Trosolwg o Ddeddf Deddfau Trethi Cymru etc. (Pŵer i Addasu) 2022, ei gynnydd trwy'r Senedd a'r is-ddeddfwriaeth.
Cynnwys
Trosolwg
Mae Deddf Deddfau Trethi Cymru etc. (Pŵer i Addasu) 2022 yn rhoi pwerau i Weinidogion Cymru wneud deddfwriaeth bellach i newid neu addasu elfennau penodol o’r ddeddfwriaeth drethi sy’n gymwys yng Nghymru, er mwyn:
- sicrhau nad yw trethi datganoledig Cymru (y dreth gwarediadau tirlenwi a’r dreth trafodiadau tir ar hyn o bryd) yn cael eu gosod yn groes i rwymedigaethau rhyngwladol;
- amddiffyn rhag osgoi trethi datganoledig Cymru;
- ymateb i newidiadau a wnaed gan Lywodraeth y DU i drethi blaenorol y DU (treth dir y dreth stamp neu’r dreth dirlenwi) sy’n effeithio ar y swm a delir i Gronfa Gyfunol Cymru, neu a allai effeithio ar hynny; ac
- ymateb i benderfyniadau’r llysoedd/tribiwnlysoedd sy’n effeithio, neu a allai effeithio, ar y modd y mae Deddfau Trethi Cymru, neu unrhyw reoliadau a wneir oddi tanynt, yn gweithredu. (Mae’r term ‘Deddfau Trethi Cymru’ yn cyfeirio at Ddeddf Casglu a Rheoli Trethi (Cymru) 2016, Deddf Treth Trafodiadau Tir a Gwrthweithio Osgoi Trethi Datganoledig (Cymru) 2017 a Deddf Treth Gwarediadau Tirlenwi (Cymru) 2017.)
Mae’r Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol:
Darllenwch y Ddeddf yn llawn:
Dod i rym
Daeth y Ddeddf i rym ar 9 Medi 2022, sef y diwrnod ar ôl iddi gael y Cydsyniad Brenhinol, yn unol ag adran 9:
Is-ddeddfwriaeth a wnaed o dan y Ddeddf
| Teitl | Rhif | Dyddiad gwneud | Dyddiad dod i rym | Dogfennau ategol |
|---|---|---|---|---|
| Rheoliadau Deddf Deddfau Trethi Cymru etc. (Pŵer i Addasu) 2022 (Estyn Dyddiad Dod i Ben) 2026 ar legislation.gov.uk | 2026 Rhif 86 | 18 Mawrth 2026 | 20 Mawrth 2026 | 2026 Rhif 86: Memorandwm Esboniadol ar senedd.wales |
Ystyriaeth y Senedd o’r ddeddfwriaeth
Cyflwynwyd y Bil gan Rebecca Evans AS, y Gweinidog Cyllid a Llywodraeth Leol (ar y pryd) ar 13 Rhagfyr 2021 ac fe’i pasiwyd gan Senedd Cymru ar 13 Gorffennaf 2022.
Mwy o wybodaeth am Ddeddf 2026 a gofnod o hynt y Bil trwy'r Senedd ar senedd.cymru.
Mae Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2).
Cafodd y Ddeddf y Cydsyniad Brenhinol ar 8 Medi 2022: