Ynni Adnewyddadwy Cymunedol Bro Dyfi: ehangu ynni adnewyddadwy lleol ym Machynlleth

Crynodeb

Mae Bro Dyfi Community Renewables (BDCR) yn gymdeithas fudd cymunedol sy'n cynhyrchu ac yn cyflenwi ynni adnewyddadwy ym Machynlleth. Ar ôl dros ddegawd o weithrediad tyrbin gwynt llwyddiannus, yn 2021 i 2022 ehangodd BDCR ei gapasiti gydag arae solar 300kW newydd. Mae'r dull hybrid hwn yn helpu i elwa i’r eithaf ar ddefnydd y grid ac yn dangos sut i integreiddio gwynt a solar ar safleoedd sydd wedi'u cyfyngu i'r grid. Mae'r prosiect hefyd yn cefnogi gwytnwch cymunedol ehangach trwy ail-fuddsoddi elw mewn mentrau lleol.

Ein cefnogaeth

Rhoddodd y Gwasanaeth Ynni arweiniad technegol i BDCR a £250,000 mewn cyllid grant a benthyciad cyfunol. Roedd y gefnogaeth yn cynnwys cymorth gyda cheisiadau Benthyciad y Gronfa Ynni Leol a Grant Ynni Lleol i Fanc Datblygu Cymru a Llywodraeth Cymru. Galluogodd y cyllid hwn osod arae solar a helpodd i wneud y mwyaf o effaith gymunedol y prosiect.

Datrysiad technoleg

• Dau dyrbin gwynt presennol.
• Gosod arae solar 300kW.
• Model cynhyrchu hybrid i gydbwyso allbwn gwynt a solar.
• Optimeiddio defnydd o'r cysylltiad grid presennol.
• Cynlluniau ar gyfer cyflenwi ynni adnewyddadwy gwifren uniongyrchol i'r Ganolfan Technoleg Amgen.

Buddsoddiad

• £250,000 mewn cyllid grant a benthyciad gan y Gwasanaeth Ynni, Llywodraeth Cymru, a Banc Datblygu Cymru.

Effaith

• Amcangyfrifir bod 280 MWh o ynni adnewyddadwy ychwanegol yn cael ei gynhyrchu bob blwyddyn.
• Arbed tua 845 tunnell o CO₂ dros oes y prosiect.
• Creu swyddi lleol dros dro a rhan-amser yn ystod y gwaith o ddylunio, adeiladu a gweithredu’r prosiect.
• Gwarged ariannol wedi'i ail-fuddsoddi mewn prosiectau cymunedol lleol, gan gynnwys
  • Grantiau ar gyfer effeithlonrwydd ynni ac addysg hinsawdd drwy Gronfa Ynni Cymunedol Dyfi
  • Cefnogaeth i drigolion agored i niwed drwy wasanaethau gwirfoddol CAMAD
  • Gweithgareddau lles ar-lein i frwydro yn erbyn ynysu trwy Heart Mind Body Support
  • Darparu Chromebooks i ddisgyblion Ysgol Bro Hyddgen
  • Dosbarthu bwyd yn wythnosol am ddim trwy Food Justice for All.

Rydym yn ddiolchgar am gefnogaeth y Gwasanaeth Ynni am ein helpu i archwilio ehangu ein capasiti cynhyrchu ynni. Fel sefydliad sy'n canolbwyntio ar y gymuned, rydym yn gweld yn uniongyrchol y manteision y gall prosiectau fel ein un ni eu darparu i bobl leol. Bydd y capasiti ychwanegol yn ein helpu i gynhyrchu mwy o bŵer a rhoi mwy o'n helw tuag at gefnogi grwpiau cymunedol sy'n helpu'r rhai sydd ei angen fwyaf.

Pwyllgor Ynni Adnewyddadwy Cymunedol Bro Dyfi.