Mae'r Prif Weinidog, Eluned Morgan, wedi cyhoeddi rhestr fer Gwobrau mawreddog Dewi Sant eleni.
Mae'n nodi cynnal y gwobrau am y drydedd flwyddyn ar ddeg. Hyd yma, mae'r gwobrau wedi dathlu cyflawniadau rhyfeddol dros 300 o bobl o bob cwr o Gymru .
Caiff tri eu dewis yn deilyngwyr ar gyfer pob un o'r 11 o Wobrau, ac mae'r bobl yn y 10 categori cyntaf yn cael eu henwebu gan y cyhoedd:
- Busnes
- Dewrder
- Arwr Cymunedol
- Diwylliant
- Pencampwr yr Amgylchedd
- Arloesedd, Gwyddoniaeth a Thechnoleg
- Gwasanaeth Cyhoeddus
- Chwaraeon
- Gwirfoddolwr
- Person Ifanc
- Gwobr Arbennig y Prif Weinidog
Mae'r rhai sydd wedi cyrraedd y rhestr fer ym mhob categori yn cael eu dewis gan banel annibynnol. Mae'r enillwyr yn cael eu dewis gan y Prif Weinidog.
Gellir dyfarnu'r Wobr Arbennig i nifer o bobl yn ogystal â dathlu llwyddiant unigolion.
Bydd pob enillydd yn cael tlws Gwobrau Dewi Sant, sydd wedi'i ddylunio a'i wneud gan y ceramegydd Daniel Boyle o Lanbedr Pont Steffan. Bydd y seremoni wobrwyo yn cael ei chynnal ddydd Iau 26 Chwefror 2025 yn y Senedd.
Dywedodd y Prif Weinidog, Eluned Morgan:
"Braint yw cyhoeddi rhestr fer Gwobrau Dewi Sant. Mae'n dod â'r goreuon o Gymru ynghyd, ac yn dangos enghreifftiau gwych inni o'r cyfraniad cadarnhaol y gall pobl ei wneud i fywydau pobl eraill. Mae gennym restr fer anhygoel eleni, sy'n llawn straeon ysbrydoledig a phobl sydd wedi cyflawni pethau mawr."