Henry Engelhardt CBE, Diane Briere de l’Isle Engelhardt OBE

Dyfarnwyd Gwobr Arbennig y Prif Weinidog 2026 i Henry Engelhardt CBE a'i wraig Diane Briere de l'Isle Engelhardt OBE, i gydnabod creu miloedd o swyddi yn Admiral Insurance a'u gwaith dyngarol drwy Sefydliad Moondance, yn enwedig wrth gefnogi ymchwil canser yng Nghymru.

Ers i Henry sefydlu Admiral Insurance yng Nghaerdydd yn 1993, gyda chefnogaeth £1 miliwn o gyllid cyhoeddus Cymreig, mae'r grŵp yswiriant wedi tyfu i fod yn un o ddarparwyr yswiriant mwyaf y DU. Mae mwy na wyth mil o bobl yng Nghymru yn cael eu cyflogi gan Admiral mewn swyddi o ansawdd uchel yng Nghaerdydd ac Abertawe. Dyma'r unig Gwmni FTSE 100 sydd â’i bencadlys yng Nghymru.

Fodd bynnag, mae eu hetifeddiaeth yn ymestyn ymhell y tu hwnt i lwyddiant busnes. Trwy Sefydliad Moondance, mae Henry a Diane wedi buddsoddi miliynau mewn achosion elusennol, yn enwedig ymchwil canser yng Nghymru, gan hybu ymchwil meddygol hanfodol a helpu teuluoedd sydd wedi'u heffeithio gan y clefyd. O dan arweinyddiaeth Diane, mae Moondance wedi sefydlu rhaglen i recriwtio gwyddonwyr rhagorol i sefydliadau ymchwil ledled Cymru. Mae eu haelioni wedi cael effaith sylweddol ar fywydau di-rif.

Mae Mr a Mrs Engelhardt wedi cefnogi’r diwydiannau creadigol hefyd, gan helpu talent a straeon Cymreig i gyrraedd cynulleidfaoedd ehangach. Mae eu cefnogaeth i gynyrchiadau ffilm lleol, gan gynnwys y ffilm lwyddiannus ddiweddar Mr Burton, yn dangos eu hymrwymiad i feithrin y celfyddydau yng Nghymru.

Mae Henry a Diane yn enghraifft o ysbryd buddsoddi mewn cenedl—nid yn ariannol yn unig, ond gyda gweledigaeth, tosturi, a synnwyr o bwrpas parhaol. Bydd eu cyfraniadau yn cael eu teimlo yng Nghymru am genedlaethau, gan ysbrydoli eraill i ddilyn eu harweiniad. Fel derbynyddion Gwobr Arbennig Dewi Sant 2026, cânt eu dathlu am eu menter, eu rhoi'n rhadlon, a'u hymroddiad i fywyd Cymreig, yn haeddiannol o wir fel ffigurau ysbrydoledig o fewn cymuned Cymru.