntaf y Comisiwn.
Mae'r ymgynghoriad hwn yn cael ei gynnal ar GOV.UK