Denu talent gyda phwrpas: syniadau ac awgrymiadau ar gyfer recriwtio ym maes penodiadau cyhoeddus

Sail ymgyrch recriwtio gref ym maes penodiadau cyhoeddus yw pwrpas, diwylliant a chysylltiad.
Defnyddiwch y syniadau ymarferol hyn i ddenu ymgeiswyr sydd am wneud cyfraniad ystyrlon i Gymru.

Mae penodiadau cyhoeddus yn denu pobl sy’n cael eu hysgogi gan effaith.

Syniadau ac awgrymiadau

• Pwysleisiwch y cyfle i ddatrys problemau cymhleth i bobl Cymru.
• Disgrifiwch y rôl yn nhermau gwneud gwahaniaeth cadarnhaol ym mywydau bob dydd pobl.
• Tynnwch sylw at y newidiadau cadarnhaol y gall ymgeiswyr helpu i’w creu i bobl yng Nghymru. 

Pam mae hyn yn gweithio

Mae unigolion sy’n cael eu hysgogi gan bwrpas yn cael eu denu at rolau lle gallant ddylanwadu ar ganlyniadau.

Diwylliant yw eich gwahaniaethydd mwyaf.

Syniadau ac awgrymiadau

• Dangoswch beth sy’n gwneud y bwrdd yn unigryw.
• Dangoswch fod aelodau’n teimlo eu bod yn cael eu gwerthfawrogi, eu cefnogi a’u parchu.
• Pwysleisiwch y cyfle ar gyfer twf a datblygiad personol.
• Rhannwch straeon neu enghreifftiau sy’n dangos gwerthoedd y bwrdd.
• Dangoswch yr hyfforddiant cynefino a’r gefnogaeth a ddarperir i aelodau newydd o’r bwrdd. 

Pam mae hyn yn gweithio

Mae ymgeiswyr yn dewis amgylcheddau lle gallant dyfu – yn ogystal â gwasanaethu.

Small usability improvements can open the door to more people.

Syniadau ac awgrymiadau

• Defnyddiwch ddulliau dylunio hygyrch, iaith hawdd ei deall a chamau clir.
• Byddwch yno lle mae ymgeiswyr yn ymgysylltu: cyfryngau cymdeithasol, rhwydweithiau proffesiynol, llwyfannau wedi’u targedu.
• Ystyriwch gynnal sesiynau ymgysylltu ag ymgeiswyr er mwyn esbonio’r rôl, cyflwyno’r bwrdd a rhoi cyfle i ddarpar ymgeiswyr ofyn cwestiynau.

Pam mae hyn yn gweithio

Mae proses fodern a hawdd ei defnyddio yn arwydd o broffesiynoldeb a chynhwysiant.

Nid yw ymgeiswyr gwych bob amser yn edrych am gyfleoedd o’r fath – efallai y bydd angen i chi fynd atyn nhw.

Syniadau ac awgrymiadau

• Ewch i ffeiriau recriwtio, digwyddiadau cymunedol a chynadleddau sector.
• Ymgysylltwch yn ddigidol â grwpiau buddiant.
• Partnerwch â sefydliadau sy’n gweithio gyda grwpiau sydd wedi’u tangynrychioli.

Pam mae hyn yn gweithio

Mae gwelededd yn meithrin ymddiriedaeth ac yn annog pobl i ystyried penodiadau cyhoeddus am y tro cyntaf.

Mae penodiadau cyhoeddus yn berthynas ddwyffordd.

Syniadau ac awgrymiadau

• Esboniwch fod aelodau yn cyfrannu sgiliau ac yn datblygu galluoedd.
• Tynnwch sylw at gyfleoedd i adeiladu, profiad llywodraethu a datblygiad strategol.
• Disgrifiwch y rôl fel cyfle i “roi rhywbeth yn ôl i Gymru”.

Pam mae hyn yn gweithio

Mae ymgeiswyr eisiau teimlo’n ddefnyddiol a’u bod yn cael eu gwerthfawrogi.

Mae pobl yn fwy tebygol o wneud cais os yw cenhadaeth y sefydliad o bwys iddyn nhw.

Syniadau ac awgrymiadau

• Anogwch ymgeiswyr i ddewis rolau mewn sefydliadau maen nhw’n teimlo’n angerddol amdanynt.
• Mynegwch yn glir beth mae’r sefydliad yn sefyll amdano.
• Rhannwch eich gwerthoedd a’ch uchelgeisiau ar gyfer y dyfodol.

Pam mae hyn yn gweithio

Mae aliniad gwerthoedd yn meithrin ymrwymiad a boddhad hirdymor.

Canolbwyntiwch ar bwrpas, diwylliant, hygyrchedd a phresenoldeb yn y gymuned. Cyflwynwch benodiadau cyhoeddus fel cyfle i wneud gwahaniaeth go iawn ac i ddatblygu’n bersonol ac yn broffesiynol.