Er mwyn datblygu cynigion ar gyfer dyletswyddau cydraddoldeb penodol a fydd yn berthnasol yng Nghymru, bydd Llywodraeth Cymru yn cynnal 'Ymarfer Gwrando' dros yr haf gyda'i phrif randdeiliaid.
Dyma'r datganiad diweddaraf yn y gyfres: Y Mesur Cydraddoldeb: Hyrwyddo cydraddoldeb ar draws y sector cyhoeddus yng Nghymru
Dechreuodd yr ymarfer hwn ddydd Llun 27 Gorffennaf 2009 a daeth i ben ddydd Llun 16 Tachwedd 2009.
Drwy gydol y cyfnod hwn, cafodd cyfres o ddigwyddiadau a chyfarfodydd eu cynnal, gan roi cyfle i randdeiliaid ddweud wrthym sut dylid datblygu dyletswyddau cydraddoldeb penodol yn y sector cyhoeddus yma yng Nghymru.
Er mwyn helpu i lywio’r drafodaeth hon, rydym wedi amlinellu rhai syniadau cychwynnol ynghylch y meysydd lle gallai'r dyletswyddau hyn wneud cyfraniad cadarnhaol yn ein dogfen drafod "Hyrwyddo cydraddoldeb ar draws y sector cyhoeddus yng Nghymru".
Yn 2009, comisiynodd Llywodraeth Cymru ymchwil ynghylch sut y gellid llunio dyletswydd benodol ar gyfer awdurdodau cyhoeddus yng Nghymru mewn perthynas â chyflog cyfartal rhwng dynion a menywod o fewn y sector cyhoeddus. Gellir gweld yr ymchwil hon trwy agor yr atodiad isod a dylid ei darllen ar y cyd â'r ddogfen drafod Hyrwyddo Cydraddoldeb ar draws y Sector Cyhoeddus yng Nghymru a gyhoeddwyd ym mis Gorffennaf 2009.
Mae'r adroddiad isod yn crynhoi'r cyfraniadau a dderbyniwyd gennym yn ystod yr ymarfer. Ar sail y cyngor hwn a'r ymchwil a gasglwyd, mae'r Gweinidog dros Y Gweinidog Llywodraeth Leol a Chymunedau wedi gofyn i swyddogion ddatblygu cynigion polisi manwl ar gyfer ymgynghoriad cyhoeddus. Disgwylir i'r cynigion hyn gael eu cyhoeddi ddiwedd y gwanwyn.
Adroddiadau
