Cyngor Bwrdeistref Sirol Castell-nedd Port Talbot: trydaneiddio fflyd a seilwaith gwefru

Crynodeb

Mae Cyngor Bwrdeistref Sirol Castell-nedd Port Talbot (CNPT) yn trosglwyddo ei fflyd o gerbydau diesel i gerbydau trydan i gyrraedd targedau Llywodraeth Cymru ar gyfer cerbydau ysgafn di-allyriadau erbyn 2025. O 2023 ymlaen, darparodd y Gwasanaeth Ynni gymorth cynhwysfawr, gan helpu i sicrhau cyllid a datblygu cynllun pontio graddol.

Ein cefnogaeth

Casglu a dadansoddi data, cynllunio strategol, cymorth â cheisiadau grant drwy raglen Seilwaith Gwefru Cerbydau Trydan (EVCI) Cymdeithas Llywodraeth Leol Cymru (CLlLC), a chanllawiau technegol ar drydaneiddio fflyd.

Datrysiad technoleg

• Seilwaith gwefru cerbydau trydan wedi'i osod yn depo The Quays.
• Cyllid wedi'i sicrhau ar gyfer 23 o gerbydau trydan, gan gynnwys 9 cerbyd di-allyriadau yn 2024 i 2025.
• Gosod gwefrydd cerbyd trydan ar gyfer ysgubo strydoedd.
• Canopi solar 80 kWp sy'n pweru banc o wefrwyr 22 kW.
• Cydweithio â chyflenwyr lleol i gefnogi'r economi ranbarthol.

Buddsoddiad

• Cyfanswm buddsoddiad o £2.05 miliwn, gan gynnwys £300,000 o grant EVCI drwy CLlLC a £82,000 mewn grantiau gan y Gwasanaeth Ynni.

Effaith

• Disgwylir i 8 fan Renault Kangoo yn unig arbed 119 tCO₂e dros eu hoes.
• Llai o gostau gweithredol trwy leihau costau tanwydd a chynnal a chadw.
• Gwell ansawdd aer a manteision iechyd y cyhoedd i'r gymuned leol.
• Datblygu arbenigedd mewnol mewn rheoli fflyd o gerbydau trydan.
• Cerbydau yn cael eu pweru gan ynni solar glân ar y safle.

Mae Cyngor Bwrdeistref Sirol Castell-nedd Port Talbot wedi cael profiad cadarnhaol iawn o weithio gyda'r Gwasanaeth Ynni a Llywodraeth Cymru, a helpodd i roi hwb i'r prosiect EVCI yn ogystal â throsglwyddo o gerbydau diesel i fflyd lawn i gerbydau trydan, lle bo hynny'n bosibl. Rydym wedi bod yn ffodus i fod wedi derbyn cyllid eithaf sylweddol i helpu gyda'r trawsnewid i gerbydau sero net, yn ogystal â'r seilwaith sydd ei angen i helpu i weithredu cerbydau di-allyriadau. Darparodd Castell-nedd Port Talbot hefyd ddata a ddefnyddiwyd gan y Gwasanaeth Ynni i gynhyrchu adroddiadau ar gerbydau, depos ac anghenion ynni; gwelsom fod hyn yn hanfodol wrth gynllunio i drosglwyddo i gerbydau sero net.

Kevin Lewis, Rheolwr Fflyd yng Nghyngor Bwrdeistref Sirol Castell-nedd Port Talbot.