Rhwystrau i gyflogaeth ar gyfer pobl anabl

Prif ganfyddiadau

• Roedd yr adroddiad hwn yn anelu at archwilio rhai o'r rhwystrau i gyflogaeth a wynebir gan bobl anabl yng Nghymru gyda chyflogwyr o fentrau bach i ganolig (SMEs). Nododd y canfyddiadau anghyfartaledd amlwg rhwng sefydliadau yn seiliedig ar eu gweithgaredd busnes, trothwy ariannol, a maint.
• • Roedd sefydliadau mwy, megis y rhai gyda 10 o weithwyr neu fwy a'r rhai sydd â throsiant ariannol uchel, yn fwy tebygol o gyflogi pobl anabl. Roeddent hefyd yn dangos mwy o ymwybyddiaeth o bolisi a deddfwriaeth berthnasol yn ogystal â mwy o gyfranogiad â chynlluniau cymorth llywodraethol.
• Roedd ymwybyddiaeth o Ddeddf Cydraddoldeb 2010 a'r Model Cymdeithasol o Anabledd yn isel yn gyffredinol.
• Cytunodd mwyafrif y cyfranogwyr bod eu busnes yn croesawu ceisiadau gan ymgeiswyr anabl a bod eu busnes yn darparu cyfleoedd cyfartal i weithwyr anabl i gynnydd. Gyda llai na hanner y cyfranogwyr yn ystyried bod eu harferion gweithio presennol yn gynhwysol i bobl anabl. Yr oedd hyn yn amrywio'n sylweddol yn ôl y rhanbarth, maint, a throsiant ariannol y sefydliad, gyda busnesau mwy a rhai sy'n seiliedig yng Ngorllewin De Cymru yn gyffredinol yn ystyried eu hunain yn fwy cynhwysol ar draws y tri datganiad.
• Mae mwy na hanner sefydliadau yn cysylltu cyflogi pobl anabl â manteision sy'n ymwneud ag amrywiaeth a delwedd fasnachol positif
• Mae mwy na hanner sefydliadau yn cysylltu cyflogi pobl anabl â heriau sy'n ymwneud ag iechyd a diogelwch
• Nid oedd llawer o sefydliadau yn ymwybodol o'r cymorth cyfredol gan y llywodraeth sydd ar gael iddynt. Pan ofynnwyd am y math o gymorth gan y llywodraeth yr hoffent ei dderbyn, yn gyffredinol y math o gymorth mwyaf a oedd yn cael ei geisio oedd cymorth i ddeall anghenion gweithwyr anabl.