Cynllun drafft 10 mlynedd ar gyfer y gweithlu blynyddoedd cynnar, gofal plant a chwarae yng Nghymru

Ymhen 10 mlynedd hoffem sicrhau gweithlu medrus iawn:

• sy’n uchel ei barch (ac yn yrfa ddeniadol)
• sy’n deall sut y mae plant yn dysgu ac yn datblygu
• sy’n strwythuro gweithgareddau ac amser er mwyn cefnogi pob plentyn i ddatblygu hyd eithaf ei allu
• sy’n awyddus i barhau i ddysgu
• sy’n ddwyieithog.

Mae’r cynllun drafft yn disgrifio’r modd y byddwn yn ceisio cefnogi unigolion a mynd i’r afael â’r anghenion o safbwynt datblygu gweithlu pob mathau o ddarparwyr blynyddoedd cynnar gofal plant a chwarae o fewn y sector a gynhelir a’r sector nas cynhelir.

Mae’r ymgynghoriad hwn yn gwahodd sylwadau ynghylch y cynigion a gaiff eu hawgrymu yn y cynllun drafft ac yn gwahodd sylwadau ynghylch eu heffaith a’u manteision posibl.