Cymorth digidol i gymunedau Sipsiwn, Roma a Theithwyr

Mae nifer o gynlluniau cenedlaethol allweddol y gall sefydliadau sydd am gynnig cymorth digidol gael mynediad iddynt.

Rhwydwaith Cynhwysiant Digidol Cenedlaethol

Mae'r Rhwydwaith Cynhwysiant Digidol Cenedlaethol yn cael ei gydlynu gan y Good Things Foundation. Mae aelodau'r rhwydwaith yn cael mynediad i'r Banc Data Cenedlaethol a'r Banc Dyfeisiau Cenedlaethol, rhwydwaith cymorth hanfodol o fynediad am ddim i ddata a dyfeisiau i'r rhai sydd eu hangen.

DataMap Cymru

Mae gwasanaeth DataMap Cymru Llywodraeth Cymru yn helpu i nodi lleoedd y gallwch ymweld â nhw neu gyfeirio rhywun i gefnogi rhywun i fynd ar-lein.

Learn My Way

Mae Learn My Way yn darparu cyrsiau sgiliau digidol sylfaenol byr i ddysgwyr. Gallech ddefnyddio'r rhain mewn sesiwn gymorth rydych yn ei chynnal ar sgiliau digidol sylfaenol.

Mae yna nifer o sgiliau digidol sylfaenol rydych yn eu dysgu trwy wahanol brofiadau ar-lein, ac mae llawer ohonynt yn gallu cael eu trosglwyddo idasgau eraill. Defnyddir y gallu i lenwi ffurflenni ar-lein, creu cyfrifon a llywio gwefannau ar gyfer llawer o wahanol wasanaethau ar-lein.

Drwy ddod o hyd i weithgareddau digidol ysbrydoledig, gallwn wneud dysgu sgiliau digidol sylfaenol yn brofiad mwy ystyrlon i rywun sy'n mynd ar-lein am y tro cyntaf.

Archwiliwch hobïau, diddordebau a gweithgareddau sy'n darparu profiadau positif. Gallai’r gweithgareddau hyn fod yn bethau y mae pobl yn dechrau eu gwneud yn annibynnol, a gall arwain at brofiadau newydd. Yn ogystal, mae'r cyfleoedd hyn yn annog diddordeb mewn bod ar-lein ac yn caniatáu i sgiliau gael eu cymhwyso mewn gwahanol ffyrdd.

• Meddyliwch am adeg pan mae rhywun wedi eich helpu i wneud rhywbeth, sut gwnaeth hynny wneud i chi deimlo?
• Mae angen cefnogaeth ac anogaeth ar y rhai sy'n defnyddio'r rhyngrwyd am y tro cyntaf. Mae sgiliau digidol sylfaenol yn gofyn am amser a chyfleoedd i ddysgu.
• Defnyddiwch hobïau a diddordebau fel bachyn a ffordd o annog ymgysylltiad digidol hir dymor. Yna gallwch gyfeirio unigolion at gymorth pellach neu opsiynau cymunedol ar gyfer datblygu eu sgiliau digidol.

Weithiau nid yw defnyddwyr nad ydynt yn hyderus iawn am ddefnyddio'r rhyngrwyd yn ymwybodol o'u sgiliau digidol sylfaenol a sut maent yn berthnasol i dasgau digidol gwahanol. Gall fod yn ddefnyddiol tynnu ar enghreifftiau y gellir eu cyfnewid i fagu hyder:

• Os gallwch anfon neges destun, gallwch ddefnyddio WhatsApp.
• Os gallwch chi gofrestru i Facebook, gallwch chi gofrestru i gyfrifon eraill.
• Os gallwch wylio Netflix, gallwch hefyd ddefnyddio YouTube neu iPlayer.
• Os gallwch chwilio ar Google, gallwch hefyd chwilio siopau ar-lein.

Mae'n bwysig eich bod yn nodi pynciau diddorol i wneud dysgu sgiliau digidol sylfaenol yn fwy perthnasol. O ymarfer profion theori gyrru, i gael mynediad i fideos o dref enedigol rhywun. Dyma'r elfennau a fydd yn tynnu sylw ac ymgysylltu.

Gallai cyfleoedd godi i roi cymorth gyda sgiliau digidol sylfaenol fel rhan o'r ymholiadau rydych yn eu derbyn yn eich swydd, neu gallant fod yn syniadau newydd yr hoffech eu gweithredu oherwydd eich bod wedi sylwi ar fwlch mewn sgiliau digidol yn y maes rydych yn gweithio ynddo.

Er enghraifft, efallai y byddwch chi'n sylwi bod nifer o bobl rydych chi'n eu cefnogi yn ei chael hi'n anodd creu neu defnyddio e-byst. Neu fod unigolion yn aml yn gofyn am gymorth i gael mynediad at eu cod rhannu UKVI ar-lein.

Gall y weithred o adnabod bwlch sgiliau digidol a darparu rhywfaint o gymorth anffurfiol fynd yn bell. Cyfunwch hyn â defnyddio’r cyfleoedd cymorth presennol ac rydych chi nawr yn gwneud cynnydd mawr o ran cynhwysiant digidol.

Gall rhai cyfleoedd ar gyfer cymorth digidol gynnwys:

• sefydlu ardal dyfais gyda Learn My Way ar gael
• defnyddiwch y Banc Data Cenedlaethol a'r Banc Dyfeisiau, rhag ofn y bydd angen help ar y rhai rydych chi'n eu cefnogi gyda chysylltedd
• Deall cysylltedd yn eich lleoliad, a sut y gall pobl ymuno ag ef
• Cydnabod bylchau sgiliau digidol ar gyfer gwasanaethau digidol penodol y dewch ar eu traws yn eich rôl. E.e. Cyrchu UK Visa ar-lein
• Gwybod pa gymorth cynhwysiant digidol sydd ar gael yn lleol ar gyfer cyfeirio neu gydweithio ag ef

Efallai eich bod eisoes yn cynnig cymorth sgiliau digidol, neu eich bod am gynllunio ar gyfer y dyfodol. Beth bynnag, bydd ystyried prosesau ar gyfer monitro effaith yn fuddiol. Gallai hyn fod yn ffurflenni neu’n broses symlach, mae’n dibynnu ar eich amser a phriodoldeb y math o fonitro:

• Arolygon syml neu fotymau adborth.
• Astudiaethau achos tymor hwy o'r cymorth a ddarperir.
• Ffotograffau o'r gefnogaeth a gynigir.
• Cyfweliadau ffurfiol neu anffurfiol, recordiad sain neu fideo.
• Blwch awgrymiadau, gan y cymunedau yr ydych yn eu cefnogi.

Mae’r Pecyn Cymorth Gwerthuso Cynhwysiant Digidol wedi’i gynllunio i fod yn fan cychwyn i unrhyw un sydd am archwilio sut y gall gwerthuso helpu gyda’u gwaith cynhwysiant digidol.