Atodiad: dosbarthiadau cymhwystra ychwanegol

Rheoliadau Dyrannu Tai a Digartrefedd (Cymhwystra) (Cymru) (Diwygio) 2026

Mae'r Rheoliadau yn cyflwyno dosbarthiadau cymhwystra ychwanegol yn Rheoliadau Dyrannu Tai a Digartrefedd (Cymhwystra) (Cymru) 2014. Pan fydd y dosbarthiadau newydd hyn yn berthnasol, mae'r prawf preswylfa fel arfer yn cael ei hepgor wrth benderfynu ar gymhwystra ar gyfer llety neu gymorth tai.

Mae'r dosbarthiadau cymhwystra newydd yn berthnasol i bobl a oedd yn:

• byw mewn gwlad neu diriogaeth pan ddarparodd Llywodraeth Ei Fawrhydi wybodaeth i'r cyhoedd yn cynghori gwladolion Prydeinig i adael, neu pan gynhaliwyd ymgiliad o'r wlad neu'r diriogaeth honno.
• sydd â'r hawl i ddod i mewn i'r Deyrnas Unedig neu aros ynddi gyda mynediad at arian cyhoeddus (gan gynnwys gwladolion Prydeinig a rhai pobl sydd â chaniatâd mewnfudo), ac sy'n
• gwneud cais am lety neu gymorth o fewn chwe mis i'r dyddiad y mae'r cyngor perthnasol gan Lywodraeth y DU yn cael ei roi neu ddechrau'r gweithgaredd ymgiliad (pa un bynnag sydd hwyraf).

Mae'r unigolion hyn yn gymwys i wneud cais am dai cymdeithasol neu gymorth tai yng Nghymru heb orfod bodloni'r prawf preswylio arferol, ar yr amod eu bod yn gwneud cais o fewn chwe mis i gyngor perthnasol Llywodraeth y DU neu ddechrau'r gweithgaredd ymgiliad (pa un bynnag sydd hwyrach).

Mae'r Rheoliadau yn effeithio ar gymhwystra yn unig. Nid ydynt yn gwarantu dyraniad tai cymdeithasol nac ychwaith yn gwarantu y bydd dyletswydd ddigartrefedd ar yr awdurdod perthnasol. Dylai awdurdodau lleol barhau i asesu pob cais yn y ffordd arferol.

Daeth y Rheoliadau Diwygio i rym ar 30 Mawrth 2026 ac maent ar gael yma: Rheoliadau Dyrannu Tai a Digartrefedd (Cymhwystra) (Cymru) (Diwygio) 2026 The Allocation of Housing and Homelessness (Eligibility) (Wales) (Amendment) Regulations 2026

Mae'r Asesiad Effaith Integredig ar gael yn yma: Diwygiadau i Reoliadau Dyrannu Tai a Digartrefedd (Cymhwystra) (Cymru) 2014: asesiad effaith integredig | LLYW.CYMRU