Astudiaeth achos datgarboneiddio: Fferm solar uned 5

Cyflwyniad

Mae’r prosiect ffotofoltaidd yn Uned 5 ym Mharc Imperial yng Nghasnewydd yn rhan o uchelgais Partneriaeth Cydwasanaethau GIG Cymru i ddatgarboneiddio ein hystad yn unol â’r targedau a fanylir yng Nghynllun Cyflenwi Strategol Datgarboneiddio GIG Cymru, a gyhoeddwyd ym mis Mawrth 2021. 

Fel rhan o’r rhaglen, mae Partneriaeth Cydwasanaethau yn gweithredu amrywiaeth o fentrau datgarboneiddio, gan gynnwys gosod ffotofoltegion, mannau gwefru ar gyfer cerbydau trydan, gwelliannau i adeiladau a monitro ynni. Ar ôl cwblhau arolygon cychwynnol, tynnwyd sylw at y ffaith bod gan warws Uned 5 Partneriaeth Cydwasanaethau GIG Cymru lawer o botensial ar gyfer cynhyrchu ynni glân trwy ddefnyddio paneli ffotofoltaidd.

Yr her

Cafodd yr opsiwn i osod paneli ar y to ei ddiystyru o’r cychwyn oherwydd problemau gyda’i gyflwr presennol a’i addasrwydd. Gosodwyd amodau beichus ar y prosiect gan yr awdurdod cynllunio lleol oherwydd pa mor agos yw’r safle at Wastadeddau Gwent, gan gynnwys amodau ynghylch draenio a gofynion lliniaru ecolegol ac adeiladu. Ymdriniwyd â’r rhain yn llwyddiannus, ond cymerodd amser i’w datrys i foddhad yr awdurdodau. 

Y dull

Cwblhaodd Partneriaeth Cydwasanaethau GIG Cymru astudiaeth ddichonoldeb ar gyfer paneli ffotofoltaidd solar ar y safle hwn, gan archwilio’r potensial ar gyfer gosod paneli ffotofoltaidd ar ofod y to mawr a hefyd ar y glaswellt y tu ôl i’r safle. Aeth Partneriaeth Cydwasanaethau GIG Cymru ymlaen â’r dyluniad ar gyfer gosod paneli ffotofoltaidd solar ar y llawr. 

Roedd y prosiect yn cynnwys gosod mannau gwefru ar gyfer cerbydau trydan fel rhan o’r dyluniad a’r gosodiad, gan gynnwys seilwaith trydanol i alluogi newidiadau yn y dyfodol i fwydo trwy’r system ffotofoltaidd. 

Mae hyn yn cyfrannu tuag at y canlynol

Deddf Llesiant Cenedlaethau’r Dyfodol 2015

• Cyfrifol yn fyd-eang (cynhyrchu ynni adnewyddadwy ar y safle, defnyddio cyflenwyr lleol ac ati)

Cynllun Cyflenwi Strategol Datgarboneiddio GIG Cymru (Menter 10 – Cynhyrchu ynni adnewyddadwy ar y safle)

Effeithiau a chanlyniadau

Gall gweithredu prosiect solar fel hwn fynd i’r afael â sawl mater presennol sy’n gysylltiedig â defnyddio ynni a charbon, gan ddarparu datrysiadau sy’n cyfrannu at nodau cynaliadwyedd ac amgylcheddol. 

Roedd y prosiect yn cynnwys gosod mannau gwefru ar gyfer cerbydau trydan fel rhan o’r dyluniad a’r gosodiad, gan gynnwys seilwaith trydanol i alluogi newidiadau yn y dyfodol i fwydo trwy’r system ffotofoltaidd. 

Rydym eisoes wedi cyflawni bron i 90% o’r pŵer sy’n cael ei ddefnyddio mewn eiliad mewn amser ar ddiwrnod heulog ym mis Tachwedd (2024). Mae’r prosiect yn cynnwys aráe ffotofoltaidd solar 330kW a allai gynhyrchu tua 290,479kWh o drydan y flwyddyn.

Y gwersi a ddysgwyd a chynllunio ar gyfer y dyfodol

Cymerodd amser i ddatrys yr amodau llym a osodwyd ar y prosiect gan yr awdurdod cynllunio lleol er boddhad yr awdurdodau. Fe geisiodd Partneriaeth Cydwasanaethau GIG Cymru liniaru’r risg drwy gynnal ceisiadau / ymgynghoriadau cyn cynllunio, ond, wrth edrych yn ôl, nid oedd y rhain yn werthfawr nac wedi arbed unrhyw amser. Yn y dyfodol, byddem yn paratoi’r cais cynllunio ar y cyd â cham adeiladu’r contractwr llwyddiannus.