Cefnogi ymddygiad cadarnhaol mewn addysg

Er mwyn helpu lleoliadau addysgol i ddatblygu a chynnal ymddygiadau dysgu cadarnhaol, rydym wedi datblygu pecyn cymorth sy'n cynnwys rhestrau chwarae.

Y rhestrau chwarae yw:

• 'Meithrin a chynnal cydberthnasau cadarnhaol'
• 'Galluogi amgylchedd dysgu cadarnhaol'
• 'Defnyddio addysgu effeithiol i gefnogi ymddygiadau dysgu cadarnhaol'
• 'Anghenion ymddygiadol unigol dysgwyr'

Maent yn cysylltu ag adnoddau o:

• sefydliadau'r llywodraeth
• sefydliadau rhynglywodraethol, megis OECD
• adroddiadau Estyn
• cyhoeddiadau a adolygwyd gan gymheiriaid
• elusennau cofrestredig fel y Sefydliad Gwaddol Addysgol
• pecynnau cymorth cost-effeithiolrwydd annibynnol oherwydd y cyfyngiadau cyllidebol sy'n wynebu ysgolion

Ysbrydolwyd y pecyn cymorth gan adroddiad cyfarwyddyd Improving Behaviour in Schools y Sefydliad Gwaddol Addysgol (EEF).

Mae'r pecyn cymorth hwn yn ddogfen fyw. Rydym yn ei drin fel pecyn cymorth partneriaeth rhyngoch chi, y gweithwyr proffesiynol, a ni. Cysylltwch â'n blwch post dynodedig sef CMIA.SATE@gov.wales os:

• ydych chi'n teimlo y dylai unrhyw ran o'r cynnwys a ddarperir gael ei ehangu neu ei fod wedi dyddio
• nad yw dolenni’n gweithio
• oes gennych awgrym neu rydych yn teimlo y dylid ychwanegu mwy o arweiniad 

Mae datblygu ymddygiadau dysgu cadarnhaol yn:

• meithrin ac ailfeithrin cydberthnasau
• creu ymdeimlad o ymgysylltu a pherthyn

Mae ymddygiad dysgu cadarnhaol hefyd yn rhan bwysig o gynnydd dysgwr. Ceir rhagor o wybodaeth am hyn yn Y Cwricwlwm i Gymru: Y Cod Cynnydd. 

Mae'r pandemig wedi cael effaith negyddol ar gymunedau ysgolion. Dywed Estyn fod arweinwyr ysgolion wedi dweud bod dysgwyr, ers y pandemig, yn:

• cael trefn a disgwyliadau’r ysgol yn anoddach
• ei chael yn anoddach ailsefydlu arferion dyddiol a disgwyliadau gan eu bod yn mynychu'r ysgol yn llai aml
• dangos diffyg sgiliau cymdeithasol
• dangos lefelau uwch o bryder a phroblemau iechyd meddwl
• dangos llai o wydnwch a ffocws
• dangos ymddygiad mwy ymosodol, sy’n herio awdurdod yn ystod amser egwyl ac amser cinio
• arddangos ymddygiad heriol sy'n gysylltiedig â diffyg cwsg, mae hyn yn aml yn ymwneud â defnyddio ffôn a chwarae gemau, deiet gwael, a diffyg trefn yn y cartref

Mae'r canfyddiadau hyn yn dangos pam mae datblygu ymddygiad dysgu cadarnhaol yn bwysig i ysgolion.

• Addysgu ysbrydoledig: dysgu o ymarferwyr rhagorol. Cyfnodolyn Cyfalaf Proffesiynol a chymuned, Sammons, P., Lindorff, A.M., Ortega, L. a Kington, A. (2016).