Cyfarfod y Pwyllgor Archwilio a Sicrhau Risg: 19 Mai 2025

• Mike Usher - Cadeirydd - Cyfarwyddwr Anweithredol, ARAC LlC ac ARAC y Grŵp Gwasanaethau Corfforaethol ac Arolygiaethau (CS&I)
• Nigel Reader - Cadeirydd - Aelod Annibynnol, ARAC y Grŵp Iechyd, Gofal Cymdeithasol a'r Blynyddoedd Cynnar (HSCEY)
• Gareth Pritchard - Cadeirydd Dros Dro - Aelod Annibynnol ARAC y Grŵp Addysg, Diwylliant a’r Gymraeg (ECWL)
• Mel Doel - Cadeirydd Dros Dro - Aelod Annibynnol, ARAC Grŵp yr Economi, Ynni a Thrafnidiaeth (EET)
• Andrew Goodall - yr Ysgrifennydd Parhaol
• Sioned Evans - Cyfarwyddwr Cyffredinol, y Grŵp CS&I
• Judith Paget - Cyfarwyddwr Cyffredinol, Grŵp HSCEY / Prif Weithredwr y GIG
• Tracey Burke - Cyfarwyddwr Cyffredinol,  y Grŵp Llywodraeth Leol, Tai, Newid Hinsawdd a Materion Gwledig (LGHCCRA)
• Emma Williams - Cyfarwyddwr Cyffredinol Dros Dro, y Grŵp Addysg, Diwylliant a’r Gymraeg (ECWL)
• Peter Ryland - Prif Weithredwr WEFO (yn cynrychioli Andrew Slade)
• Dean Medcraft - Cyfarwyddwr Cyllid
• Kim Jenkins - Dirprwy Gyfarwyddwr Cyfrifon, Llywodraethiant a Grantiau
• Helen Morris - Dirprwy Gyfarwyddwr Archwilio, Sicrwydd ac Atal Twyll
• Clare Thomas - Archwilio Cymru
• Anthony Veale - Archwilio Cymru
• Matthew Mortlock - Archwilio Cymru

Hefyd yn bresennol

• Pennaeth y Ganolfan Ragoriaeth Llywodraethiant Corfforaethol
• Y Prif Swyddog Diogelwch
• Y Prif Ystadegydd
• Cyfarwyddwr – Academi Wales
• Pennaeth Llywodraethiant, yr Uned  Arweinyddiaeth a Llywodraethiant Cyrff Cyhoeddus

1.1 Ni ddaeth unrhyw ddatganiadau o fuddiant i law mewn perthynas ag eitemau ar yr agenda.

2.1 Cytunodd y Pwyllgor fod cofnodion y cyfarfod diwethaf yn gofnod cyflawn a chywir. Nododd yr Aelodau y cynnydd da a wnaed o ran rhoi’r camau gweithredu y cytunwyd arnynt ar waith ac fe gafodd ddiweddariadau ar y rhai nad ydynt wedi eu cwblhau eto.

3.1 Rhoddodd yr Ysgrifennydd Parhaol ddiweddariad i'r Pwyllgor ar nifer o feysydd allweddol, gan gynnwys:

• Mae'r paratoadau ar gyfer Diwygio'r Senedd yn canolbwyntio ar flaenoriaethau allweddol y Prif Weinidog a chyflawni yn erbyn ymrwymiadau'r Rhaglen Lywodraethu cyn diwedd tymor y Senedd.
• Y cyflwyniad i'r Awdurdod Cystadleuaeth a Marchnadoedd fel rhan o gamau i greu dyfodol cynaliadwy ar gyfer Maes Awyr Caerdydd.
• Ailffocysu Rhaglen Newid LlC2025 wrth iddi ddechrau ar ei blwyddyn olaf.
• Cam nesaf Gweithio'n Glyfar o fewn Llywodraeth Cymru.
• Y cyhoeddiad diweddar gan Lywodraeth y DU ‘Lleoedd ar gyfer Twf’ a throsglwyddo swyddi'r gwasanaeth sifil o Lundain i leoliadau eraill, gan gynnwys Cymru.

4.1 Dechreuodd y Pwyllgor graffu ar ddogfennau allweddol ac adroddiadau blynyddol gan roi sicrwydd sy'n sail i'r Datganiad Llywodraethiant Blynyddol 2024-2025.

4.2 Gwnaeth y Pwyllgor ystyried a chymeradwyo'r adroddiadau canlynol sy'n crynhoi gweithgarwch sicrwydd yn ystod 2024-2025:

• Yr Adroddiad blynyddol ar Ddiogelwch a Rheoli Gwybodaeth gan y Prif Swyddog Diogelwch.
• Yr Adroddiad Sicrwydd blynyddol ar y Defnydd o Fodelau Dadansoddol gan y Prif Ystadegydd.
• Yr adroddiad blynyddol gan yr Uned Arweinyddiaeth a Llywodraethiant Cyrff Cyhoeddus.
• Yr adroddiad blynyddol gan y Swyddog Diogelu Data.
• Yr adroddiad blynyddol gan y Pennaeth Atal Twyll
• Yr adroddiadau blynyddol gan Gadeiryddion Grŵp ARACs LlC.

4.3 Cafodd y Pwyllgor yr wybodaeth ddiweddaraf am y Gofrestr Risgiau Corfforaethol sy'n mynd drwy ei phroses adolygu, a'r ymatebion i'r Holiadur Rheolaeth Fewnol sy'n cael eu hasesu ac sy'n destun gwaith craffu pellach.

5.1 Cafodd y Pwyllgor ddiweddariad gan Archwilio Cymru ar ei ddull gweithredu arfaethedig (a rhywfaint o'r gwaith cynnar a wnaed) i adolygu Cyfrifon Cyfunol Llywodraeth Cymru ar gyfer 2024-2025, y risgiau allweddol sy'n gysylltiedig â'r gwaith a'r amserlen gyflawni arfaethedig sy'n cefnogi cyhoeddi yn ystod wythnos gyntaf mis Rhagfyr 2025.

5.2 Cymeradwyodd y Pwyllgor y cynllun manwl sy'n sail i'r adolygiad o'r cyfrifon ac fe gydnabu'r cymhlethdodau a'r heriau sylweddolo dan sylw, yn enwedig mewn perthynas â'r Ased Benthyciadau i Fyfyrwyr a'r Adolygiad Pum mlynedd o'r Rhwydwaith Ffyrdd. Roedd y Pwyllgor yn cydnabod y berthynas effeithiol a'r ffocws ar y cydweithio rhwng Llywodraeth Cymru a swyddogion Archwilio Cymru sy'n ymwneud â chynhyrchu ac adolygu'r cyfrifon cyfunol.

5.3 Cafwyd diweddariad hefyd ar raglen gwerth am arian Archwilio Cymru a'u hadroddiadau sydd i'w cyhoeddi cyn hir.

6.1 Gwnaeth y Pwyllgor ystyried a chymeradwyo'r cynllun archwilio mewnol blynyddol ar gyfer 2024/2025.

6.2 Gwnaeth y Pwyllgor ystyried a chymeradwyo'r Strategaeth Archwilio Mewnol sy'n elfen sylfaenol allweddol ar y Safonau Archwilio Mewnol Byd-eang newydd.

Ysgrifenyddiaeth ARAC

Dyddiad Cyhoeddi: Gorffennaf 2025