Cynllun cymorth i Undebau Credyd

Os ydych chi’n defnyddio’r cynllun hwn i ddyfarnu cymhorthdal, rhaid ichi roi gwybod i’r Uned Rheoli Cymorthdaliadau – e-bost: rheolicymorthdaliadau@llyw.cymru.

Cymru

Cynllun Cymorth i Undebau Credyd

Mae adran 60 o Ddeddf Llywodraeth Cymru 2006 yn caniatáu i Weinidogion Cymru wneud unrhyw beth sy'n briodol yn eu barn nhw i hyrwyddo neu wella llesiant economaidd, cymdeithasol, ac amgylcheddol Cymru, ac mae adran 58A o Ddeddf Llywodraeth Cymru 2006 yn darparu y caiff Gweinidogion Cymru wneud unrhyw beth y mae angen iddynt ei wneud wrth arfer unrhyw un o'u swyddogaethau eraill.

Y nod yn natganiad cenhadaeth y Cynllun Cymorth i Undebau Credyd yw cynyddu a gwella cynhwysiant ariannol yn sylweddol yng Nghymru, drwy wella mynediad at gynhyrchion ariannol moesegol a fforddiadwy a ddarperir gan undebau credyd.

Oherwydd y cymysgedd o fethiant y farchnad a'r hinsawdd economaidd ers y pandemig, mae allgau ariannol yn parhau i fod yn her y mae angen ei datrys cyn gynted â phosibl, gan na all miliynau o bobl incwm isel ledled y DU gael mynediad at y cynhyrchion a'r gwasanaethau ariannol angenrheidiol. Dyma'r math o allgáu y mae Llywodraeth Cymru yn ceisio ei leddfu drwy ddarparu grantiau i undebau credyd.

Mae'r ymdrech i ehangu'r sector undebau credyd yng Nghymru yn elfen hanfodol bwysig o'r ymgyrch i sicrhau bod y farchnad gwasanaethau ariannol yn decach. Mae'n rhan allweddol o'r Arian a Phensiynau sy'n eiddo ar y cyd, a Strategaeth Llywodraeth Cymru ar gyfer Llesiant Ariannol.

Canfu ymchwil gan Fair4All Finance fod dros 20 miliwn o bobl ar draws y DU yn byw mewn amgylchiadau sy'n agored i niwed yn ariannol.

Bydd y cymhorthdal yn helpu i ddatblygu capasiti yn y farchnad undebau credyd ar adegau o argyfwng. Er enghraifft, drwy gael y gallu i ddarparu cyllid cyfalaf ar gyfer gwytnwch y fantolen. Gall absenoldeb adnoddau rwystro gallu undebau credyd i dyfu os nad oes lefelau digonol o gyfalaf.

Bydd y cymhorthdal yn galluogi mwy o fynediad at gredyd ymysg pobl ar incwm isel y mae eu teilyngdod credyd yn wael, gan helpu i gynyddu twf aelodaeth undebau credyd ledled Cymru, gyda'r nod o gynyddu nifer y bobl, sydd wedi'u hallgáu'n ariannol, sy'n gallu cael mynediad at wasanaethau a chynhyrchion undebau credyd ledled Cymru.

Llywodraeth Cymru

Undebau Credyd yng Nghymru yn unig.

Gweithgareddau ariannol ac yswiriant.

Rhwng 1 Ionawr 2026 a 1 Ionawr 2031.

£20,000,000

Bydd yr holl gymorthdaliadau a ddyfernir o dan y Cynllun yn cael eu dyfarnu drwy grantiau uniongyrchol.

Mae'r cymhorthdal hwn ar gael i undebau credyd Cymru yn unig: nid yw ar gael i unrhyw fath arall o fenter ariannol sy'n gweithredu yng Nghymru.

Bydd yn cefnogi gyda chostau sy'n ymwneud â'r cynllun tanysgrifio ehangu benthyciadau a weithredir gan undebau credyd Cymru, ac ar gyfer gweithgareddau prosiectau refeniw i dyfu'r sector undebau credyd yng Nghymru, drwy ariannu gweithgareddau marchnata, a chodi ymwybyddiaeth a gweithgareddau hyrwyddo eraill mewn ysgolion a gweithleoedd i gynyddu cynilion drwy undebau credyd. Bydd hefyd yn darparu cyllid cymorth cyfalaf ar gyfer prosiectau sy'n gysylltiedig â gwytnwch, megis datblygiadau Fintech i wella effeithlonrwydd / gwella'r broses o symleiddio swyddogaethau swyddfa gefn; datblygiadau Fintech a fydd yn helpu i wella mynediad a gwasanaethau i aelodau, a datblygiadau a fydd yn helpu'n uniongyrchol i ehangu gwasanaethau undebau credyd i gynnwys ardaloedd daearyddol newydd nad ydynt yn cael eu gwasanaethau'n ddigonol ar hyn o bryd; cefnogi'r costau cyfalaf sy'n gysylltiedig ag uno dwy neu fwy o undebau credyd yn strategol i gynorthwyo gwytnwch; a chefnogi trothwyon cyfalaf undebau credyd lle mae risg amlwg o beidio â bodloni trothwyon PRA.

Mae'r grantiau a ddarperir i undebau credyd o dan y cymhorthdal i gyd yn cael eu monitro bob chwarter yn erbyn targedau blynyddol y cytunwyd arnynt ymlaen llaw. O dan y cynllun hwn, gall cyllid Llywodraeth Cymru ddarparu hyd at 100% o gyfanswm costau'r prosiect - nid oes gofyniad ar gyfer cyllid cyfatebol na chymhareb cymhorthdal. O ran y cyllid a ddarperir o dan y cynllun ehangu benthyciadau, mae'r cyllid yn cael ei gyfrifo'n seiliedig ar fformiwla sy'n mesur maint yr undeb credyd ac yn defnyddio ffactor y risg i'r undeb credyd. Mae hyn yn cael ei gyfrifo gan Lywodraeth Cymru.

£900,000

I gael rhagor o wybodaeth ynglŷn â gwneud cais am gymorth o dan y cynllun hwn, cysylltwch â'r tîm drwy e-bostio: creditunions@gov.wales

I gael rhagor o wybodaeth am sut mae'r cynllun hwn yn cydymffurfio â Deddf Rheoli Cymorthdaliadau 2022, cysylltwch â: