Astudiaeth gwmpasu ar gyfer gwerthuso diwygiadau i'r cwricwlwm ac asesu yng Nghymru

Un o’r prif bethau y mae’r adroddiad yn canolbwyntio arno yw damcaniaeth newid, sy'n esbonio sut y bwriedir i'r broses ddiwygio gyflawni ei nodau a'i hamcanion drwy egluro'r mewnbynnau, y gweithgareddau, yr allbynnau, y canlyniadau a'r effeithiau disgwyliedig, yn ogystal â'r cysylltiadau tybiedig rhyngddynt.

Mae'r adroddiad yn cyflwyno'r cwestiynau ymchwil a gwerthuso y dylai Llywodraeth Cymru eu gofyn er mwyn archwilio i ba raddau y mae'r mecanweithiau yn y ddamcaniaeth newid yn digwydd yn ôl y disgwyl.

Mae'r adroddiad yn argymell cyfres gynhwysfawr o astudiaethau sydd, gyda'i gilydd, yn galluogi archwiliad o gynnydd ac effaith y diwygiadau i'r cwricwlwm dros amser. Cynigir naw astudiaeth, ac mae rhai ohonynt yn rhoi trosolwg eang a hir o lwyddiant diwygiadau'r cwricwlwm a nifer yn cydnabod pwysigrwydd ymchwilio'n fanwl i agweddau mwy penodol ar y gwaith.

Mae Llywodraeth Cymru wedi ystyried yr argymhellion ac wedi cyhoeddi ymateb.