Liz Hopkin, Fiona Elias, Darrel Campbell
Enwebiad ar gyfer gwobr Dewrder
Mae athrawon rhagorol Ysgol Dyffryn Aman yn cael eu hanrhydeddu fel teilyngwyr Gwobrau Dewi Sant i gydnabod eu dewrder anhygoel yn ystod ymosodiad cyllell yn eu hysgol ar 24 Ebrill 2024.
Yn y digwyddiad, cafodd y Dirprwy Bennaeth Fiona Elias, y Cydlynydd Anghenion Dysgu Ychwanegol Liz Hopkin, ac un o’r disgyblion, eu trywanu. Er gwaethaf ei hanafiadau difrifol, bu gweithredoedd dewr Liz Hopkin yn allweddol wrth achub bywydau. Ymatebodd y cyn-Bennaeth Cynorthwyodd Darrel Campbell yn gyflym hefyd, gan ddiarfogi'r ymosodwr ac atal niwed pellach.
Mae Fiona Elias wedi dangos dewrder a chryfder drwy ddychwelyd i’r gwaith yn fuan ar ôl yr ymosodiad, gan barhau i gefnogi disgyblion a staff ar adeg mor heriol.
Roedd dewrder y tri aelod o staff wrth amddiffyn disgyblion a staff eraill mewn moment o argyfwng, yn gwbl arbennig.
Trwy eu gweithredoedd, llwyddasant i osgoi trasiedi waeth, a chynnal y safonau uchaf o uniondeb, anhunanoldeb, ac ymrwymiad i gymuned yr ysgol gyfan. Gyda'i gilydd, maent yn enghraifft o wir ysbryd Gwobr Dewi Sant am Ddewrder.