Dangosyddion allbynnau tymor-byr: Gorffennaf i Fedi 2022

Effaith y coronafeirws

Mae’r amcangyfrifon yma yn cwmpasu’r cyfnod Gorffennaf i Fedi 2022 ac amcangyfrifon blynyddol ar gyfer y cyfnod Hydref 2021 i Fedi 2022.

Gall amcangyfrifon ar gyfer chwarteri unigol amrywio, ac mae amcangyfrifon ar gyfer Cymru yn tueddi i fod yn fwy cyfnewidiol nag ar gyfer y DU, felly argymhellir ystyriaeth o dueddiadau a chymariaethau tymor hwy.

Prif bwyntiau

Dangosyddion allbynnau tymor-byr, Gorffennaf 2000 i Medi 2022

Image

Mae'r siart llinell yn dangos y gyfres amser ar gyfer mynegai cynhyrchu, adeiladu a gwasanaethau’r farchnad ers 2000. Cynyddodd pob un o’r tri mynegai ar gyfer Cymru yn flynyddol; y pedwar chwarter diweddaraf (Hydref 2021 i Fedi 2022). Yn chwarterol, dangosodd y mynegai adeiladu gynnydd tra bod gwasanaethau marchnata a chynhyrchu yn dangos gostyngiadau. Mae hyn yn dilyn cyfnod o newid gyda’r gostyngiadau chwarterol mwyaf ar gofnod ym mis Ebrill i fis Mehefin 2020 (a oedd yn cynnwys rhan o gyfnod cychwynnol y cyfyngiadau symud) a'r cynnydd mwyaf dilynol a gofnodwyd yn ystod gorffennaf i Fedi 2020 (sy'n adlewyrchu llacio'r cyfyngiadau dros fisoedd yr haf).

Ffynhonnell: Dangosyddion allbynnau tymor-byr, Llywodraeth Cymru a Swyddfa Ystadegau Gwladol

Mynegai Gwasanaethau Marchnata

• Mae'r duedd tymor-hir yn dangos cynnydd o 4.3% yng Nghymru a chynnydd o 6.8% yn y DU yn y flwyddyn hyd at fis Medi 2022, o'i gymharu â'r deuddeg mis blaenorol.
• Yng Nghymru, gwelwyd cynnydd mewn chwech allan o’r naw mynegai diwydiant Gwasanaethau’r Farchnad dros y flwyddyn.
• Mae’r Mynegai Gwasanaethau Marchnata ar gyfer Cymru yn dangos gostyngiad o 0.6% wrth gymharu’r chwarter cyfredol a’r un flaenorol. Gostyngodd allbwn y DU 0.2%, dros yr un cyfnod.

Mynegai Cynhyrchu

• Mae'r duedd tymor-hir yn dangos cynnydd o 1.5% ar gyfer Cymru a gostyngiad o 3.2% ar gyfer y DU yn y flwyddyn hyd at fis Medi 2022, o'i gymharu â'r deuddeg mis blaenorol.
• Mae’r Mynegai Cynhyrchu ar gyfer Cymru yn dangos gostyngiad o 4.5% o’i gymharu â’r chwarter blaenorol. Gostyngodd allbwn y DU 2.5% dros yr un cyfnod.

Mynegai Adeiladu

• Mae'r duedd tymor-hir yn dangos cynnydd o 10.2% ar gyfer Cymru a chynnydd o 5.3% ar gyfer y DU yn y flwyddyn hyd at fis Medi 2022, o'i gymharu â'r deuddeg mis blaenorol.
• Mae’r Mynegai Adeiladu ar gyfer Cymru yn dangos cynnydd o 1.5% wrth gymharu’r chwarter cyfredol â’r un blaenorol. gostyngodd allbwn y DU 0.2% dros yr un cyfnod.