Datganiad Cydbwyllgor y Trysorlysoedd: 24 Hydref 2016
Bydd y pwyllgor yn parhau i gwrdd i gadw golwg ar y broses o roi’r pwerau trethu a benthyca ar waith a’r modd y gweithredir y fframwaith cyllidol.
Efallai na fydd y ffeil hon yn gyfan gwbl hygyrch.
Cynhaliwyd cyfarfod Cyd-bwyllgor y Trysorlysoedd (Cymru) ddoe (24 Hydref) i barhau i drafod y trefniadau cyllid a fydd yn cael eu rhoi ar waith pan fydd pwerau treth newydd yn cael eu datganoli i Gynulliad Cenedlaethol Cymru. Bydd treth dir y dreth stamp a'r dreth treth dirlenwi yn cael eu datganoli ym mis Ebrill 2018 ac mae Deddf Cymru 2014 yn galluogi i dreth incwm gael ei datganoli'n rhannol.
Roedd Prif Ysgrifennydd y Trysorlys, y Gwir Anrhydeddus David Gauke AS yn cynrychioli Llywodraeth y DU ac Ysgrifennydd y Cabinet dros Gyllid a Llywodraeth Leol, Mark Drakeford AC yn cynrychioli Llywodraeth Cymru.
Fe gafodd y Gweinidogion drafodaeth adeiladol ynghylch amrywiol opsiynau ar gyfer y trefniadau cyllid newydd. Ystyriwyd yn benodol sut y dylai'r grant bloc gael ei addasu yn sgil datganoli treth, a pherthynas hynny gyda fformiwla Barnett a'r cyllid gwaelodol.
Hefyd bu'r Gweinidogion yn trafod o dan ba amgylchiadau y dylai effeithiau penderfyniadau ar bolisiau treth arwain at drosglwyddo cyllid rhwng llywodraethau.
Cynhelir cyfarfod nesaf y Cyd-bwyllgor ym mis Tachwedd, ar ôl Datganiad yr Hydref Llywodraeth y DU.
Llywodraeth Cymru a Llywodraeth y DU
25 Hydref 2016