Amseroedd atgyfeiriad am driniaeth: Ebrill 2018 i Mawrth 2019

Prif bwyntiau

• Cafodd 1,014,880 o lwybrau eu cau yn 2018-19, sef 4.2% yn fwy nag yn 2017-18.
• Roedd cyfanswm y llwybrau agored oedd yn aros am driniaeth ym mhob mis yn 2018-19 oddeutu 430 i 450 o filoedd.
• Roedd y ganran a oedd wedi bod yn aros llai na 26 wythnos yn amrywio o 86.9 i 89.1%.
• Roedd y perfformiad yn erbyn y targed o 95% (26 wythnos) yn 2018-19 yn uwch nag yn 2017-18. Ym mis Mawrth 2019 y cafwyd y ganran uchaf ers mis Gorffennaf 2013 o gleifion a oedd wedi bod yn aros llai na 26 wythnos.
• Roedd y nifer a oedd wedi bod yn aros mwy na 36 wythnos yn amrywio o 8,985 i 15,622.
• Roedd llai o lwybrau lle bu cleifion yn aros mwy na 36 wythnos ym mhob mis yn 2018-19 nag yn 2017-18.
• Roedd canolrif yr amser aros yn amrywio yn ystod y flwyddyn. Yn 2018-19, yr hiraf oed 10.0 wythnos ym mis Medi 2018; yr isaf oedd 8.6 wythnos ym mis Mawrth 2019.

Yn newydd eleni

Mae dangosfwrdd rhyngweithiol wedi’i gyhoeddi ochr yn ochr â’r adroddiad. Mae’n darparu manylder rhyngweithiol, gan gynnwys dadansoddiad fesul bwrdd iechyd lleol, math o driniaeth a’r cam ar y llwybr. Mae’n dangos canolrifau’r amseroedd aros ac yn rhoi manylion am y llwybrau nad ydynt yn cael eu cynnwys wrth gofnodi’r amser rhwng atgyfeirio a thriniaeth.