Canllawiau, Dogfennu
Haen Opsiynol yr SFS: Cyfalaf Cynhyrchu ac Effeithlonrwydd: canllawiau technegol
Cadwch at y rheolau hyn ar gyfer y Haen Opsiynol yr Cynllun Ffermio Cynaliadwy: Cyfalaf Cynhyrchu ac Effeithlonrwydd.
| Buddsoddiad | Manyleb | Cost Safonol (heb TAW) | Gwerth y grant | Sgôr yr eitem |
|---|---|---|---|---|
| Gorsaf fwydo ychwanegol | Gorsaf fwydo ychwanegol ar gyfer cyfarpar bwydo llaeth i loi y gellir ei raglennu sy'n cynnwys: O leiaf 25 coler fesul gorsaf. Uchafswm o dair gorsaf fwydo. | £2,237 | £895 | 422.5 |
| Aradr awyru glaswelltir | Aradr awyru glaswelltir: Â llafnau o leiaf 100mm o faint. Y gellir ei chysylltu â chysylltiad tri phwynt neu gael ei thynnu gan dractor. Â lled o 3m o leiaf. | £5,309 | £2,124 | 300 |
| Dadansoddydd amonia | Dadansoddydd nwy amonia i’w ddefnyddio i wirio a chofnodi lefelau amonia mewn adeiladau da byw. Rhaid iddo gynnwys: larymau gweledol a/neu glywedol, a gallu storio data i’w lawrlwytho nes ymlaen gan ddefnyddio WiFi neu gysylltiad USB â chyfrifiadur neu lechen. | £723 | £289 | 430 |
| Rowler cnydau âr | Rowler Cambridge / rowler gylchoedd, aml-adran sy'n cynnwys: Olwynion plygu a chludo hydrolig. Isafswm lled gweithio o 6.15m. Cylchoedd plaen neu falu. Rowler glaswelltir gwastad ddim yn gymwys | £16,112 | £6,444.80 | 237.5 |
| Cyfarpar awtomatig ar gyfer bwydo lloi, gydag offer golchi | Cyfarpar awtomatig ar gyfer bwydo lloi ynghyd ag offer golchi sy'n cynnwys: Cyfarpar bwydo llaeth i loi y gellir ei raglennu sy'n gallu bwydo lloi'n unigol a monitro faint maent yn ei yfed. Larwm i ddweud os nad yw'r llo'n yfed neu os yw'n yfed llai nag arfer. Tiwb bwydo a'r deth yn cael eu golchi'n awtomatig rhwng pob sesiwn bwydo. O leiaf un ddyfais fwydo ac un orsaf fwydo. Y allu i nodi o leiaf 30 llo unigol. | £12,613 | £5,045 | 422.5 |
| Dryll drensio EID awtomatig | Dryll drensio sy'n gallu: Cyfathrebu â chlorian yn ddiwifr i addasu'r dos sy'n cael ei ddrensio neu ei dywallt yn ôl pwysau'r anifail. Lawrlwytho adroddiadau triniaeth i gyfrifiadur neu ddyfais symudol. | £795 | £318 | 430 |
| System awtomatig i lanhau traed gwartheg | System awtomatig untro i lanhau carnau gwartheg sy’n gallu: Llenwi, dosio, fflysio ac yn ail-lenwi’n awtomatig | £6,678 | £2,671 | 422.5 |
| Offer pwyso gwartheg awtomatig | Offer annibynnol sy'n pwyso gwartheg yn awtomatig. Mae'r system yn cynnwys: Llwyfan pwyso gydag ardal rhadfa neu ddal. Darllenydd EID. Y gallu i fonitro / cofnodi pwysau'r anifail o bell. Gall y system gynnwys cafn dŵr, cafn bloc bwyd neu fwynau, neu redfa tywys. Nid yw costau tanysgrifio blynyddol yn gymwys. | £8,711 | £3,484 | 580 |
| System ddiheintio esgidiau | System ar gyfer diheintio esgidiau, rhaid cynnwys sgwriwr esgidiau a baddon traed diheintio (gall y rhain fod yn un neu ar wahân). Wedi ei wneud o blastig neu fetel. Rhaid i'r holl fetel fod wedi ei galfaneiddio neu wedi ei baentio â phaent powdr. Rhaid cael isafswm o dri brwsh sefydlog er mwyn glanhau esgidiau. Rhaid cael caead ar y baddon traed, a rhaid iddo fod wedi ei gynllunio i ddal diheintydd. | £201 | £80 | 360 |
| Twll turio | Twll turio ar gyfer codi dŵr sy’n cynnwys: Pympiau, pibellau, ceblau ac ati. Treialu’r pwmp a’r cludiant. Mae’n rhaid cael unrhyw drwyddedau neu ganiatadau cyn gwneud cais. Dŵr i'w ddefnyddio'n bennaf at ddefnydd da byw / amaethyddol. | £9,856 | £3,942 | 355 |
| Biniau sympfwyd (10 tunnell) | Biniau sympfwyd sy'n cynnwys: Bin tŵr dur neu ffeibr gwydr. Bin sy’n gallu atal lleithder a fermin. Llithrfa neu felt cludo wedi’i chysylltu. Isafswm capasiti o 10 tunnell. (ni all capasiti o 10t gynnwys mwy na 2 fin llai) | £6,101 | £2,440 | 245 |
| Crât trin lloi | Crât pwrpasol i drin lloi i gynnwys: Atalydd pen y gellir ei addasu, bar ar y tu ôl a strap bol i gefnogi'r anifail. Rhaid i'r holl fetel fod wedi ei galfaneiddio neu wedi ei baentio â phaent powdr. | £1,125 | £450 | 407.5 |
| Teclyn pasteureiddio/rhoi llaeth i loi | Teclyn pasteureiddio/rhoi llaeth i loi sy'n cynnwys: Teclyn symudol sy'n gweithio ar fatri i basteureiddio a rhoi llaeth tor/llaeth dros ben i loi. Capasiti o 150 litr o leiaf. Rheolydd tymheredd integredig. | £7,875 | £3,150 | 470 |
| Bocsys graddnodi ar gyfer peiriannau gwasgaru gwrtaith | Bocsys graddnodi ar gyfer peiriannau gwasgaru sy’n cynnwys: O leiaf deg bocs (50cm x 50cm). Bafflau i atal peledi rhag bownsio allan o’r bocsys. Offer mesur i gyfrifo’r pwysau a wasgarwyd fesul uned o arwynebedd. | £275 | £110 | 377.5 |
| Camerâu ar gyfer monitro da byw | Camera Protocol Rhyngrwyd (IP) ar gyfer monitro da byw sy'n cynnwys: IP66 sy'n addas ar gyfer yr awyr agored sy'n gallu panio, gwyro a zwmio. Golwg dydd a nos. Cyrhaeddiad isgoch o 50m o leiaf. Zwm o 18x o leiaf. O leiaf 1080 picsel. Cydnawsedd ag ap gwylio ar-lein ar gyfer ffôn, gliniadur neu lechen. | £503 | £201 | 495 |
| Dadansoddydd carbon deuocsid | Dadansoddydd carbon deuocsid i’w ddefnyddio i wirio a chofnodi lefelau o garbon deuocsid mewn storfeydd cnydau ac adeiladau da byw. Rhaid iddo gynnwys: larymau gweledol a/neu glywedol sy’n gywir i blws neu finws 40ppm neu lai, a gallu storio data i’w lawrlwytho nes ymlaen gan ddefnyddio WiFi neu gysylltiad USB â chyfrifiadur neu lechen. | £271 | £108 | 450 |
| Gât ddidoli sy'n adnabod gwartheg yn awtomatig | Gât ddidoli sy'n adnabod gwartheg yn awtomatig sy'n cynnwys: Gât sy'n gweithio drwy system hydrolig neu niwmatig. Cysylltiad ag offer rheoli cyfrifiadurol/system EID Tagiau electronig, coleri neu dransbonderau pigwrn/ffêr i adnabod yr anifail, sy’n gweithredu yn awtomatig gyda system bwyso ddigidol ac sy’n gallu didoli buchod yn ddau grŵp o leiaf. | £13,104 | £5,242 | 420 |
| Gwartheg: Synhwyrydd bwrw llo | Uned synhwyro bwrw llo sydd: Wedi ei chysylltu â ffôn/dyfais llaw er mwyn rhoi rhybudd pan fydd buwch ar fin bwrw llo. (heb gynnwys teledu cylch cyfyng) | £231 | £92 | 500 |
| Gwartheg: Gât i ddal buwch sy'n bwrw llo | Gât i ddal buwch sy'n bwrw llo sy'n cynnwys: Gât o fewn y ffrâm sy'n cau am y fuwch i'w dal yn ddiogel. Iau pen y gellir ei haddasu. Cadwyn gloi i'w rhwystro rhag symud yn ei hôl. Rheiliau ar yr ochrau a phaneli mynediad o fewn y gât siglo i ganiatáu mynediad diogel at ddibenion rhoi triniaeth feddygol, i helpu'r fuwch i fwrw'r llo, er mwyn i'r llo sugno neu i odro'r fuwch. Metel wedi'i galfaneiddio neu wedi'i baentio â phaent powdr. | £706 | £282 | 420 |
| Craets gwartheg | Craets gwartheg sy’n cynnwys: Lled mewnol heb fod yn llai na 720mm. Iau pen hyd llawn y gellir ei haddasu. Ochrau sy'n agor i roi mynediad i anifail. Cyfleuster i atal gwartheg rhag symud yn eu hôl a weithredir o du allan y rhedfa. Metel wedi'i galfaneiddio'n llawn neu wedi'i baentio â phaent powdr. | £4,399 | £1,759.60 | 407.5 |
| Gwartheg: System drafod sefydlog | System gorlannu wedi'i chodi i fodloni gofynion y safle unigol sy’n cynnwys: Ardal ddal ddiogel, effeithiol a rhedfa sydd wedi'i chysylltu â chraets gwartheg. 2 gorlan ddal fetel sy'n dal o leiaf 25 o wartheg (24 mis +). Corlan gornelu gron ag o leiaf radiws o 3m, a'r ochrau wedi'u gorchuddio i atal gwartheg rhag gweld allan, sy’n arwain at redfa syth neu gam 3–5m (yn dibynnu ar y system) a'r ochrau wedi'u gorchuddio â gât cau wedi'i gosod yn y rhedfa. Metel wedi'i galfaneiddio'n llawn neu wedi'i baentio â phaent powdr. | £12,401 | £4,960 | 420 |
| Gwartheg: Ychwanegyn tocio carnau ar gyfer craets | Ychwanegyn tocio carnau gwartheg sy'n cynnwys: Harnais/cynhalydd bol. Winsh coesau blaen ac ôl â strapiau codi a phedwar bloc carnau. | £784 | £314 | 485 |
| Gwartheg: Sgŵp pen | Sgŵp pen gwartheg sy'n: Rhwystro anifail rhag symud ei ben ochr i ochr, gan gynyddu diogelwch ar gyfer yr anifail a'r gweithredwr. Lleihau'r risg y bydd yr anifail yn cwympo o fewn y craets. | £708 | £283 | 387.5 |
| Gwartheg: System drafod symudol | System trafod gwartheg symudol sy’n cynnwys: Rhedfa Craets â lled mewnol heb fod yn llai na 720mm. Ochrau sy'n agor i roi mynediad i anifail. Corlan ar gyfer o leiaf 25 o wartheg (24 mis +). Trelar integredig sy’n gyfreithlon i fod ar y ffordd. Bar ffolen y gellir ei weithredu o du allan y craets a'r rhedfa. Iau pen addasadwy hyd llawn. Metel wedi'i galfaneiddio'n llawn neu wedi'i baentio â phaent powdr. | £17,259 | £6,903 | 417.5 |
| Corlan ynysu dros dro ar gyfer gwartheg | Corlan ynysu dros dro ar gyfer gwartheg i'w defnyddio dan do neu yn yr awyr agored. Yn darparu cyfleuster i wahanu anifeiliaid unigol, gan ystyried yr angen i odro gwartheg llaetha. Corlan i gynnwys o leiaf pedair clwyd 3m / 10 troedfedd o'r un maint, gan ddarparu isafswm arwynebedd o tua 9m2. Un rhwystr i gynnwys giât mynediad integredig. Uchder lleiaf y clwydi 1.5m. Rhaid cynnwys cafn bwydo bachyn a / neu rac gwair. Metel wedi'i orchuddio â phaent galfanedig neu bowdr. Uchafswm o 2 gorlan ynysu fesul blwyddyn ariannol. | £714 | £286 | 450 |
| Ffan awyru wedi'i osod ar nenfwd neu wal | Ffan wedi'i osod ar nenfwd neu wal gyda blwch rheoli ar gyfer gwella awyru ac ansawdd aer mewn adeiladau da byw. Manyleb lleiaf: • Diamedr lleiaf i’r ffan - 1.3m • Gosodiadau cyflymder lluosog. • Blwch rheoli gyda'r gallu i droi ffan ymlaen ac i ffwrdd yn awtomatig mewn ymateb i amodau sy'n newid. • Gall blwch rheoli fod â gallu i reoli sawl ffan. • Lle prynir mwy nag un ffan, dim ond un blwch rheoli sydd ei angen. | £1,591 | £536 | 460 |
| Storfa gemegion | Adeilad ar gyfer storio cemegion y mae'n rhaid iddo fod: Yn ddiogel ac yn gloadwy. Wedi'i fyndio. Â draeniau addas i gasglu unrhyw gemegion sy'n gollwng. Â'r gallu i wrthsefyll rhew. | £3,654 | £1,462 | 402.5 |
| Gwartheg: Unedau golchi cwpanau godro | System golchi cwpanau godro sy'n: Golchi cwpanau godro er mwyn diheintio'r uned rhwng gwartheg. Pris fesul uned | £951 | £380 | 387.5 |
| Caledwedd gyfrifiadurol sy’n gydnaws â meddalwedd busnes a rheoli fferm | Caledwedd gyfrifiadurol ar gyfer rheoli busnes ffermydd. Cyfrifiadur Personol (PC) Pen Bwrdd, Cyfrifiadur Personol Integredig neu Liniadur sy’n gydnaws â meddalwedd busnes, meddalwedd rheoli fferm. Manyleb ofynnol: Monitor PC 19" neu liniadur 15" Windows 10 â system weithredu gartref 64Bit neu system gyfatebol; O leiaf Intel Core i5 neu AMD Ryzen 5 sy’n seiliedig ar CPU neu system gyfatebol i Apple Mac. Cof sydd ag o leiaf 8GB o RAM. Gyriant caled mewnol sydd ag o leiaf 1TB neu yriant galed cyflwr soled sydd ag o leiaf 256GB. Noder: Gellir ehangu’r lle storio mewnol drwy storio ar y cwmwl neu gysylltu â Rhwydwaith Storio, ond ni ddylid defnyddio’r rhain yn lle storio mewnol. Uchafswm o un eitem i bob blwyddyn ariannol. | £510 | £204 | 492.5 |
| Gorchudd neu orchudd arnofiol ar gyfer storfeydd slyri (fesul metr sgwâr) | Gorchudd arnofiol dros lagŵn neu danc storio i: atal dŵr glaw rhag mynd i’r storfa atal nwyon sy’n dod o slyri rhag dianc, ac sy’n hyblyg, yn wydn ac yn anhydraidd. Pris fesul metr | £7.44 | £3 | 357.5 |
| Gorsaf dywydd ddigidol, wedi’i chysylltu â chyfrifiadur a meddalwedd | Gorsaf dywydd ddigidol, wedi’i chysylltu â chyfrifiadur, sy’n gallu mesur o leiaf pump o’r canlynol : Gwasgedd baromedrig Tymheredd Lleithder Glawiad Gwynt Ymbelydredd yr haul Golau uwchfioled Lleithder a thymheredd y pridd Mae’r pris yn cynnwys bracedi gosod a synwyryddion. Ni chynhwysir costau gosod, costau gwasanaethu, graddnodi na thrwyddedau blynyddol. | £778 | £311 | 397.5 |
| Peiriant hau uniongyrchol | Peiriant hau uniongyrchol neu slot sy'n gallu hau hadau gwair, meillion, perlysiau a chnydau porthiant i bridd heb ei aflonyddu. Isafswm lled gweithio o 2.7m. Hadau'n cael eu mesur a'u hau drwy fecanwaith niwmatig neu fecanyddol. Hadau'n cael eu hau'n uniongyrchol i slot wedi'i wneud ymlaen llaw gan ddisg neu fecanwaith slotio mewn pridd heb ei aflonyddu. Hadau'n cael eu hau ar ddyfnder cyson. (Nid yw offer sy'n gwasgaru hadau ar wyneb y tir a'u claddu â pheiriant tyllu a/neu rowleri, neu driliau sy’n aflonyddu / trin y pridd cyn hau yn gymwys o dan yr eitem hon) | £26,030 | £10,412 | 290 |
| Bar diferion | Gwasgarydd bar diferion sydd ag: Isafswm lled gweithio o 6m. Y gallu cael ei gosod ar dancer slyri presennol neu ei chysylltu â system bibellau/llinell y bogail hyblyg. (Rhaid i eitem fod yn eitem unigol ar anfoneb ac ni ellir ei chynnwys gyda phrynu tancer slyri) | £13,210 | £5,284 | 392.5 |
| Unedau cywasgu/cyddwyso effeithlon | Systemau a chydrannau oeri effeithlon iawn sy’n cynnwys: Uned cyddwyso arwynebedd estynedig. Falfiau ehangu electronig. | £4,877 | £1,951 | 325 |
| Gwresogydd dŵr effeithlon/rheolyddion thermostatig | Silindr dŵr poeth sy’n cynnwys: Isafswm maint tanc 180 litr System rheoli tymheredd ac amseru. Y gallu i ddefnyddio trydan oriau tawel a/neu drydan adnewyddadwy a gynhyrchir ar y fferm. | £2,332 | £933 | 352.5 |
| Dyfeisiau llaw ar gyfer EID | Dyfais llaw ar gyfer darllen EID sy'n cynnwys: Technoleg adnabod amledd radio (RFID) i ddarllen a chofnodi manylion anifeiliaid unigol Technoleg sy’n gallu cofnodi pwysau, triniaethau, genedigaethau a symudiadau unigol. Technoleg sy’n gallu allforio data i becyn meddalwedd cyfrifiadurol neu raglen yn y cwmwl er mwyn monitro da byw yn weithredol. | £1,098 | £439 | 520 |
| Panel darllen EID ar gyfer adnabod defaid | Panel darllen EID ar gyfer adnabod defaid sy'n cynnwys: Darllenydd statig/rhedfa. Rhaid iddo allu darllen tagiau HCX ac FCXB. Dylai gynnwys antena a bod yn addas i’w gysylltu â chlorian pwysau. Nid yw dyfeisiau llaw yn gymwys. Rhaid iddo gael i osod ar system trafod defaid. | £1,808 | £723 | 560 |
| Offer ffens drydan | Offer ffens drydan, sy'n cynnwys lleiafswm o: 50 x Polion ffensys dros dro, 3 x Rîl / sbŵl ar gyfer gwifren, 1 x rîl a phostyn (i ddal o leiaf 3 rîl) 3 x dolenni gât wedi'u hinswleiddio / darnau diwedd. 1200m Gwifren ffens drydan, gwifren blethedig neu polywire. | £407 | £162.80 | 485 |
| Energiser' ar gyfer ffens drydan | Energiser' ar gyfer ffens drydan sy’n gweithio drwy ynni’r haul, sydd â phaneli a batri solar integredig. Isafswm o 0.5 Joule. | £426 | £170 | 477.5 |
| Systemau crafu trydan | System crafu slyri trydan i’w defnyddio yn lle tractor sy’n cynnwys: system grafu sy’n gweithio â gyriant hydrolig neu winsh raff/gadwyn motorau trydan systemau rheoli ac amseru, ac sy’n gallu gweithio’n awtomatig. | £8,135 | £3,254 | 455 |
| Gwartheg:System bwyso electronig | Dyfais bwyso ddigidol sy'n gallu: Cofnodi pwysau anifail unigol. Olrhain cyfraddau pesgi. Didoli gwartheg gan ddefnyddio gât ddidoli sy'n adnabod gwartheg yn awtomatig. Cysylltu â chyfrifiadur neu ddyfais symudol. Mae bariau a llwyfannau pwyso'n eitemau ar wahân. | £938 | £375.20 | 410 |
| Llociau perchyll wedi’u hamgáu a phadiau gwres | Llociau perchyll wedi’u hamgáu a phadiau gwres y mae'n rhaid iddynt fod: Wedi’u gwneud o baneli GRP (plastig wedi’i atgyfnerthu â gwydr) sydd wedi’u hinswleiddio. Yn addas i'w glanhau a'u diheintio'n effeithiol. Rhaid i’r padiau gwres fod addas ar gyfer hyd at 1800 Watt. Rhaid i'r ddau fod â'r gallu i reoli tymheredd i sicrhau eu bod yn defnyddio ynni mor effeithlon â phosib. | £386 | £154 | 480 |
| Meddalwedd rheoli fferm a cofnodi ffisegol (ni chynhwysir ffioedd tanysgrifio) | Pecynnau meddalwedd fferm ar gyfer da byw, rheoli cnydau, neu'r ddau. Rhaid i becynnau allu cofnodi gwybodaeth ffisegol i reoli perfformiad y fenter a chynorthwyo â chydymffurfedd. Un taliad tanysgrifio blynyddol yn gymwys. Ni chynhwysir taliadau misol na ffioedd blynyddol am gymorth. Ni chynhwysir ffioedd blynyddol am gymorth na thanysgrifiadau. | £456 | £182 | 512.5 |
| System monitro llif ar gyfer gwasgaru slyri | System monitro llif ar gyfer mesur a chofnodi gwasgaru slyri sy’n cynnwys: mesurydd llif slyri, dangosfwrdd/rheolydd yn y cab, sydd yn gydnaws â system GPS ac yn gallu cofnodi a chadw gwybodaeth am gyfaint y slyri sy’n cael ei wasgaru i arwynebedd penodol, a lawrlwytho’r wybodaeth i gyfrifiadur. | £4,342 | £1,737 | 422.5 |
| Tanciau tanwydd (Diesel) | Tanciau dosbarthu tanwydd diesel y mae’n rhaid iddynt fod: ag isafswm capasiti o 1,500 litr wedi'u byndio, wedi’u gwneud o bolythen neu ddur, yn gloadwy, â mannau archwilio, ac rhaid iddynt gydymffurfio â SSAFO Ni chynhwysir tanciau at ddibenion domestig. | £1,791 | £716 | 355 |
| GPS ar gyfer ffermio manwl | Uned GPS annibynnol sy'n: cynnwys swyddogaeth i fesur ffiniau ac adnabod caeau yn awtomatig, ac sy’n gallu wneud o leiaf y canlynol: Lanlwytho a storio gwybodaeth. Cofnodi llinellau syth a chrwm. Lawrlwytho gwybodaeth i gyfrifiadur. Rhaid i eitem fod yn uned annibynnol na chafodd ei phrynu fel uned wedi'i hymgorffori mewn cerbyd nac offer amaethyddol. | £2,541 | £1,016.40 | 442.5 |
| Pedestal a phichell sychu grawn | Pedestal neu phicel sychu grawn gydag: Isafswm uchder o 2.5 metr Wedi’i adeiladu o blastig neu fetel Yn cynnwys ffan pedestal ar gyfer echdynnu aer | £762 | £305 | 420 |
| Synwyryddion tymheredd grawn | Synwyryddion wedi'u cynllunio i fonitro tymheredd grawn gyda sgrin ddigidol. Synwyryddion sy'n gallu troi ffaniau ymlaen yn awtomatig pan fo'r tymheredd amgylchynol yn addas ar gyfer oeri grawn. | £259 | £104 | 420 |
| Gwartheg: System llaw awtomatig i olchi tethi | Brwsh llaw awtomatig i olchi tethi sy'n gallu: Golchi, diheintio, ysgogi a sychu'r fuwch – i gyd ar yr un tro. | £6,726 | £2,690 | 405 |
| Mesurydd lleithder (gwair a gwellt) | Mesurydd lleithder cludadwy ar gyfer mesur cynnwys dŵr mewn bêls gwair a gwellt. I gynnwys chwiliedydd / picell. | £275 | £110 | 430 |
| Gwartheg: System i ganfod buwch sy'n gofyn neu derbyn tarw (system goler) | System i ganfod buwch sy'n gofyn ac sydd wedi derbyn tarw sy'n cynnwys: System sy’n canfod ar sail agosrwydd drwy goler a wisgir gan y tarw. Tagiau clust electronig y gellir eu hailddefnyddio. Coler ganfod ac o leiaf 50 tag clust y gellir eu hailddefnyddio. Rhaid i'r tag clust fod â disgwyliad oes o bum mlynedd o leiaf. Ni ddylid defnyddio tagiau ar gyfer adnabod anifeiliaid mewn perthynas â gofynion olrhain gwartheg BCMS. Dim mwy na dwy system fesul blwyddyn ariannol. | £1,095 | £438 | 510 |
| Gwartheg: System canfod buwch sy'n gofyn tarw – uned sylfaenol | System canfod gwartheg sy'n gofyn tarw sy'n cynnwys: System awtomatig ar gyfer canfod buchod sy'n gofyn tarw yn seiliedig ar ymddygiad, ac sy’n cael ei defnyddio gyda naill ai dagiau clust electronig, coleri gwddf neu dransbonderau pigwrn/ffêr i nodi anifeiliaid unigol. Mae systemau y gellir eu defnyddio ar gyfer olrhain lleoliad at ddibenion rheoli hefyd yn gymwys. | £3,226 | £1,290 | 457.5 |
| Gwartheg: System canfod buwch sy'n gofyn tarw – coleri, tagiau neu fand ffêr | System awtomatig ar gyfer canfod buchod sy'n gofyn tarw, i fesur ymddygiad sy'n gysylltiedig ag arwyddion gofyn tarw, sy’n cynnwys yr eitemau canlynol: Coleri gwddf unigol, tagiau clust, band pigwrn/ffêr â thransbonder. Mae'r gost fesul coler gwddf/band pigwrn, tag glust neu folws. Mae tagiau clust, coleri gwddf, transbondwyr pigwrn neu folysau a ddefnyddir ar gyfer olrhain lleoliad at ddibenion rheoli hefyd yn gymwys. Er mwyn i dagiau clust fod yn gymwys rhaid iddynt fod â disgwyliad oes o bum mlynedd o leiaf, a rhaid gallu eu hailddefnyddio (cael eu trosglwyddo i anifail arall). Nid yw tagiau a ddefnyddir at ddibenion y System Olrhain Gwartheg yn gymwys ar gyfer cyllid. | £77 | £31 | 457.5 |
| Uned adfer gwres i gynhesu dŵr ar gyfer system dŵr poeth bresennol | Uned adfer gwres sy'n gallu: Cynhesu dŵr ymlaen llaw gan ddefnyddio ynni sy'n cael ei ryddhau gan y system oeri llaeth. Defnyddio’r ynni a adferir i gynhesu dŵr ymlaen llaw ar gyfer system dŵr poeth bresennol sy’n cael ei defnyddio i olchi tanc/parlwr godro. | £5,816 | £2,326 | 422.5 |
| Olwyn pibell – system llinyn y bogail | Olwyn pibell (system llinyn y bogail) sy’n gallu: cael ei weindio’n rhydd neu ei rannu yn adrannau cael ei lusgo neu ei osod ar dractor, ac sy’n cynnwys pibell ac sydd o leiaf 400m o hyd. | £13,237 | £5,295 | 300 |
| Unedau rheoli lleithder a dadleithyddion ar gyfer sychu grawn | Unedau rheoli lleithder a dadleithyddion ar gyfer sychu grawn yn barhaus sy’n cynnwys: System reoli i synhwyro lleithder ac i reoli dwysedd y broses sychu. System rhybuddio i fonitro’r broses o sychu sympiau o rawn. Rheolydd tymheredd ar gyfer nifer o ffannau oeri. | £6,075 | £2,430 | 375 |
| Craets gwasgu gwartheg sy’n gweithio drwy system hydrolig | Craets gwasgu sy’n gweithio drwy system hydrolig neu niwmatig. Bydd gan y craets: Iau pen hyd llawn awtomatig y gellir ei haddasu â llaw, ac iddi gyfleuster ailosod awtomatig. Mynediad llawn at y ddwy ochr. Cyfleuster i atal gwartheg rhag symud yn eu hôl a weithredir o du allan y rhedfa. System addasu hydrolig neu niwmatig sy'n cael ei phweru gan bwmp hydrolig neu gywasgydd. Nid yw craetsys lle mae'r swyddogaeth gwasgu'n cael ei gweithredu â llaw yn gymwys. Nid yw craetsys tocio carnau arbenigol yn gymwys. | £11,807 | £4,723 | 407.5 |
| Cysgodfan ar gyfer grŵp mawr o Loi | Cysgodfan wedi'i hawyru ar gyfer grŵp mawr o loi: O leiaf 7m2 Â system gorlannu allanol. Â chorlan wedi'i gwneud o fetel wedi'i galfaneiddio'n llawn. | £2,618 | £1,047 | 455 |
| Porth a synwyryddion LoRaWAN IoT | Porth LoRaWAN IoT sydd â’r fanyleb ganlynol o leiaf: Porth 868Mhz sy’n cydymffurfio â LoRa Alliance/wedi’i ardystio ganddynt, gan gynnwys bracedi gosod Antena LoRaWAN Addas i gael pŵer dros yr ether-rwyd (PoE) – gan gynnwys chwistrellydd/addasydd PoE. IP67 Cydnaws â ‘Rhyngrwyd y Pethau’ neu rwydweithiau LoRaWAN eraill. O leiaf pum synhwyrydd i fonitro gweithgarwch fferm mewn perthynas ac anifeiliaid a chynhyrchu cnydau, a/neu berfformiad amgylcheddol. | £1,042 | £417 | 490 |
| Synhwyrydd LoRaWAN IoT | Synhwyrydd i fonitro gweithgarwch fferm sy'n ymwneud â chynhyrchu anifeiliaid a chnydau, a/neu berfformiad amgylcheddol. Cydnaws a LoRaWAN Gateway. | £107 | £43 | 490 |
| Peiriant hadu micro | Peiriant hadu bach, sy'n addas ar gyfer hau hadau bach fel glaswellt, meillion, rêp, maip sofl etc. Isafswm maint hopys 75 litr Wedi'i bweru gan fodur trydan, Y gallu i raddnodi ac addasu cyfradd hadu System rheoli electronig troi ymlaen/diffodd Gellir ei osod ar y bras-droi’r pridd/peiriant tyrchu, tractor neu ATV. | £2,118 | £847.20 | 396.7 |
| Peiriant bras-droi'r pridd | Peiriant aml-ddarn cyfunol / bras-droi’r pridd, yn cynnwys: : O leiaf dair gwahanol ran sy’n dod i gysylltiad â’r phridd Y ddwy ran sy’n dod i gysylltiad â’r pridd ar resi gwahanol, naill ai: pigau sefydlog, disgiau, coesau llacio, pigau hyblyg Rhaid i’r drydedd ran sy’n dod i gysylltiad â’r pridd fod yn: cywasgydd ôl, malwr, rowler, cylchoedd neu gylchoedd ysgwydd. Isafswm lled gweithio o 3m. Nid yw peiriant palu na rhychog pŵer yn gymwys o dan yr eitem hon. | £22,892 | £9,157 | 400.1 |
| Systemau trafod symudol (100 dafad) | Systemau Trafod Symudol sy'n addas ar gyfer isafswm o 100 dafad ac yn cynnwys: Isafswm o 50 troedfedd o glwydi/gatiau ar gyfer creu: Corlan grynhoi. Corlan gornelu. Corlan ddidoli. Corlannau ochr. Gatiau guillotine. Gallu ffitio baddon traed Trelar integredig sy’n gyfreithlon i fod ar y ffordd Metel wedi’i galfaneiddio'n llawn neu wedi'i baentio â phaent powdr. Nid yw trelar gneifio yn gymwys. | £6,791 | £2,716 | 415 |
| Systemau trafod symudol (250 dafad) | System sy’n addas ar gyfer isafswm o 250 dafad ac yn cynnwys: Isafswm o 125 troedfedd o glwydi/gatiau ar gyfer creu: Corlan grynhoi. Corlan gornelu. Corlan ddidoli. Corlannau ochr. Cynnwys gatiau guillotine. Gallu ffitio baddon traed Trelar integredig sy’n gyfreithlon i fod ar y ffordd Metel wedi’i galfaneiddio'n llawn neu wedi'i baentio â phaent powdr. Nid yw trelar cneifio yn gymwys. | £10,914 | £4,365.60 | 415 |
| Mesurydd lleithder (grawn) | Mesurydd lleithder grawn cludadwy gyda grinder grawn integredig. | £372 | £149 | 420 |
| Mesurydd porfa (llaw) | Dyfais llaw i asesu gorchudd y glaswellt drwy fesur cyfanswm ei uchder a nifer y mesuriadau. Rhaid i'r ddyfais allu: Storio gwybodaeth am gaeau ar wahân. Storio'r data i'w lawrlwytho i gyfrifiadur. | £715 | £286 | 402.5 |
| Moch: Clorian bwyso electronig | Clorian bwyso ddigidol sy'n gallu: Cofnodi pwysau byw moch unigol neu grwpiau o foch. Didoli anifeiliaid â llaw neu'n ddigidol. Cael ei defnyddio mewn systemau cynhyrchu naill o dan do neu yn yr awyr agored. Defnyddio cyfrifiadur neu ddyfais symudol sydd â rhyngwyneb â system rheoli data electronig. | £1,795 | £718 | 407.5 |
| Moch: System drafod sefydlog | Rhedfa moch sy'n cynnwys: Clwydi dalennog. Gatiau dalennog. Rhedfa ddiogel ac effeithiol. Rhaid iddi fod yn addas i’w chysylltu â chlorian a’i haddasu i systemau cynhyrchu naill ai o dan do neu yn yr awyr agored. | £1,706 | £682 | 422.5 |
| Plât cyfnewid gwres (PHE) sy’n cynnwys falf solenoid ar gyfer oeri llaeth | Plât cyfnewid gwres wedi’i ddylunio i arbed dŵr ac ynni sy’n gallu: oeri llaeth ymlaen llaw cyn iddo fynd i’r tanc swmp, gan ddefnyddio dŵr oer, ac sy’n cynnwys falf solenoid i reoli llif y dŵr i cyd-fynd â llif y llaeth cynnes. | £4,254 | £1,702 | 357.5 |
| System awyru drwy diwbiau pwysau positif | System awyru pwysau positif sydd â'r nod o wella awyru naturiol, drwy wthio aer lân i'r adeilad. Bydd yr eitem yn cynnwys o leiaf: Tiwb awyru mewnol, llorweddol wedi'i wneud o bolythen / ffabrig (neu ddeunydd tebyg) wedi'i lenwi ag aer, sy'n estyn hyd yr adeilad, ac ynddo dyllau i gyfeirio'r aer i lle mae ei angen. Ffan wedi'i osod ar y wal sy'n tynnu aer lân i'r adeilad. Rheolydd a/neu fecanwaith amseru i'w gychwyn a'i ddiffodd. | £2,305 | £922 | 460 |
| System gwthio silwair robotaidd | System robotaidd sy’n cynnwys: Meddalwedd ddeallus y gellir ei rhaglennu i’r llwybr bwydo, ac sy’n gallu synhwyro’r pellter o’r bar bwydo a chanfod faint o fwyd sydd yn y llwybr. | £16,330 | £6,532 | 455 |
| System gwthio/casglu slyri robotaidd | Bocsys graddnodi ar gyfer peiriannau gwasgaru sy’n cynnwys: O leiaf deg bocs (50cm x 50cm). Bafflau i atal peledi rhag bownsio allan o’r bocsys. Offer mesur i gyfrifo’r pwysau a wasgarwyd fesul uned o arwynebedd. | £34,316 | £13,726 | 550 |
| Brwsh troi ar gyfer buchod | Brwsh troi pwrpasol: sy'n dechrau ac yn stopio'n awtomatig. | £1,844 | £738 | 387.5 |
| Systemau chwistrellu bas | System chwistrellu i chwistrellu slyri i arwyneb y pridd sy’n gallu: Cael ei gosod ar dancer slyri presennol neu ei chysylltu â system bibellau/llinell y bogail hyblyg Isafswm lled gweithio 3m. (Rhaid i eitem fod yn eitem unigol ar anfoneb ac ni ellir ei chynnwys gyda phrynu tancer slyri) | £22,169 | £8,868 | 382.5 |
| Cludydd defaid | Cludydd dau felt ar gyfer gwneud gwaith rheoli/trin defaid cyffredinol. Uned symudol neu sefydlog. Rhaid i'r cludydd fod yn 3m o hyd, o leiaf. | £14,434 | £5,773.60 | 417.5 |
| Defaid: Clorian bwyso awtomatig | Crât bwyso electronig â system bwyso electronig. Rhaid i'r system fod yn: Ddyfais bwyso ddigidol sydd â'r gallu i gofnodi anifeiliaid unigol a thracio cyfraddau pesgi, a bod yn addas ar gyfer ei defnyddio gydag EID. Os caiff system bwyso electronig ei phrynu ar wahân, gellir defnyddio’r darllenwr digidol gyda’r eitem hon. | £2,837 | £1,134.80 | 372.5 |
| Defaid: Systemau trafod sefydlog | System trafod defaid sefydlog sy'n cynnwys: Corlan grynhoi. Corlan gornelu. Rhedfa. Gât ddidoli. Corlannau ochr. Rhaid iddo fod yn addas ar gyfer gosod baddon traed, yn addas ar gyfer o leiaf 100 o ddefaid ac wedi’i gwneud o fetel wedi'i galfaneiddio'n llawn neu wedi'i baentio â phaent powdr. | £3,790 | £1,516 | 417.5 |
| Offer trin defaid | Offer trin defaid ar ffurf crât neu graets sy'n gallu tagio, dosio a didoli defaid yn effeithlon. (Er mwyn didoli'r defaid bydd y triniwr yn eu rhyddhau'r drwy gât ddidoli) Rhaid defnyddio metel wedi'i galfaneiddio neu wedi'i baentio â phaent powdr. | £4,199 | £1,680 | 417.5 |
| Corlan ynysu dros dro ar gyfer defaid | Lloc ynysu dros dro ar gyfer defaid at ddefnydd dan do neu yn yr awyr agored. Yn darparu cyfleuster i wahanu anifeiliaid unigol. Lloc i gynnwys o leiaf pedair clwyd 1.5m / 5 troedfedd y gellir eu cloi, gan ddarparu arwynebedd lleiaf o 2.2 m2. Uchder gofynnol y clwydi 0.9m. Un rhwystr i gynnwys giât mynediad integredig. Rhaid cynnwys cafn bwydo bachyn a / neu rac gwair. Metel wedi'i orchuddio â phaent galfanedig neu bowdr. Uchafswm o 2 loc ynysu fesul blwyddyn ariannol. | £351 | £140 | 450 |
| Gwahanydd slyri | Gwahanydd slyri i wahanu hylif oddi wrth y ffibr mewn slyri anifeiliaid sy’n cynnwys: Pwmp slyri. Uned gwahanu. | £18,405 | £7,362 | 345 |
| Bin swmpfwyd bach | Bin swmpfwyd bach. Isafswm capasiti 0.5 tunnell ac uchafswm capasiti 1 dunnell. Gall fod yn sefydlog neu'n symudol. Yn gallu atal lleithder a fermin (rhaid bod â chaead arno). Wedi ei adeiladu o ddur neu blastig, rhaid i'r holl fetel fod wedi ei galfaneiddio neu wedi ei baentio â phaent powdr. | £1,418 | £567 | 245 |
| Cysgodfan ar gyfer grŵp bychan o Loi | Cysgodfan symudol wedi'i hawyru ar gyfer grŵp bychan o loi: Rhai gallu symud y lloches i'w glanhau neu ei hadleoli heb ei datgymal O leiaf 4.5m2 Â system gorlannu allanol. Wedi'i gwneud o fetel wedi'i galfaneiddio'n llawn. | £799 | £320 | 455 |
| Pwmp dŵr tanddwr pŵer solar | Mae pwmp dŵr pŵer solar i gyflenwi dŵr i dda byw ar gyfer rheoli glaswelltir ac atal sathru cyrsiau dŵr, yn cynnwys: Pwmp dŵr, Batri Panel solar i ail-wefru batri Isafswm pibell 25m | £2,586 | £1,034 | 350 |
| Ychwanegyn tocio carnau ar gyfer craets gwartheg | Mae craets gwartheg arbenigol ar gyfer tocio carnau ac nid yw wedi'i fwriadu at ddibenion eraill o ran rheoli anifeiliaid. Bydd y craets yn cynnwys: Lled mewnol o 720 mm o leiaf, Iau pen hyd llawn, Bar ffolen a/neu gatiau er mwyn helpu i fynd i mewn i'r craets. Winshis mecanyddol neu drydanol. Rhaid cynnwys strapiau codi harnais/cynhalydd bol. O leiaf ddau floc carnau. Bydd pob rhan metel fferrus o'r craets wedi'i chalfaneiddio'n llawn neu wedi'i phaentio â phaent powdr. Nid yw craets troi/rholio yn gymwys. | £6,408 | £2,563 | 450 |
| Aradr isbridd | Aradr isbridd sy'n cynnwys: Isafswm lled gweithio o 2.7m. O leiaf ddwy goes. Disg dorri o flaen pob coes isbridd. Rowler cefn er mwyn cywasgu’r pridd. Rheolydd dyfnder. | £8,735 | £3,494 | 300 |
| Olwyn pibell lusg adrannol | Olwyn pibell lusg adrannol ar gyfer gwasgaru slyri. Rhaid iddo gynnwys o leiaf 1600m o bibell. | £11,161 | £4,464 | 257.5 |
| System slyri ‘Trailing Shoe’ sy’n cynnwys offer malu | Gwasgarydd slyri ‘Trailing Shoe’ sy’n cynnwys: Isafswm lled gweithio o 6m Y gallu i ffitio i dancer slyri sy'n bodoli eisoes neu ei atodi i system bibellau/llinell y bogail hyblyg. (Rhaid i eitem fod yn eitem unigol ar anfoneb ac ni ellir ei chynnwys gyda phrynu tancer slyri) | £25,842 | £10,337 | 392.5 |
| Offer rheoli cyfradd ar gyfer chwistrellwyr a pheiriannau gwasgaru gwrtaith | Dyfais electronig i gysylltu â chwistrellwr neu beiriant gwasgaru gwrtaith sy’n bodoli eisoes. Dylai gynnwys y canlynol: Y gellir ei chysylltu â chwistrellwr neu beiriant gwasgaru gwrtaith er mwyn gwasgaru ar gyfradd amrywiol heb mewnbwn gan y gweithredwr; sy’n cynnwys system reoli sy'n gweithio drwy synhwyrydd pwysau neu synhwyrydd llif; sy’n gallu rheoli rhannau unigol o offer (e.e. breichiau chwistrellu), gwasgaru yn seiliedig ar faint arfaethedig y cnwd a ffrwythlondeb y pridd, cofnodi cyfraddau gwasgaru a'u lawrlwytho i gyfrifiadur; ac sy’n cynnwys rheolydd ac dangosfwrdd yn y cab. Nid yw’r eitem yn gymwys os caiff ei phrynu â chwistrellwr neu beiriant gwasgaru gwrtaith newydd. | £3,893 | £1,557 | 452.5 |
| Gyriannau amrywio cyflymder ar bympiau gwactod a/neu bympiau llaeth | Pwmp gwactod amrywio cyflymder sy’n gallu: Amrywio cyflymder pwmp gwactod fel nad yw’n gwneud ond y gwaith sydd ei angen. | £4,444 | £1,778 | 377.5 |
| Tanceri dŵr gyda chafn integredig | Tancer Dŵr gydag isafswm capasiti 1000 litr i gyflenwi dŵr i dda byw ar gyfer rheoli glaswelltir ac atal sathru cyrsiau dŵr. Yn cynnwys cafn dŵr integredig sy'n llenwi o'r tanc yn awtomatig. Rhaid i'r eitem fod yn system integredig, Nid yw prynu trelar, tanc dŵr a chafn ar wahân yn gymwys | £3,094 | £1,237 | 350 |
| System casglu a hidlo dŵr glaw (uwchlaw wyneb y tir) | Systemau casglu a hidlo dŵr glaw sy’n cynnwys: Tanc uwchlaw wyneb y tir. System hidlo a’r tapiau a’r ffitiadau cysylltiedig. Tanc sy’n dal o leiaf 10,000 litr. System hidlo ar y mewnlif. (lle mae mwy nag un tanc wedi'i osod a'i gysylltu, dim ond un system hidlo mynediad sydd ei hangen) Gorlif yn cael ei ailgyfeirio i ddraen dŵr glân. Bydd y dŵr yn cael ei ddefnyddio ar gyfer glanhau, yfed neu olchi, a bydd y tanc yn cael ei gysylltu â system defnyddio dŵr addas. Dŵr a gynaeafir o adeiladau amaethyddol a'i ddefnyddio at ddibenion fferm. | £2,000 | £800 | 280 |
| System casglu dŵr glaw (islaw arwyneb y tir) | System casglu dŵr glaw sy’n cynnwys: Tanc islaw arwyneb y tir. Tanc sy’n dal o leiaf 20,000 litr. System hidlo a’r cysylltyddion a’r ffitiadau cysylltiedig. Pwmp dŵr. Hidlydd UV. System hidlo’r mewnlif. Gorlif yn cael ei ailgyfeirio i ddraen dŵr glân. Bydd y dŵr yn cael ei ddefnyddio ar gyfer glanhau, yfed neu olchi, a bydd y tanc yn cael ei gysylltu â system defnyddio dŵr addas. Dŵr a gynaeafir o adeiladau amaethyddol a'i ddefnyddio at ddibenion fferm. | £9,000 | £3,600 | 280 |
| Weed wiper | ‘Weed Wiper’ i ganiatáu rheoli chwyn mewn modd dethol â llai o chwynladdwr. Rhaid iddo: Fod yn addas i gael ei dynnu gan beic cwad neu ei osod ar dractor Cynnwys tanc a phwmp ar gyfer dosbarthu cemegion. Bod o leiaf 2m o led. | £3,199 | £1,280 | 452.5 |
| Gwartheg: Bariau/Platfformau pwyso | Bariau/Llwyfannau Pwyso sy’n cynnwys: Bariau neu lwyfan pwyso sy'n gydnaws â'r craets, ac sy’n gydnaws â system bwyso electronig. | £1,217 | £487 | 410 |
| Cafnau bwyd sy'n atal bywyd gwyllt | Cafn bwyd gwartheg sy'n cynnwys: Roleri neu fecanweithiau eraill sy'n rhwystro neu'n atal bywyd gwyllt rhag cael at y bwyd gwartheg. Pris fesul cafn. | £356 | £142 | 422.5 |
| Daliwr torthau mwynau sy'n atal bywyd gwyllt | Daliwr torthau mwynau i wartheg, sy'n atal bywyd gwyllt rhag dod i gysylltiad â'r dorth fwynau. Pris fesul daliwr. | £188 | £75 | 402.5 |
| Dyfais monitro maint cnwd | Dyfais monitro cnwd electronig i gysylltu â chynaeafwr combein neu borthiant sy'n bodoli eisoes Monitro maint y cnwd yn ystod y cynhaeaf. Dylai gynnwys synwyryddion ac dangosfwrdd yn y cab. Dylai allu lawrlwytho'r wybodaeth sy'n cael ei chofnodi i gyfrifiadur, a darparu gwybodaeth am y gyfradd cynaeafu, gan fesur maint y cnwd yn ôl arwynebedd y cae neu ran o'r cae. | £4,730 | £1,892 | 432.5 |