Y diweddariadau polisi a llywodraethu TB buchol diweddaraf.
Cynnwys
Llywodraethu
Ein Dogfennau Polisi a Rhaglen TB
Mae ein polisi a'n chynllun cyflawni ar gyfer Dileu TB Gwartheg yn nodi sut rydym yn bwriadu dileu'r clefyd erbyn 2041. I weld y ddogfen hon, cliciwch ar y ddolen isod:
Rhaglen dileu TB Gwartheg Cymru: cynllun cyflawni 2023 | LLYW. CYMRU
Grŵp Cynghori Technegol
Mae'r Grŵp Cynghori Technegol yn rhoi cyngor arbenigol annibynnol i Lywodraeth Cymru ar y rhaglen dileu TB drwy Ferdd y Rhaglen Dilau TB.
Cyfarfu'r TAG am y tro cyntaf ym mis Ebrill 2024, gan ystyried trefniadau lladd ar ffermydd yn y lle cyntaf. Yn dilyn argymhellion y TAG, gwnaed newidiadau i'r polisi presennol ar unwaith i leihau nifer y gwartheg y mae angen eu lladd ar ffermydd. Mae rhagor o wybodaeth ar gael yma Gohirio symud gwartheg at ddiben rheoli TB.
Mae'r TAG hefyd wedi ystyried tystiolaeth mewn perthynas â pholisi Adweithyddion Amhendant, wedi ystyried data TB a bylchau mewn tystiolaeth mewn perthynas â bywyd gwyllt.
Am fwy o wybodaeth am y TAG ac i weld cofnodion cyfarfodydd gweler: Grŵp Cynghori Technegol TB Gwartheg Cymru
Bwrdd y Rhaglen
Bydd y Bwrdd Rhaglen yn darparu argymhellion strategol i Lywodraeth Cymru ar TB mewn gwartheg, gan ddefnyddio cyngor gan y TAG.
Cyfarfu'r Bwrdd Rhaglen am y tro cyntaf ym mis Rhagfyr 2024 a thrafod cyngor gan y TAG ar bolisi Adweithyddion Amhendant. Ym mis Mai 2025 cyhoeddodd y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig newidiadau i bolisi Adweithyddion Amhendant ar ôl derbyn cyngor y TAG a'r Bwrdd Rhaglen ar y pwnc. Gellir dod o hyd i ragor o wybodaeth yma Plenary 13/05/2025 - Welsh Parliament.
Polisi
Gellir gweld y newidiadau polisi diweddaraf yn natganiad y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig ar y Rhaglen Dileu TB Cyfarfod Llawn 13/05/2025 - Senedd Cymru].
Manylion cyswllt
Os oes gennych unrhyw ymholiadau ynghylch llywodraethu neu bolisïau newydd, cysylltwch â'r tîm TB gwartheg gan ddefnyddio'r e-bost canlynol: BovineTB@llyw.cymru
Os oes gennych unrhyw ymholiadau ynghylch cyflwyno polisïau presennol yng Nghymru, cysylltwch â'r Asiantaeth Iechyd Anifeiliaid a Phlanhigion gan ddefnyddio'r manylion isod:
Ffôn: 0300 303 8268
E-bost: APHA.CymruWales@apha.gsi.gov.uk
Gwefan: Yr Asiantaeth Iechyd Anifeiliaid a Phlanhigion