Gwirio hunaniaeth ar gyfer gwasanaethau iechyd digidol mewn gofal sylfaenol (NHS login) (WHC/2025/011)

Statws:

Gwybodaeth.

Categori:

Llywodraethu gwybodaeth / technoleg gwybodaeth.

Teitl:

Cyflwyno Safon Hunaniaeth Iechyd Digidol GIG Cymru ar gyfer Gofal Sylfaenol (NHS Login).

Dyddiad Adolygu:

Medi 2025.

I'w weithredu gan:

Ymarferwyr Cyffredinol.

Er gwybodaeth:

• Byrddau Iechyd Lleol y GIG.
• Ymddiriedolaethau'r GIG.
• Awdurdodau Iechyd Arbennig y GIG.
• Fforwm Partneriaeth GIG Cymru.
• Pwyllgor Meddygon Teulu (Cymru), Cymru.
• Coleg Brenhinol yr Ymarferwyr Cyffredinol.

Angen gweithredu erbyn:

Ar unwaith.

Anfonir gan:

Alex Slade, Cyfarwyddwr,
Gofal Sylfaenol,
Iechyd Meddwl a'r Blynyddoedd Cynnar,
Llywodraeth Cymru.

Enwau Cyswllt yn Llywodraeth Cymru:

Justin Davies,
Uwch-reolwr Polisi Data,
y Grŵp Iechyd a Gwasanaethau Cymdeithasol,
Llywodraeth Cymru,
Parc Cathays,
Caerdydd.
CF10 3NQ.
Ebost: justin.davies@llyw.cymru

Y cefndir

Annwyl Gydweithwyr,

Cynghorir Ymarferwyr Cyffredinol i nodi cyhoeddi'r Cylchlythyr Iechyd Cymru hwn a 'Safon Hunaniaeth Iechyd Digidol GIG Cymru ar gyfer Gofal Sylfaenol (NHS Login)'.

Mae'r safon yn gymwys yn unig i wirio hunaniaeth at ddibenion cael mynediad at NHS Login mewn ymarfer cyffredinol.

Y safon

Mae Safon Hunaniaeth Iechyd Digidol GIG Cymru ar gyfer Gofal Sylfaenol (NHS Login) yn nodi dull cyson o reoli hunaniaeth mewn ymarfer cyffredinol. Mae'n disgrifio pam y dylai person brofi ei hunaniaeth i gael mynediad at wasanaethau iechyd digidol.

Mae'r Safon hefyd yn nodi sut y dylid perfformio'r broses ddilysu hunaniaeth, dilysu hunaniaeth ac awdurdodi mewn lleoliad practis meddygon teulu.

Mae'r elfennau a ystyrir gan y safon hon yn cynnwys:

• gwirio hunaniaeth, gan gynnwys cadarnhau
• dilysu hunaniaeth
• awdurdodiad clinigol
• trafodion enghreifftiol nodweddiadol

Mae'r safon yn gymwys yn unig i wirio hunaniaeth at ddibenion cael mynediad at NHS Login mewn ymarfer cyffredinol.

Y cefndir

Mae Llywodraeth Cymru, gan gydweithredu â phartneriaid, wedi datblygu gwasanaethau digidol a fydd yn rhoi cyfrifoldeb i bobl dros eu hiechyd eu hunain. Mae'r gwasanaethau digidol hyn yn cynnwys gwybodaeth bersonol, ac mae'n hanfodol mai dim ond y person cywir sydd â mynediad.

Un gwasanaeth o'r fath yw Ap GIG Cymru, sy'n caniatáu i bobl reoli agweddau ar eu gofal eu hunain. Er mwyn cael mynediad at Ap GIG Cymru, rhaid i bobl brofi eu hunaniaeth yn gyntaf gan ddefnyddio NHS Login.

Mae NHS Login, platfform hunaniaeth dinasyddion cenedlaethol gan GIG Lloegr, yn galluogi pobl i brofi eu hunaniaeth unwaith, ac yna gallant fewngofnodi i'r GIG i gael mynediad at ap GIG Cymru.

Un o ofynion sylfaenol NHS Login yw ymagwedd y cytunwyd arni at reoli hunaniaeth, sy'n cydymffurfio ag egwyddorion sicrhau hunaniaeth. Mae'r safon hon yn nodi'r dull y cytunwyd arno.

Cwmpas

Mae'r safon hon yn gymwys i bractisau Meddygon Teulu yng Nghymru yn unig.

Mae'n gymwys yn unig i ddarparwyr y GIG mewn Gwasanaethau Meddygol Cyffredinol sy'n cael mynediad at wasanaethau gofal iechyd digidol ar-lein yng Nghymru.

Nid yw'r ddogfen hon yn ymdrin â:

• yr atebion technegol neu'r profiadau defnyddiwr sy'n ofynnol i weithredu'r safon hon
• codau adnabod unigryw megis rhif y GIG
• ailwirio neu ail-ddilysu, er y gallai hyn gael ei ailystyried mewn  fersiynau ddiweddarach
• datrysiadau mynediad wedi'u dilysu, er y gellir ychwanegu hyn mewn fersiynau diweddarach. Bydd y cylchlythyr Iechyd Cymru hwn yn cael ei ddiweddaru wrth i'r sefyllfa hon newid
• seiberddiogelwch, canfod bygythiadau, neu ddisgyblaethau cysylltiedig eraill

Yn gywir

Alex Slade, Cyfarwyddwr,
Gofal Sylfaenol, Iechyd Meddwl a'r Blynyddoedd Cynnar