Dosbarthiadau dŵr ymdrochi 2025

Mae dosbarthiad ar gyfer y safleoedd a nodir ** wedi eu dyfarnu ar sail nifer angenrheidiol y samplau at ddibenion dosbarthiad, ond gyda bylchau hirach na’r angen rhwng samplau yn 2024. 

Mae dosbarthiad dŵr ymdrochi  ar gyfer tymor 2025 wedi eu darparu gan Cyfoeth Naturiol Cymru yn unol â Rheoliadau Dyfroedd Ymdrochi. Mae’r dosbarthiad yn seiliedig ar fonitro data a gasglwyd dros dymor ymdrochi 2025 a’r tymhorau blaenorol, lle bo’n briodol.

Mae’r dosbarthiad yn adlewyrchu’r dystiolaeth orau sydd ar gael a methodolegau cryf, fodd bynnag oherwydd heriau yn y broses samplu mewn pymtheg o safleoedd yn 2024, mae Cyfoeth Naturiol Cymru wedi eithrio peth data o’i ddadansoddiad. Er bod hyn yn rhagofalus, mae’r dull hwn yn sicrhau bod dosbarthiad ar gyfer y safleoedd hyn wedi eu dyfarnu ar sail nifer angenrheidiol y samplau at ddibenion dosbarthiad, ond gyda bylchau hirach na’r angen rhwng samplau. O ganlyniad, mae’r dosbarthiadau wedi cael eu dadansoddi’n ystadegol er mwyn asesu eu dibynadwyedd.

Cynlluniwyd y rhaglen dŵr ymdrochi i ddangos ansawdd dŵr, yn hytrach nac i fod yn fesur absoliwt o’i gyflwr. Bwriad dosbarthiad yw llywio cyngor iechyd y cyhoedd a gwaith rheoli amgylcheddol. Felly, mae’n dangos cyflwr cyffredinol ansawdd ymdrochi y dŵr, ond ni ddylai gael ei weld fel asesiad diffiniol na chyflawn o ansawdd y dŵr.