Gweithlu practis cyffredinol: ar 31 Rhagfyr 2024

Prif ffynhonnell y data a ddefnyddir yw System Adrodd Genedlaethol y Gweithlu Cymru (WNWRS) sydd wedi’i chyflenwi a’i dilysu gan Bartneriaeth Cydwasanaethau GIG Cymru.

Ar 31 Rhagfyr 2024, roedd 1,579 o feddygon teulu cwbl gymwysedig cyfwerth ag amser llawn (FTE) yn darparu gofal iechyd o 370 o practisau cyffredinol yng Nghymru. Roedd sef gostyngiad blynyddol o 9 (0.5%) yn nifer y meddygon teulu cwbl gymwysedig ac roedd gostyngiad o 4 (1.1%) yn nifer y practisau cyffredinol o 31 Rhagfyr 2023 ymlaen.

Ar ôl dadansoddi yn ôl mathau penodol o feddygon teulu, roedd

• 1,020 o feddygon teulu sy’n bartneriaid FTE, sef gostyngiad o 1%.
• 446 o feddygon teulu cyflogedig FTE, sef cynnydd o 13.8%.
• 102 o feddygon teulu locwm FTE wedi gweithio yn ystod y chwarter, sef gostyngiad o 34.4% (gweler yr adroddiad ansawdd i gael gwybodaeth am newidiadau i gwmpas y term locwm o 31 Mawrth 2024 ymlaen).
• 12 o feddygon teulu wrth gefn FTE, sef cynnydd o 1.

Ochr yn ochr â meddygon teulu cwbl gymwysedig, roedd

• 442 o gofrestryddion mewn practis cyffredinol (meddygon teulu dan hyfforddiant) FTE, sef cynnydd o 8.1%.
• 1,017 o nyrsys cofrestredig FTE, sef gostyngiad o 2.2%.
• 955 o staff gofal uniongyrchol i gleifion FTE (gan gynnwys staff fel cynorthwywyr gofal iechyd, cyflenwyr meddyginiaeth a fferyllwyr), sef gostyngiad o 0.7%.
• 3,930 o staff gweinyddol neu staff practis anghlinigol eraill FTE, sef gostyngiad o 0.4%.

Os nad oes contract ar waith rhwng y bwrdd iechyd a phartner meddyg teulu, gall y bwrdd iechyd lleol reoli practis cyffredinol gyda staff a allai gynnwys meddygon teulu cyflogedig a meddygon teulu locwm.

Ar 31 Rhagfyr 2024, roedd 19 o bractisau’n cael eu rheoli gan fwrdd iechyd lleol, sef gostyngiad o 6. Roedd y practisau hyn yn cyflogi 60 o feddygon teulu cwbl gymwysedig FTE a 339 o staff practis ehangach FTE. Mae’r staff hyn wedi’u cynnwys yn y cyfansymiau ar gyfer staff.

Ystadegydd: Sabir Ahmed
E-bost: ystadegau.iechyd@llyw.cymru

Cyfryngau: 0300 025 8099