Fforwm Gwydnwch Cymru: cylch gorchwyl

Prif bwrpas Fforwm Gwydnwch Cymru yw darparu fforwm i gynnig arweinyddiaeth strategol, sicrwydd a her i Bartneriaeth Gwydnwch Cymru (a'r is-grwpiau sy'n cefnogi) mewn perthynas â pharodrwydd ar gyfer argyfwng a chryfhau gwydnwch Cymru.

Mae pob aelod hefyd yn chwarae rhan yn y gwaith o hyrwyddo cyfathrebu a chydweithio rhwng ac ar draws holl bartneriaid y gymuned ymatebwyr er mwyn gwella’r gwaith o reoli risg a bod yn barod am argyfwng yng Nghymru.

Mae gan y Fforwm y cyfrifoldebau allweddol a ganlyn:

• Goruchwylio'r broses o ddatblygu rhaglen waith, ar gyfer Cymru gyfan, a'i chymeradwyo, sy’n cyd-fynd â’r egwyddorion craidd a’r canlyniadau yn Fframwaith Gwydnwch Cymru.
• Sicrhau bod blaenoriaethau yn cael eu diffinio’n glir a’u cyfleu i Bartneriaeth Gwydnwch Cymru
• Ceisio sicrwydd ynghylch cynllunio gwydnwch amlasiantaeth a pharodrwydd ledled Cymru
• Darparu cytundeb cydlynol ar gynhyrchion Cymru gyfan
• Ystyried risgiau, materion a rhwystrau rhag cyflawni sydd wedi cael eu huwchgyfeirio i’r Fforwm ac sy’n gofyn am benderfyniad strategol.
• Mae pob aelod yn gyfrifol am gyfleu negeseuon a phenderfyniadau strategol o fewn y meysydd cyfrifoldeb priodol.

Yn ogystal â'r uchod, mae Atodiad A yn disgrifio cyfrifoldebau ychwanegol ar gyfer aelodau penodol o'r Fforwm, yn enwedig lle maent yn cynrychioli mwy nag un asiantaeth ymateb.

• Cadeirydd: Prif Weinidog Cymru
• Dirprwy Gadeirydd: Cyfarwyddwr Risg, Gwydnwch a Diogelwch Cymunedol
• Ysgrifenyddiaeth: Yr Uned Gwydnwch, Llywodraeth Cymru

Aelodau

Cynrychiolwyr lefel weithredol o bob ymatebwr Categori 1 a Chategori 2, a chyrff dethol nad ydynt yn ymateb, yn ôl yr angen. Dylai pob aelod fod ag awdurdod, profiad ac arbenigedd priodol o argyfyngau sifil a gwydnwch o fewn eu sefydliadau priodol, er mwyn galluogi'r Fforwm i gyflawni ei gyfrifoldebau strategol.

Mae rhestr o'r holl aelodau i'w chael yn Atodiad A. Gellir gwahodd cynrychiolwyr, cynghorwyr ac arsylwyr ychwanegol i fynychu cyfarfodydd ar sail ad-hoc i gefnogi busnes y Fforwm.

Mae’r Fforwm yn cwrdd dair gwaith y flwyddyn. Bydd hyn yn cynnwys Uwchgynhadledd flynyddol y Fforwm o dan gadeiryddiaeth y Prif Weinidog a dau gyfarfod dan gadeiryddiaeth y Dirprwy Gadeirydd.

Efallai y bydd angen i fusnes ad hoc gael ei gyflawni y tu allan i'r strwythur cyfarfod y cytunwyd arno. Os felly, gellir cynnull cyfarfod arbennig, neu gellir cyflawni busnes trwy ohebiaeth.

Bydd agenda'r cyfarfod a'r papurau perthnasol yn cael eu cylchredeg o leiaf bum diwrnod gwaith cyn pob cyfarfod. Bydd papurau'n cael eu dosbarthu i'r holl bartneriaid gwydnwch yng Nghymru.

Bydd negeseuon pwysig a phenderfyniadau strategol yn cael eu rhannu ag aelodau'r Fforwm. Cytunir ar grynodeb o’r cyfarfodydd a gaiff ei gyhoeddi ar wefan Llywodraeth Cymru. 

Caiff cylch gorchwyl Fforwm Gwydnwch Cymru ei adolygu bob blwyddyn.

• Y Fyddin
• Y Gwasanaethau Tân ac Achub (Prif Swyddogion o bob un o'r 3 gwasanaeth tân ac achub yng Nghymru)
• Awdurdodau Lleol (Un cynrychiolydd y cytunwyd arno yn lleol i weithredu ar ran yr awdurdodau lleol o fewn ardal pob fforwm gwydnwch lleol)
  • Gweithredu ar ran yr holl awdurdodau lleol yn ardaloedd eu fforwm gwydnwch lleol
  • Gweithredu ar ran Awdurdodau Iechyd Porthladdoedd yn  ardaloedd eu fforwm gwydnwch lleol (lle bo hynny'n berthnasol)
• Cadeiryddion Fforymau Gwydnwch Lleol (Cadeiryddion pob un o'r pedwar fforwm gwydnwch lleol yng Nghymru)
• Asiantaeth y Môr a Gwylwyr y Glannau
• Cyfoeth Naturiol Cymru
• Gweithrediaeth y GIG:
  • Cynrychioli Byrddau ac Ymddiriedolaethau Iechyd o ran y canlynol:
    • Cynllunio gwydnwch systemau ac ymateb
    • Cynllunio o fewn y GIG ar gyfer Argyfyngau
    • Ymgysylltu â sefydliadau'r GIG
    • Parodrwydd y GIG ar gyfer argyfyngau sifil a risgiau diogelwch cenedlaethol, ac ymateb iddynt
  • Gweithredu fel cyswllt rhwng Byrddau ac Ymddiriedolaethau Iechyd a Fforwm Gwydnwch Cymru, gan sicrhau bod negeseuon pwysig a phenderfyniadau strategol yn cael eu cyfleu
  • Nodi meysydd ar gyfer alinio rhaglenni gwaith i sicrhau bod adnoddau yn cael eu dyrannu'n effeithiol
• Yr Heddlu (Prif Gwnstabliaid o bob un o'r 4 heddlu yng Nghymru, ac uwch swyddog perthnasol o'r Heddlu Trafnidiaeth Prydeinig)
• Iechyd Cyhoeddus Cymru
• Y Llu Awyr Brenhinol
• Y Llynges Frenhinol
• Cyngor Gweithredu Gwirfoddol Cymru:
  • Cynrychioli'r holl sefydliadau gwirfoddol a'r trydydd sector yng Nghymru
  • Gweithredu fel cyswllt rhwng sefydliadau'r sector gwirfoddol a sefydliadau'r trydydd sector yng Nghymru a Fforwm Gwydnwch Cymru, gan sicrhau bod negeseuon pwysig a phenderfyniadau strategol yn cael eu cyfleu
• Cadeirydd Partneriaeth Gwydnwch Cymru:
  • Adrodd ar gyflawni rhaglen waith Cymru gyfan
  • Uwchgyfeirio risgiau a materion sy'n gofyn am benderfyniadau strategol oddi wrth Bartneriaeth Gwydnwch Cymru
  • Gweithredu fel cyswllt rhwng Fforwm Gwydnwch Cymru a Phartneriaeth Gwydnwch Cymru, gan sicrhau bod negeseuon allweddol a phenderfyniadau strategol yn cael eu cyfleu
• Ymddiriedolaeth Brifysgol GIG Gwasanaethau Ambiwlans Cymru
• Llywodraeth Cymru:
  • Gweithredu fel cyswllt rhwng timau polisi Llywodraeth Cymru a Fforwm Gwydnwch Cymru, gan sicrhau bod negeseuon pwysig a phenderfyniadau strategol yn cael eu cyfleu
• Cymdeithas Llywodraeth Leol Cymru
• Ymatebwyr categori 2:
  • Asiantaethau'r Llywodraeth:
    • Asiantaeth Iechyd Anifeiliaid a Phlanhigion (APHA)
    • Yr Awdurdod Gweithredol Iechyd a Diogelwch
    • Y Swyddfa Dywydd
    • Yr Awdurdod Adfer Safleoedd Mwyngloddio (yr Awdurdod Glo, gynt)
• Trafnidiaeth:
  • Meysydd Awyr
  • Harbyrau a Phorthladdoedd
  • Network Rail
  • Cwmnïau trên (sy'n ncludo teithwyr ac yn cludo nwyddau) gan gynnwys Trafnidiaeth Cymru
• Cyfleustodau:
  • Dosbarthwyr a throsglwyddwyr trydan
  • Dosbarthwyr nwy
  • Darparwyr gwasanaethau ffôn (sefydlog a symudol)
  • Ymgymerwyr dŵr a charthffosiaeth
• Arsylwyr:
  • Llywodraeth y Deyrnas Unedig:
    • Darparu mewnwelediad o safbwynt Llywodraeth y Deyrnas Unedig i sicrhau bod gwaith cynllunio gwydnwch a gwaith paratoi ledled Cymru yn cefnogi gwydnwch y Deyrnas Unedig