Cyfarfod Grŵp Cynghorol Cymru ar Drethi: 17 Gorffenaf 2017

Y Grŵp Cynghorol ar Drethi

• Cadeirydd: Mark Drakeford AC, Ysgrifennydd y Cabinet dros Gyllid a Llywodraeth Leol
• Andrew Evans, Geldards LLP
• Frank Haskew, Sefydliad Cyfrifwyr Siartredig Cymru a Lloegr
• Janet Jones, Ffederasiwn y Busnesau Bach
• Robert Lloyd Griffiths, Sefydliad y Cyfarwyddwyr Cymru
• Ruth Marks, Cyngor Gweithredu Gwirfoddol Cymru (WCVA David Phillips, Y Sefydliad Astudiaethau Cyllid
• Kay Powell, Cymdeithas y Cyfreithwyr
• Martin Warren, Sefydliad Cyfrifwyr Siartredig Cymru a Lloegr
• Dr Victoria Winckler, Sefydliad Bevan
• Leighton Jenkins, CBI Cymru/Wales (yn cynrychioli Ian Price)

Mynychwyr eraill

• Kathryn Bishop, Darpar-gadeirydd, Awdurdod Cyllid Cymru

Swyddogion yn bresennol

• Andrew Jeffreys, Cyfarwyddwr, Trysorlys Cymru
• Dyfed Alsop, Cyfarwyddwr Rhaglen Weithredu Awdurdod Cyllid Cymru
• Georgina Haarhoff, pennaeth yr Is-adran Drethi: Polisi, Strategaeth ac Ymgysylltu, Trysorlys Cymru
• Ed Sherriff, Pennaeth Polisi Gwario Cyhoeddus, Trysorlys Cymru
• Sarah Carter, Pennaeth Datblygu Trysorlys Cymru
• Claire McDonald, Rheolwr Rhaglenni, Rhaglen Gyflawni Awdurdod Cyllid Cymru
• Clare Blake, Is-adran Polisi Cyllid Llywodraeth Leol
• Lu Toscano-Davies, Swyddog Polisi a Gweithrediadau, Trysorlys Cymru (Ysgrifenyddiaeth)

Ymddiheuriadau

• Martin Mansfield, Ysgrifennydd Cyffredinol, TUC Cymru
• Ian Price, CBI Cymru

1. Croesawodd y Gweinidog Cyllid a Busnes y Llywodraeth y rhai oedd yn bresennol i unfed cyfarfod ar ddeg Grŵp Cynghorol ar Drethi Cymru. Roedd ymddiheuriadau wedi dod i law oddi wrth Martin Mansfield.

2. Gwnaeth Ysgrifennydd y Cabinet groesawu a chyflwyno Kathryn Bishop, y cadeirydd dynodedig sydd newydd ei phenodi i Awdurdod Cyllid Cymru (ACC) i'r Grŵp.

3. Roedd nodyn y cyfarfod blaenorol (13 Chwefror) wedi'i ddosbarthu i'r aelodau cyn y cyfarfod. Roedd yr holl gamau gweithredu wedi eu cwblhau. Cadarnhaodd y grŵp fod y nodyn yn grynodeb cywir o'r drafodaeth.

4. Esboniodd Claire McDonald y sail gyfreithiol dros sefydlu ACC, y corff anadrannol cyntaf i'w greu gan Lywodraeth Cymru, a fyddai'n cael ei sefydlu yn ffurfiol yn yr hydref, yn barod i gasglu trethi datganoledig yn Ebrill 2018.

5. Amlinellodd Claire gylch gwaith y corff ac adrodd ar adleoli staff i Ganolfan QED, yn Ystad Trefforest, a'r cynnydd o ran gwasanaethau digidol a recriwtio.

6. Dywedwyd wrth y grŵp i'r ymgynghoriad ar ganiatáu i ACC gael mynediad i bwerau troseddol gael ei gyhoeddi ar 10 Gorffennaf. Ymgynghoriad 12 wythnos oedd hwn, a fyddai'n dod i ben ar 2 Hydref 2017.

7. Cafwyd trafodaeth ar strwythur data a chasglu data, cyfathrebu a gwasanaethau digidol. Adroddodd Dyfed Alsop i'r grŵp fod y materion hyn wedi cael eu trafod ac y byddai staff ag arbenigedd penodol yn cael eu recriwtio yn y meysydd hynny. Roedd gwasanaethau digidol wedi cael adolygiad gateway defnyddiol iawn ac roedd y prosiect yn canolbwyntio ar gyflawni blaenoriaethau 'diwrnod 1' - sef cofrestru, ffeilio a thalu.

8. Amlinellodd Georgina Haarhoff y cynnydd sy'n cael ei wneud tuag at ddatblygu prif elfennau'r fframwaith a'r cynllun gwaith. Rhoes y newyddion diweddaraf hefyd ar y ddadl ynghylch y trethi newydd.

9. Dywedodd Georgina i'r fframwaith polisi trethi a'r cynllun gwaith gael eu cyhoeddi ar 12 Mehefin. Roedd y fframwaith yn nodi'r meini prawf ar gyfer gwneud polisi trethi yng Nghymru a'r pum egwyddor y câi trethi newydd eu hasesu yn eu herbyn.

10. Rhoes Georgina y newyddion diweddaraf am ddadl y Cynulliad ar drethi newydd a gynhaliwyd ar 4 Gorffennaf. Croesawodd awgrymiadau gan y grŵp ar drethi posibl newydd, yn ogystal â'r rhai a argymhellwyd yn yr adroddiad gan Sefydliad Bevan.

11. Cafwyd trafodaeth ar y cwmpas ar gyfer defnyddio trethiant fel arf ar gyfer cyflawni amcanion polisi: roedd yr aelodau'n awyddus i'r amcan polisi gael ei roi ar flaen y drafodaeth, er mwyn i dreth gael ei hystyried yn un o nifer o ysgogwyr posibl i gyflawni amcanion polisi, yn hytrach nag yn ddiben ynddo'i hun.

12. Gosodwyd pwyslais ar raddau'r dystiolaeth a'r dadansoddiad a gâi ei gynhyrchu a'i asesu fel rhan o'r ystyriaeth o unrhyw dreth newydd bosibl. Gofynnodd yr aelodau fod sylw penodol yn cael ei roi i effaith bosibl treth newydd neu newid mewn gweinyddu trethi ar fusnesau bach. Gofynnwyd i'r aelodau hefyd roi adborth unigol yn sgil y cyfarfod.

13. Rhoes Sarah Carter y newyddion diweddaraf i'r grŵp am y gwaith o roi Cyfraddau Cymreig o Dreth Incwm (WRIT) ar waith.

14. Esboniodd Sarah y galluogrwydd sydd ar gael ar gyfer pennu ardrethi o ganlyniad i ddatganoli WRIT ac amlinellu cydbwysedd cyllid (yn dechrau yn 2019-20). Bu iddi grynhoi'r blaenoriaethau ar gyfer Gweinidogion Cymru, yr.

15. Tanlinellodd yr aelodau y byddai cyfathrebu yn allweddol: byddai'n bwysig ei gwneud yn glir nad treth ychwanegol oedd hon. Cafwyd trafodaeth am y profiad yn yr Alban o faich gweinyddol, yn enwedig i fusnesau bach - gofynnwyd i'r aelodau rannu unrhyw adborth yr oeddent wedi'i gael ar heriau gweinyddol sy'n dod i'r amlwg er mwyn i Lywodraeth Cymru ddysgu oddi wrtho wrth weithio gyda CThEM i roi WRIT ar waith.

16. Ysgrifennydd y Cabinet ac awgrymu mai pwnc y dylai'r Grŵp ddod yn ôl ato oedd hyn.

17. Rhoes Ed Sherriff y newyddion diweddaraf am y trefniadau ar gyfer craffu annibynnol ar ragolygon refeniw trethi datganoledig ar gyfer 2017-2018 a sicrwydd ar eu cyfer yn ogystal â chynhyrchu rhagolygon refeniw trethi yn annibynnol ar gyfer y blynyddoedd i ddod. Roedd hyn yn dilyn y cytundeb a wnaed yn y fframwaith cyllidol. Roedd Ysgrifennydd y Cabinet wedi cyhoeddi Datganiad Ysgrifenedig yn ddiweddar yn rhoi'r newyddion diweddaraf i Aelodau'r Cynulliad am y trefniadau.

18. Ni chodwyd unrhyw eitemau eraill o dan unrhyw fater arall.

19. Diolchodd Ysgrifennydd y Cabinet i'r mynychwyr am eu cyfraniadau defnyddiol ac adeiladol.

20. Byddai'r cyfarfod nesaf yn cael ei gynnal ym mis Hydref.