Cyfarfod Grŵp Cynghorol Cymru ar Drethi: 26 Mehefin 2014

Aelodau’r Grŵp Cynghori ar Drethi

• Y Gweinidog Cyllid, Jane Hutt AS (Cadeirydd)
• Andrew Evans - Geldards
• Frank Haskew - Sefydliad Cyfrifwyr Siartredig Cymru a Lloegr (ICAEW)
• David Phillips - Y Sefydliad Astudiaethau Cyllid (IFS)
• Victoria Winckler – Sefydliad Bevan
• Leighton Jenkins ar ran Emma Watkins – Cydffederasiwn Diwydiant Prydain (CBI) Cymru
• Janet Jones – Ffederasiwn Busnesau Bach
• Robert Lloyd Griffiths – Sefydliad y Cyfarwyddwyr (IoD) Cymru
• Kay Powell – Cymdeithas y Cyfreithwyr
• Martin Mansfield – Cyngres yr Undebau Llafur (TUC) Cymru
• Phil Jarrold – Cyngor Gweithredu Gwirfoddol Cymru (WCVA)

Yn bresennol hefyd

• Andrew Jeffreys – Cyfarwyddwr, Trysorlys
• Gareth Morgan – Dirprwy Gyfarwyddwr, Diwygio Ariannol
• Georgina Haarhoff - Pennaeth Polisi a Deddfwriaeth Trethi
• John Howells – Cyfarwyddwr Tai ac Adfywio, Dyfodol Cynaliadwy
• Tracey Burke – Cyfarwyddwr, Strategaeth, Adran yr Economi, Gwyddoniaeth a Thrafnidiaeth
• Jeff Andrews - Cynghorydd Arbenigol i’r Gweinidog Cyllid
• Sarah Woodall – Sylwedydd
• Tom Nicholls – Cynghorydd Economaidd
• Ben Crudge – Dadansoddwr Diwygio Ariannol
• Ruth Leggett – Rheolwr Cyfathrebu ac Ymgysylltu Strategol, Rhaglen Weithredu Trysorlys Cymru
• Lucy Robinson – Ysgrifenyddiaeth

1. Croesawodd y Gweinidog Cyllid y grŵp i ail gyfarfod Grŵp Cynghori ar Drethi (TAG) Cymru. Cydnabu’r Gweinidog yr ymddiheuriad a gafwyd gan Emma Watkins o CBI Cymru a’r ffaith bod Leighton Jenkins yn bresennol ar ei rhan.

2. Roedd y Gweinidog wedi gwahodd Sarah Woodall i ddod i’r cyfarfod fel sylwedydd. Mae Sarah yn gyn Uwch Was Sifil yng Nghyllid a Thollau Ei Mawrhydi ac mae ganddi doreth o brofiad ym maes gweinyddu treth.

3. Dywedodd y Gweinidog fod nodyn cyfarfod blaenorol TAG wedi cael ei ddosbarthu i’r aelodau cyn y cyfarfod. Cadarnhaodd y grŵp fod y nodyn yn grynodeb cywir o’r drafodaeth.

4. Roedd papur yn rhoi gwybodaeth am sefydlu Cyllid yr Alban wedi cael ei ddosbarthu i’r sawl oedd yn bresennol o ganlyniad i drafodaeth yn y cyfarfod diwethaf.

5. Dywedodd y Gweinidog, er y gellid anfon dirprwyon os rhoddwyd digon o rybudd, y byddai cynnal cysondeb a dilyniant o ran presenoldeb yn hanfodol i lwyddiant y grŵp.

6. Rhoddodd Gareth Morgan ddiweddariad byr ar y datblygiadau diweddaraf o ran Bil Cymru.

7. Codwyd y pwyntiau canlynol mewn trafodaeth:

• Mae rhagor o waith dadansoddi’n hanfodol er mwyn canfod cost datganoli trethi ac er mwyn deall ei effaith gyffredinol ar yr adnoddau fyddai ar gael ar gyfer gwariant cyhoeddus yng Nghymru.
• Dylid cadw costau gweithredu datganoli trethi cyn ised â phosibl ac ar yr un pryd sicrhau y caiff buddion eu cyflenwi.
• Cydnabu'r aelodau ba mor bwysig fyddai’r Cyd-bwyllgor Trysorlysoedd newydd, a dywedasant y dylid gwneud defnydd llawn o’r Cyd-bwyllgor wrth greu effaith ar gyfer pobl Cymru.

8. Rhoddodd Ben Crudge gyflwyniad byr ar y gwaith i ddatganoli AA yn llawn a’r amserlen ddisgwyliedig.

9. Codwyd y pwyntiau canlynol mewn trafodaeth.

• Byddai rhagolygon cywir yn hanfodol er mwyn i Lywodraeth Cymru liniaru’r ffaith bod incwm o drethi yn anrhagweladwy o ran ei natur gynhenid.

10.Rhoddodd Tom Nicholls drosolwg o’r gwaith i ddatblygu WTTiiL.

11. Codwyd y pwyntiau canlynol mewn trafodaeth.

• Dylai Cymru edrych yn ofalus ar amrywiaeth fawr o opsiynau i newid ffurf trethi gan gynnwys – ond nid yn unig – y dulliau sydd wedi cael eu mabwysiadu yn Iwerddon a’r Alban. Dylai cysylltiadau â’r Dreth Gyngor ac AA fod yn rhan o’r ystyriaeth.
• Pwysigrwydd hanfodol rhagolygon o gofio natur gylchol y math hwn o dreth, a’r angen i gyfrifo’n gywir lefel briodol ar gyfer y gwrthbwysiad i’r grant bloc.
• Yr angen i sicrhau bod y gwaith ymgynghori ac ymgysylltu ar dreth newydd yng Nghymru yn y maes hwn yn helaeth ac yn fanwl er mwyn sicrhau y mabwysiadir y dull polisi cywir.

13. Rhoddodd Georgina Haarhoff ddiweddariad ar Gasglu a Rheoli Trethi. Bydd trafodaeth sylweddol ar yr ymgynghoriad, y bwriedir ei gynnal yn yr hydref, yn y cyfarfod nesaf.

14. Ni chodwyd unrhyw eitemau eraill o dan unrhyw fusnes arall.