Tiwna asgell las: pysgodfa dreialu fasnachol-wyddonol

Er mwyn cefnogi datblygu pysgodfa tiwna asgell glas fasnachol gynaliadwy ar gyfer y DU gyfan, rydyn ni'n cynnal treial masnachol-wyddonol. Rydyn ni'n gweithio mewn partneriaeth â Gweinyddiaethau Pysgodfeydd y DU a Thiriogaethau Dibynnol ar y Goron. 

Mae'r treial hwn:

• ar wahân i bysgodfa fasnachol y DU
• yn wahanol i'r bysgodfa hamdden yng Nghymru a Lloegr
• yn gweithredu gan ddefnyddio rhan ar wahân o gwota tiwna asgell las y DU 2026
• nid yw'n effeithio ar awdurdodiadau trwyddedu na thrwyddedau wedi'u rhoi ar gyfer y pysgodfeydd hynny, ac 
• ni fydd yn lleihau'r cwota a ddyrennir i'r pysgodfeydd hynny

Gofynnir i gyfranogwyr gyfrannu cryn data ychwanegol. Byddan nhw'n:

• cael cwota llai na'r rhai sydd wedi cael awdurdodiad trwyddedu ar gyfer pysgodfa fasnachol y DU
• cael eu hawdurdodi i dargedu tiwna asgell las mewn ardaloedd penodedig o ardal Cymru yn unig

I fod yn gymwys i wneud cais rhaid i ymgeiswyr: 

• feddu ar drwydded bysgota fasnachol ddilys y DU.
• Ni fyddwch wedi cael awdurdodiad trwydded na thrwydded hamdden ar gyfer tiwna asgell las
• gwneud cais ar gyfer cwch sy'n 12 metr o hyd neu lai
• cytuno y bydd pob taith yn llai na 24 awr

Bydd angen i'r ymgeiswyr llwyddiannus: 

• ddefnyddio gwialen a rîl yn unig (ddim yn taflu abwyd i'r dŵr i ddenu pysgod ('chumming'))
• cofnodi'r holl ddalfeydd a llenwi dogfennau eBCD yr ICCAT
• glanio dalfeydd ym mhorthladdoedd dynodedig Cymru (Aberdaugleddau a Chaergybi)
• cydweithredu ag unrhyw werthusiad o'r treial 
• cytuno i ddilyn unrhyw hyfforddiant sy'n ofynnol cyn i'r pysgota ddechrau
• rhoi'r holl wybodaeth y gofynnir amdani mewn perthynas â gweithgareddau pysgota. Gallai hyn gynnwys: 
  • dyddiad a lleoliad pob dalfa
  • dyddiad a lleoliad dal a rhyddhau pysgod rhy fach
  • dyddiad a lleoliad unrhyw ddalfa a gollwyd 
  • amseroedd ymladd a chyflwr biolegol 
  • yr offer y daliwyd y pysgodyn ag ef
  • hyd a phwysau'r pysgodyn
  • porthladd glanio
  • gwybodaeth gwerthu
  • nifer yr aelodau o'r criw sy'n gyflogedig
  • unrhyw sgil-ddalfa
  • amodau'r tywydd
  • nifer yr oriau y buoch yn pysgota a ble (hyd yn oed os na chafodd unrhyw bysgod eu dal).
  • achosion o weld tiwna asgell las

Caeodd y cyfnod ymgeisio ar gyfer Datganiadau o Ddiddordeb ar 30 Awst.

Rydyn ni wedi dewis y cychod canlynol i gymryd rhan yn y bysgodfa dreialu fasnachol-wyddonol yn 2026:

• Vagabond M98
• Korey Jo M122
• Laura May M411
• Emily Jayne M45
• Safia Rose M53