Cael cymorth ychwanegol mewn addysg:
y system anghenion dysgu ychwanegol (ADY)

Addysg yng Nghymru

Mae addysg yng Nghymru yn cefnogi plant a phobl ifanc i ddatblygu'r wybodaeth, y sgiliau a'r profiadau addysgol y bydd eu hangen arnynt i wneud y gorau o fywyd. 

Mae'r Cwricwlwm i Gymru wedi'i gynllunio ar gyfer pob plentyn. Mae'n cael ei ddarparu ledled Cymru i ddiwallu anghenion unigol pob plentyn, i'w helpu i gyrraedd eu llawn botensial.

Beth yw'r system anghenion dysgu ychwanegol (ADY)?

Efallai y bydd angen cymorth neu ddarpariaeth ychwanegol ar rai plant a phobl ifanc i'w helpu i gyflawni eu llawn botensial.

Mae'r system anghenion dysgu ychwanegol (ADY) yn fframwaith cymorth unedig ar gyfer plant a phobl ifanc rhwng 0 a 25 oed ag ADY yng Nghymru. 

Beth yw anghenion dysgu ychwanegol?

Os yw eich plentyn neu berson ifanc yr ydych yn gofalu amdano:

  • yn ei chael yn anodd dysgu
  • yn byw ag amhariad sy'n gwneud dysgu yn llawer anoddach nag i eraill o'r un oedran
  • angen cefnogaeth ychwanegol neu wahanol i'r hyn sydd ar gael yn gyffredinol i eraill o'r un oedran 

mae'n bosibl bod ganddynt ADY.

Pecyn cymorth ADY i rieni a gofalwyr

Rydym wedi datblygu'r pecyn cymorth ADY i'ch helpu â'r canlynol:

  • defnyddio'r system ADY
  • egluro beth yw cynllun datblygu unigol
  • deall â phwy i siarad pan ydych yn ansicr neu'n anfodlon
  • deall hawliau plant a phobl ifanc o dan y Ddeddf ADY
  • canfod ffynonellau eraill o wybodaeth, cyngor ac arweiniad

Mae'r pecyn cymorth yn adlewyrchu:

Darllenwch y pecyn cymorth ADY

I gael cymorth, cyngor ac arweiniad, darllenwch y pecyn cymorth ADY i rieni a gofalwyr ar LLYW.CYMRU.

ADY ar waith 

Ysgol Gynradd Llwyn yr Eos
ADY ar waith: addysg gynhwysol
Ysgol Gynradd Llwyn yr Eos yn rhannu sut y maent wedi creu amgylchedd dysgu cynhwysol lle mae dysgwyr ag anghenion dysgu ychwanegol (ADY) yn ffynnu ochr yn ochr â'u cyfoedion mewn addysg brif ffrwd.
ADY ar waith: pontio ôl-16
Grŵp Llandrillo Menai yn amlygu pwysigrwydd cydweithio a chyfathrebu i gynllunio pontio llwyddiannus i gefnogi pobl ifanc ag ADY i gyflawni eu nodau addysg a hyfforddiant.

Angen cefnogaeth nawr?

Mae pob ysgol yn cyhoeddi gwybodaeth am ADY ar eu gwefannau ar gyfer disgyblion a rhieni. Gallwch ddod o hyd i wybodaeth am eich ysgol yma: Fy Ysgol Leol 

Siaradwch ag athro dosbarth eich plentyn, neu Gydlynydd Anghenion Dysgu Ychwanegol a/neu bennaeth yr ysgol/coleg i godi unrhyw bryderon ac i gael rhagor o arweiniad a gwybodaeth ynghylch sut y gellir cefnogi eich plentyn neu berson ifanc.

Gallwch gael help a chefnogaeth gan eich awdurdod lleol.

Canllawiau ar LLYW.CYMRU

Rhagor o wybodaeth am ADY ar LLYW.CYMRU.