Cyfarfod y Cabinet: 23 Awst 2021
Cofnodion cyfarfod o'r Cabinet ar 23 Awst 2021.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol (drwy Teams)
- Y Gwir Anrh. Mark Drakeford AS (Cadeirydd)
- Rebecca Evans AS
- Vaughan Gething AS
- Jane Hutt AS
- Julie James AS
- Eluned Morgan AS
- Mick Antoniw AS
- Dawn Bowden AS
- Hannah Blythyn AS
- Julie Morgan AS
- Lynne Neagle AS
Ymddiheuriadau
- Lesley Griffiths AS
- Jeremy Miles AS
- Lee Waters AS
Swyddogion
- Des Clifford, Cyfarwyddwr Cyffredinol, Swyddfa’r Prif Weinidog
- Will Whiteley, Dirprwy Gyfarwyddwr, Is-adran y Cabinet
- Simon Jenkins, Cyfathrebu Strategol
- Jane Runeckles, Cynghorydd Arbennig
- Madeline Brindley, Cynghorydd Arbennig
- Alex Bevan, Cynghorydd Arbennig
- Daniel Butler, Cynghorydd Arbennig
- Ian Butler, Cynghorydd Arbennig
- Kate Edmunds, Cynghorydd Arbennig
- Sara Faye, Cynghorydd Arbennig
- Clare Jenkins, Cynghorydd Arbennig
- Andrew Johnson, Cynghorydd Arbennig
- Mitch Theaker, Cynghorydd Arbennig
- Tom Woodward, Cynghorydd Arbennig
- Christopher W Morgan, Ysgrifenyddiaeth y Cabinet (cofnodion)
- Helen Carey, Ysgrifenyddiaeth y Cabinet
- Andrew Goodall, Cyfarwyddwr Cyffredinol, Iechyd
- Frank Atherton, Prif Swyddog Meddygol
- Chris Jones, Dirprwy Brif Swyddog Meddygol
- Tom Smithson, COVID-19, Ailgychwyn
- Helen Lentle, Cyfarwyddwr Gwasanaethau Cyfreithiol
- Neil Buffin, Uwch Gyfreithiwr
- Terry Kowal, Uwch Gwnsler Deddfwriaethol
- Steffan Roberts, Dirprwy Gyfarwyddwr Twristiaeth
Eitem 1: Cofnodion y cyfarfodydd blaenorol
1.1 Cymeradwyodd y Cabinet gofnodion 29 Gorffennaf a 2 Awst.
Item 2: Review of CoronavirusEitem 2: Adolygiad o Reoliadau Cyfyngiadau Coronafeirws (Rhif 5) - 26 Awst 2021 Restrictions (No. 5) Regulations – 26 August 2021
2.1 Cyflwynodd y Prif Weinidog y papur, a argymhellodd y dylai Cymru aros ar Lefel Rhybudd 0 am y cyfnod adolygu presennol.
2.2 Atgoffwyd y Gweinidogion mai diben y cyfyngiadau sy'n ymwneud â COVID-19 o fewn y Cynllun Rheoli’r Coronafeirws oedd atal a diogelu rhag haint, rheoli neu ddarparu ymateb iechyd y cyhoedd i ledaeniad haint neu halogiad. Rhaid bod bygythiad i iechyd y cyhoedd a rhaid i'r cyfyngiadau fod yn gymesur o ran yr hyn yr oeddent yn ceisio ei gyflawni.
2.3 Gwahoddodd y Prif Weinidog y Prif Swyddog Meddygol i roi trosolwg o'r sefyllfa bresennol o ran iechyd y cyhoedd.
2.4 Roedd cyfraddau trosglwyddiad yn y gymuned yn parhau i gynyddu yng Nghymru ac roedd nifer yr achosion ymhlith pobl dros 60 oed hefyd yn codi. Roedd y cyfartaledd saith niwrnod cyffredinol yn rhyw 208 i bob 1000,000 o'r boblogaeth. Roedd disgwyl i nifer y bobl a oedd yn cael eu heintio gynyddu yn yr wythnosau nesaf pan fyddai myfyrwyr yn dychwelyd i ysgolion a cholegau.
2.5 Roedd derbyniadau i ysbytai ac i ICU yn cynyddu'n araf, ond roedd hyn yn dal yn weddol sefydlog. Roedd y rhaglen frechu'n parhau ar fyrder, ond roedd angen hwb i ymestyn allan i'r rhai sy'n gyndyn o gael y brechlyn.
2.6 Dywedodd Prif Weithredwr y GIG fod pob un o'r byrddau iechyd yn dal o fewn y modelu gweithredol presennol ar gyfer y pandemig, er gwaethaf pwysau parhaus.
2.7 O gofio'r adroddiadau am y sefyllfa o ran iechyd y cyhoedd, cytunodd y Cabinet y dylai Cymru aros ar Lefel Rhybudd 0 am y cyfnod adolygu presennol.
2.8 O ran yr argymhellion yn y papur ynghylch gorchuddion wyneb, cytunodd y Cabinet i ddileu'r amryfusedd lle'r oedd yn ofynnol i bobl wisgo masg mewn priodas neu seremoni partneriaeth sifil ond lle gallent ei dynnu wedyn ar gyfer y derbyniad.
2.9 Cymeradwyodd y Cabinet y papur.