Haen Opsiynol yr SFS: Seilwaith ac Offer: canllawiau technegol

% Grant

6404

Storfeydd tail dan orchudd

Storfa ar gyfer tail (solet) o fuarth y fferm (ond nid slyri).  Yn addas ar gyfer unrhyw sarn (deunydd gwely) sydd wedi'i halogi ag unrhyw dail organig y gellir ei bentyrru'n domen heb iddo chwalu.

Rhaid ei orchuddio (â tho parhaol) a gosod llawr sy'n dal dŵr a slyri.  Mae costau’r to (gan gynnwys cafnau dŵr glaw), y llawr a'r waliau cynnal yn gostau cymwys.  Dylai gwaelod waliau allanol ddal dŵr rhag i hylifau llygredig allu dianc, neu er mwyn atal dŵr rhag dod i mewn.

Rhaid cadw hylif sy'n dod o dail solet (slyri) yn y storfa neu ei ddargyfeirio i storfa slyri sy'n bod eisoes neu i bwll derbyn. Os nad yw'r hylif yn cael ei gasglu mewn storfa slyri sy'n bod eisoes, rhaid i'r llawr wyro tuag at gefn y storfa.

Oni nodir fel arall mewn cymeradwyaeth SuDS, rhaid dargyfeirio dŵr glân o'r to i ddraen dŵr glân neu i system casglu dŵr glaw.

Rhaid i ddyluniad yr adeilad fod yn addas ar gyfer tail organig y gellir ei bentyrru'n domen. Dylai'r waliau allanol fod fel a ganlyn:

• O leiaf 3.6m o uchder fel y gellir ei bentyrru'n domen ac i sicrhau defnydd effeithlon o'r ardal sy’n derbyn cymorth. 
• Wedi'i adeiladu o goncrit.
• Rhaid ei adeiladu ar dair ochr i'r storfa. (Y cefn a'r ddwy ochr).

Dylai blaen (pen mynediad) yr adeilad aros ar agor heb wal na drws. (ddim yn gostau cymwys) Gellir codi gatiau da byw ar draws mynediad i wahardd da byw.

Dylai maint y storfa fodloni gofynion storio tail y fferm.

Ni ellir defnyddio'r ardal ar gyfer lletya na storio anifeiliaid.

Rhaid adeiladu cyfleusterau storio slyri at safon BS5502. Ceir y manylion yn adroddiad ‘C759b CIRIA - Livestock manure and silage storage Part 2 Design and construction’.

485

50%

50%

50%

6432

Storfeydd slyri a phyllau derbyn cysylltiedig 

Storfeydd, yn cynnwys lagwnau slyri, strwythurau storio concrit, ar ben tir, storfeydd concrit neu ddur sy’n addas ar gyfer storio slyri sy’n hawdd ei bwmpio.

Yn cynnwys pyllau derbyn, storfeydd ar gyfer slyri sy'n gymysg â dŵr, fel dŵr buarthau brwnt neu dail solet sy'n cael ei storio ar fuarthau, golchion o adeiladau neu fuarthau a ddefnyddir gan dda byw.

Dylid adeiladu pyllau derbyn fydd yn gallu dal o leiaf deuddydd o gynhyrchiant slyri, a dŵr halogedig  gan ystyried glaw tebygol. 

Dylid darparu trefniadau mynediad digonol os oes bwriad defnyddio tanceri slyri wedi'u tynnu gan dractor i wacáu tanciau a phyllau. 

Dim ond os nad yw'r ardal yn cael ei defnyddio ar gyfer llety i dda byw y mae to storfa slyri newydd yn gymwys o dan yr eitem hon:

Lle bwriedir i'r storfa gael ei gorchuddio â slatiau a tho ar gyfer llety da byw, mae strwythur y storfa danddaearol yn gymwys, ond nid yw gosod llawr wedi'i slatio, to a waliau neu gatiau i gadw da byw yn gymwys. Yn yr achosion hyn, mae'n ofynnol i'r storfa fod â chapasiti storio 5 mis ar gyfer y da byw sy’n cael eu cadw dan do.

Nid yw unrhyw strwythurau ychwanegol a gaiff eu gosod i helpu gyda gosod slatiau, fel waliau cynnal neu byst ychwanegol yn y storfa slyri, yn gymwys.

Pan fydd to wedi'i osod i gadw dŵr glaw rhag mynd i mewn i'r storfa, dylai'r to orchuddio ardal y storfa slyri yn unig ac ni all ymestyn i ardaloedd eraill.

Os yw ymgeisydd yn bwriadu gosod storfa newydd gyda slatiau ar gyfer lletya da byw, mae angen i'r dyfynbrisiau a'r anfoneb ddilynol osod costau'r storfa yn glir ar wahân i’r buddsoddiad sy'n weddill.

Oni nodir fel arall mewn cymeradwyaeth SuDS, rhaid dargyfeirio dŵr glân o'r to i ddraen dŵr glân neu system cynaeafu dŵr glaw.

Rhaid adeiladu cyfleusterau storio slyri at safon BS5502. Ceir y manylion yn adroddiad ‘C759b CIRIA - Livestock manure and silage storage Part 2 Design and construction’.

Ar gyfer storfeydd slyri tanddaearol a morlynnoedd slyri, rhaid gosod ffens ddiogelwch briodol i atal mynediad anawdurdodedig. Rhaid i’r ffens ddiogelwch gydymffurfio â manyleb yr Awdurdod Gweithredol Iechyd a Diogelwch (HSE) yn unol ag AIS9 (Adolygiad 1), Rheoli slyri ar ffermydd (AIS9). Rheoli slyri ar ffermydd - AIS9 (rev1) (ar hse.gov.uk).

Rhaid i'r capasiti storio ychwanegol a ddarperir gan y storfa newydd fod yn ddigonol i sicrhau bod y fferm yn cydymffurfio â gofynion capasiti storio slyri Rheoliadau Adnoddau Dŵr (Rheoli Llygredd Amaethyddol) (Cymru) 2021.

50%

Systemau ar gyfer rheoli slyri

50%

6435 

Tanciau ar gyfer storio dŵr sydd ychydig yn frwnt

Tanciau ar gyfer storio dŵr sydd ychydig yn frwnt a phibellau a sianeli cysylltiedig.  Yn cynnwys dŵr ffo wedi'i halogi'n ysgafn o fuarthau concrit sydd ychydig yn frwnt neu o'r parlwr llaeth sy'n cael ei gasglu ar wahân i slyri.

Dylech sicrhau bod unrhyw hylif sy'n mynd i mewn i storfa ddŵr sydd ychydig yn frwnt ar gyfer dyfrhau rheolaidd mewn cyfnodau caeedig yn bodloni'r diffiniad Rheoliadol ar gyfer dŵr sydd ychydig yn frwnt.  Nid yw'r hylif yn cynnwys draeniad o fuarthau neu adeiladau a ddefnyddir i gadw neu fwydo da byw, hylifau o storfeydd waliau hidlo, storio tail ar dir caled, blychau hidlo, gwahanwyr slyri neu elifion silwair, y mae pob un ohonynt yn gyfoethog mewn nitrogen.

50%

6439   

Storfeydd a sianeli trosglwyddo tanlawr

Sianeli trosglwyddo / llif tanlawr i ddarparu ffordd o drosglwyddo slyri o fan casglu i storfa barhaol. 

Dylai gwaelod a waliau sianeli allu dal dŵr er mwyn atal hylifau llygredig rhag dianc, neu er mwyn atal dŵr rhag dod i mewn os yw'r storfa wedi'i hadeiladu o dan ddaear.  Os yw slyri'n cael ei wagio o sianeli i bwll derbyn trwy lifddor, dylai'r pwll fod yn ddigon mawr i ddal yr holl slyri a allai gael ei ryddhau.

Rhaid adeiladu sianeli trosglwyddo at safon BS5502.  Ceir y manylion yn adroddiad ‘C759b CIRIA - Livestock manure and silage storage Part 2 Design and construction’.

Nid yw sianeli tanlawr, y mae lloriau slatiog wedi’u gosod drostynt ar gyfer cadw anifeiliaid dan do neu fel ardaloedd i'r anifeiliaid orwedd   yn gymwys am gymorth.

Mae gorchuddion slatiog sy’n galluogi slyri sydd wedi'i grafu i fynd i mewn i'r sianel yn gymwys i gael cymorth. 

Nid yw toeon dros sianeli trosglwyddo yn gymwys i gael cymorth.

Bydd angen darparu ffotograffau fel rhan o'r cais i ddangos tystiolaeth o leoliad y sianel newydd.

50%

Gorchudd sefydlog ar gyfer tanc slyri sy'n bodoli eisoes ar ben tir

Gorchudd ffabrig â haen polyester PVC cyfnerthedig neu orchudd tun.  Fel arfer, cysylltir y mathau hyn o orchudd wrth ochrau'r tanc gyda pholyn cynnal canolog a fentiau nwy.

Rhaid dargyfeirio'r dŵr glaw sy'n cwympo ar y gorchudd fel ei fod yn llifo oddi ar y storfa.

50%

50%

Gorchudd plastig sy'n arnofio'n rhydd ar gyfer storfeydd slyri ar ben tir.

Gorchudd plastig, wedi'i ymestyn dros y storfa a’i dynnu'n dynn o amgylch cylchyn plastig i gynnal y tensiwn.  Mae’n arnofio ar yr wyneb.

Rhaid dargyfeirio'r dŵr glaw sy'n cwympo ar y gorchudd fel ei fod yn llifo oddi ar y storfa i ddraen dŵr glân.

50%

Strwythur to, gan gynnwys pyst cynnal a nwyddau dŵr glaw, sy'n gallu dal dŵr glaw i orchuddio storfa silwair. 

Rhaid bod gennych dystiolaeth bod safle cyfan yn dal dŵr, e.e. concrit.

Mae angen adroddiad gan beiriannydd i gadarnhau bod cyfanrwydd strwythurol y storfa silwair yn cael ei gynnal ac y bydd y storfa yn parhau i gydymffurfio â Rheoliadau Rheoli Llygredd Amaethyddol (CoAPR) ar ôl codi to drosti.

Ni ellir defnyddio'r ardal a gefnogir i gadw da byw. 

Oni nodir fel arall mewn cymeradwyaeth SuDS, rhaid dargyfeirio'r dŵr glân o’r to newydd i ddraen dŵr glân neu i system casglu dŵr glaw.

Nid yw'n cynnwys unrhyw waliau, lloriau na draeniau cysylltiedig.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

Strwythur to, gan gynnwys pyst cynnal a nwyddau dŵr glaw, sy'n gallu dal dŵr glaw i orchuddio storfa slyri.

Rhaid bod gennych dystiolaeth bod y storfa gyfan yn dal dŵr, e.e. concrit.

Mae angen adroddiad gan beiriannydd i gadarnhau bod cyfanrwydd strwythurol y storfa silwair yn cael ei gynnal ac y bydd y storfa yn parhau i gydymffurfio â Rheoliadau Rheoli Llygredd Amaethyddol (CoAPR) ar ôl codi to drosti.

Nid yw to dros storfa slyri sy'n bodoli eisoes gyda slatiau ar gyfer cadw da byw yn gymwys.

Oni nodir fel arall mewn cymeradwyaeth SuDS, rhaid dargyfeirio'r dŵr glân o’r to newydd i ddraen dŵr glân neu i system casglu dŵr glaw.

Nid yw'n cynnwys unrhyw waliau, lloriau na draeniau cysylltiedig.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

Strwythur to na all dŵr glaw dreiddio trwyddo, yn cynnwys pileri unionsyth i'w gynnal, gan gynnwys gwteri a phibellau glaw, dros storfa dail sy'n bod oedd cynt heb orchudd.

Rhaid i'r storfa fod ar gyfer tail (solet) ac nid slyri. Bydd y storfa'n addas ar gyfer unrhyw sarn (deunydd gwely) sydd wedi'i halogi â thail organig y gellir ei bentyrru'n domen heb iddo chwalu.

Bydd gan yr ardal gyfan o dan y to lawr concrit eisoes sy'n gallu dal dŵr, slyri neu elifiant silwair.

Mae'r hylif a ddaw o dail solet sy'n cael ei storio ar arwyneb caled yn cael ei ystyried yn slyri a rhaid ei gasglu'n briodol. Rhaid dargyfeirio'r slyri hwn i storfa slyri neu bwll derbyn priodol. Os nad oes storfa ar gael ar hyn o bryd, rhaid cadw'r holl elifion yn y cyfleuster.

Pan fydd pydew derbyn newydd yn cael ei osod i gasglu'r slyri, rhaid rhoi o leiaf 14 diwrnod o rybudd ysgfrifenedig i Cyfoeth Naturiol Cymru (CNC) cyn dechrau ar y gwaith adeiladu. Bydd angen tystiolaeth o'r hysbysiad hwn wrth hawlio.

Bydd gwaelod waliau allanol yn gallu dal dŵr rhag i hylifau llygredig allu dianc, neu er mwyn atal dŵr rhag dod i mewn.

Oni nodir fel arall mewn cymeradwyaeth SuDS, rhaid dargyfeirio'r dŵr glân o’r to newydd i ddraen dŵr glân neu i system casglu dŵr glaw.

Rhaid i'r man dan do aros yn fan storio tail. Ni ddylai codi to drosto olygu bod modd ei ddefnyddio fel sied cadw da byw.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

6427

. To dros fan bwydo sy’n bod eisoes

Strwythur to na all dŵr glaw dreiddio trwyddo, yn cynnwys pileri unionsyth i'w gynnal, gan gynnwys gwteri a phibellau glaw, dros fan bwydo da byw sy'n bod oedd cynt heb orchudd.

Bydd gan yr ardal gyfan o dan y to lawr concrit eisoes sy'n gallu dal dŵr.

Rhaid amgáu'r holl slyri o fewn y safle yn unol â'r rheoliadau cyfredol a'i sianelu i storfa neu danc derbyn priodol.

Pan fydd pydew neu storfa dderbyn newydd wedi'i gosod i gasglu'r slyri, rhaid rhoi o leiaf 14 diwrnod o rybudd ysgrifenedig i Cyfoeth Naturiol Cymru (CNC) cyn dechrau ar y gwaith adeiladu. Bydd angen tystiolaeth o'r hysbysiad hwn wrth hawlio.

Oni nodir fel arall mewn cymeradwyaeth SuDS, rhaid dargyfeirio'r dŵr glân o’r to newydd i ddraen dŵr glân neu i system casglu dŵr glaw.

Rhaid i’r ardal fwydo gael ei hamgáu i gadw da byw ynddi gan ddefnyddio naill ai waliau neu rwystrau parhaol, gan gynnwys unrhyw gatiau perthnasol. Ni fydd mannau bwydo dros dro yn gymwys.

Dylai'r man bwydo gael ei ddefnyddio gydol y cyfnod bwydo dros y gaeaf gyda'r da byw'n cael eu bwydo trwy drefniadau bwydo parhaol. Os defnyddir cafnau bwydo dros dro neu symudol, (e.e. i fwydo byrnau crwn) bydd angen tystiolaeth i ddangos y berthynas rhwng y man bwydo â sied cadw'r da byw a'u ffynhonnell ddŵr a bod y man bwydo'n un parhaol.

Mae trefniadau hunan-fwydo mewn storfeydd silwair a/neu storfeydd silwair a ddefnyddir fel mannau bwydo yn anghymwys o dan yr eitem hon. 

Nid yw corlannau sglodion pren ac iardiau gwellt heb loriau sy'n dal dŵr ac nad yw'r slyri ohonyn nhw yn cael ei amgáu, yn gymwys.

Rhaid i'r man dan do aros yn fan bwydo. Ni ddylai codi to drosto olygu bod modd ei ddefnyddio fel sied cadw da byw.

Ar gyfer mannau bwydo da byw nad ydynt yn cael eu defnyddio yn ystod yr haf, dylid cyflwyno ffotograffau o'r rhwystrau bwydo parhaol a'r lleoliad casglu slyri ynghyd â disgrifiad o'i ddefnydd yn y gaeaf.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

Strwythur to na all dŵr glaw dreiddio trwyddo, yn cynnwys pileri unionsyth i'w gynnal, gan gynnwys gwteri a phibellau glaw, dros fan crynhoi da byw sy'n bod oedd cynt heb orchudd.

Bydd gan yr ardal gyfan o dan y to lawr concrit eisoes sy'n gallu dal dŵr.

Rhaid amgáu'r holl slyri o fewn y safle yn unol â'r rheoliadau cyfredol a'i sianelu i storfa neu danc derbyn priodol.

Pan fydd storfa neu bydew derbyn newydd yn cael ei osod i gasglu'r slyri, rhaid rhoi o leiaf 14 diwrnod o rybudd ysgrifenedig i Cyfoeth Naturiol Cymru (CNC) cyn dechrau ar y gwaith adeiladu. Bydd angen tystiolaeth o'r hysbysiad hwn wrth hawlio.

Oni nodir fel arall mewn cymeradwyaeth SuDS, rhaid dargyfeirio'r dŵr glân o’r to newydd i ddraen dŵr glân neu i system casglu dŵr glaw.

Rhaid i’r ardal fwydo gael ei hamgáu i gadw da byw ynddi gan ddefnyddio naill ai waliau neu rwystrau parhaol, gan gynnwys unrhyw gatiau perthnasol. Ni fydd mannau crynhoi dros dro yn gymwys.

Rhaid dangos pwrpas y man crynhoi e.e. iard gasglu ar gyfer parlwr godro neu fan crynhoi ar gyfer system trin barhaol.

Nid yw'r mannau lle mae da byw yn teithio yn anaml rhwng adeiladau neu iardiau agored yn gymwys.

Mae'r mannau lle mae slyri yn cael ei grafu o adeilad i storfa ar draws iardiau agored ac sydd heb dda byw ynddyn nhw yn anghymwys.

Mannau crynhoi ar gyfer systemau trin da byw: Rhaid i'r systemau trin fod yn barhaol ac yn sownd wrth y llawr. Nid yw toeon dros systemau trin symudol yn gymwys.

Mae systemau trin defaid neu wartheg sy'n bod yn gymwys os yw'r holl slyri, dŵr ffo a dŵr brwnt (budr) o'u golchi yn cael eu hamgáu yn unol â gofynion y rheoliadau diweddaraf a'u dargyfeirio i storfa neu danc derbyn priodol. 

Os na allwch brofi bod yr holl slyri, dŵr ffo a dŵr brwnt (budr) yn cael eu casglu, ni fydd yr hawliad yn ddilys. (e.e. system trin defaid lle nad yw'r dŵr ffo yn cael ei gasglu ar hyn o bryd: Bydd angen amgau'r man crynhoi a dargyfeirio'r holl slyri, dŵr ffo a dŵr brwnt (budr) i storfa neu danc derbyn priodol. Rhaid rhoi o leiaf 14 diwrnod o rybudd ysgrifenedig i CNC cyn dechrau'r gwaith o adeiladu'r storfa ym mhob sefyllfa. 

Rhaid i'r man dan do aros yn fan crynhoi. Ni ddylai codi to drosto olygu bod modd ei ddefnyddio fel sied cadw da byw.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

Taenwr Band neu ‘trailing shoe’

Taenwr band: Mae nifer o bibellau wedi'u cysylltu â braich y gwasgarwr slyri, gan wasgaru'r slyri'n agos i'r ddaear mewn stribedi neu fandiau.  Daw'r slyri i'r fraich o un bibell, ac mae'n dibynnu felly ar y pwysedd wrth arllwysfa pob un o'r pibellau i wasgaru'r slyri'n gyfartal. Mae systemau mwy datblygedig yn defnyddio system gylchdroi sy'n gwasgaru'r slyri'n gyfartal i arllwysfa pob pibell.

Trailing shoe: Patrwm tebyg i'r taenwr band, ond mae 'esgid' wrth bob pibell i chwistrellu'r slyri o dan orchudd y cnwd ac i’r pridd. 

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

40%

6405

Peiriant gwasgaru tail buarth sy'n troelli, sy'n gollwng o'r tu ôl neu system ddeuddiben.

Peiriant gwasgaru sy'n troelli (rotaspreader): Peiriant gwasgaru sy'n gollwng o'r ochrau gyda chorff silindraidd a siafft pto, a ffustiau ar hyd canol y silindr. Wrth i'r rotor droi, mae'r ffustiau'n taflu'r tail solet allan tua'r ochrau. 

Peiriant gwasgaru sy'n gollwng o'r tu ôl: Trelar gyda llawr symudol neu fecanwaith arall wedi'i osod arno i roi'r tail solet yng nghefn y gwasgarwr. Bydd y mecanwaith gwasgaru yn curo naill ai i fyny ac i lawr neu ar draws, gyda disgiau troelli hefyd ambell waith. 

Gwasgarwr deuddiben: Peiriant gwasgaru sy'n gollwng o'r ochrau â chorff siâp-V diorchudd sy'n gallu trin slyri a thail solet.  Mae troellwr neu rotor sy'n troi'n gyflym, fel arfer ym mhen blaen y gwasgarwr, yn taflu'r deunydd dros yr ochr.  Mae taradr neu fecanwaith arall yng ngwaelod y gwasgarwr yn bwydo deunydd i'r rotor ac mae gât lithro yn rheoli llif y deunydd i'r rotor.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

Bydd angen i gapasiti’r eitem fod yn gymesur â maint y daliad a faint o slyri a gynhyrchir.

40%

Caiff slyri ei chwistrellu o dan wyneb y pridd. Mae gwahanol fathau o chwistrellwr ond mae pob un yn perthyn i un o ddau gategori: naill ai chwistrelliad bas slot agored, hyd at 50mm o ddyfnder; neu chwistrelliad dwfn dros 150mm o ddyfnder.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

40%

Peiriant sy'n teithio ar ei ben ei hun â phibellau hyblyg neu ar olwyn a gaiff eu bwydo o rwydwaith o bibellau tanddaear fel arfer, â phwmp allgyrchol neu ddadleoli positif, wedi'i leoli ger storfa'r slyri.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

40%

6419 

Tancer pwmp a Thaenwr Band neu 'trailing shoe'. 

Tancer pwmp: Caiff y slyri ei bwmpio i'r tancer ac allan o'r tancer gan ddefnyddio pwmp slyri, naill ai pwmp allgyrchol (e.e. fel troellwr) neu bwmp dadleoli positif (e.e. fel llabed). 

Taenwr Band: Mae nifer o bibellau wedi'u cysylltu â braich y gwasgarwr slyri, gan wasgaru'r slyri'n agos i'r ddaear mewn stribedi neu fandiau.  Daw'r slyri i'r fraich o un bibell, ac mae'n dibynnu felly ar y pwysedd wrth arllwysfa pob un o'r pibellau i wasgaru'r slyri'n gyfartal.  Mae systemau mwy datblygedig yn defnyddio system gylchdroi sy'n gwasgaru'r slyri'n gyfartal i arllwysfa pob pibell.

Trailing Shoe: Patrwm tebyg i'r taenwr band, ond mae 'esgid' ar bob pibell i chwistrellu'r slyri o dan orchudd y cnwd i'r pridd.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

Bydd angen i gapasiti’r eitem fod yn gymesur â maint y daliad a faint o slyri a gynhyrchir.

341.25

40%

Piben llinyn y bogail a Thaenwr Band neu 'trailing shoe'

Caiff y slyri ei fwydo gan bibell lusg i'r system ddosbarthu sydd wedi'i gosod ar y tractor; daw'r slyri'n uniongyrchol i'r bibell o'r storfa slyri fel arfer, drwy ddefnyddio pwmp allgyrchol neu bwmp dadleoli positif. 

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

375

40%

Caiff y slyri ei fwydo gan bibell lusg i'r system ddosbarthu sydd wedi'i gosod ar y tractor; daw'r slyri'n uniongyrchol i'r bibell o'r storfa slyri fel arfer, drwy ddefnyddio pwmp allgyrchol neu bwmp dadleoli positif. 

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

395

40%

Caiff y slyri ei fwydo gan bibell lusg i'r system ddosbarthu sydd wedi'i gosod ar y tractor; daw'r slyri'n uniongyrchol i'r bibell o'r storfa slyri fel arfer, drwy ddefnyddio pwmp allgyrchol neu bwmp dadleoli positif. 

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

315

40%

6440 

Tancer gwactod a Thaenwr Band neu 'Trailing Shoe' 

Tancer gwactod: Caiff slyri ei sugno i'r tancer gan ddefnyddio pwmp aer i dynnu'r aer o'r tanc er mwyn creu gwactod; caiff y tancer ei wagio gan ddefnyddio'r pwmp aer i greu pwysedd yn y tancer i wthio'r slyri allan. 

Taenwr Band: Mae nifer o bibellau wedi'u cysylltu â braich y gwasgarwr slyri, gan wasgaru'r slyri'n agos i'r ddaear mewn stribedi neu fandiau.  Daw'r slyri i'r fraich o un bibell, ac mae'n dibynnu felly ar y pwysedd wrth arllwysfa pob un o'r pibellau i wasgaru'r slyri'n gyfartal.  Mae systemau mwy datblygedig yn defnyddio system gylchdroi sy'n gwasgaru'r slyri'n gyfartal i arllwysfa pob pibell. 

Trailing Shoe: Patrwm tebyg i'r taenwr band, ond mae 'esgid' wrth bob pibell i chwistrellu'r slyri o dan orchudd y cnwd i mewn i'r pridd.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

Bydd angen i gapasiti’r eitem fod yn gymesur â maint y daliad a faint o slyri a gynhyrchir. 

341.25

40%

Caiff slyri ei sugno i mewn i'r tancer gan ddefnyddio pwmp aer i dynnu'r aer o'r tanc er mwyn creu gwactod; caiff y tancer ei wagio gan ddefnyddio'r pwmp aer i greu pwysedd yn y tancer, a thrwy hynny wthio'r slyri allan. 

Chwistrellwr: Caiff slyri ei chwistrellu o dan wyneb y pridd. Mae gwahanol fathau o chwistrellwr ond mae pob un yn perthyn i un o ddau gategori: naill ai chwistrelliad bas slot agored, hyd at 50mm o ddyfnder; neu chwistrelliad dwfn dros 150mm o ddyfnder.

Os cafodd yr ymgeisydd help yn y gorffennol i brynu’r eitem hon (trwy NMIS neu SPG neu Grant Bach – Effeithiolrwydd), ni fydd cymorth ar gael ar gyfer yr eitem. 

Bydd angen i gapasiti’r eitem fod yn gymesur â maint y daliad a faint o slyri a gynhyrchir.

361.25

40%

40%

Adeilad neu uned storio byndiog diogel (y gellir ei gloi) gyda system ddraenio addas er mwyn casglu gollyngiadau.  Diogelwch rhag rhew.  Wedi'i gysylltu o bosibl â phad llenwi/golchi.

Rhaid i faint y storfa fod yn briodol i ofynion y fferm.

40%

Tanciau storio a’r pibellwaith cysylltiedig.  Rhaid i'r system a osodir gydymffurfio â gofynion Rheoliadau Rheoli Llygredd (Storio Olew) (Cymru) 2016.  Rhaid i'r tanc storio fod yn addas at y diben a rhaid iddo fod wedi’i amgáu gan ail wal (bwnd fel arfer) sy'n gallu dal o leiaf 110% o gynnwys y tanc. 

Hefyd, mae'r Rheoliadau'n cynnwys cyfarwyddiadau ynghylch mannau llenwi, cyfarpar arllwys a phibellwaith gorlif y mae'n rhaid cydymffurfio â nhw.  Rhaid i ddeunyddiau'r tanc a'r bwnd fod yn anhydraidd i’r olew sy'n cael ei storio ynddynt.

40%

40%

40%

40%

40%

40%

Adnewyddu buarthau da byw a phibellwaith draenio tanddaear ar gyfer ardaloedd sy'n bodoli eisoes i fwydo neu i gasglu da byw.  (Nid yw buarthau da byw newydd yn gymwys).

Dim ond ardaloedd ag arwyneb a oedd yn gallu dal dŵr yn flaenorol ac y mae angen ei adnewyddu sy'n gymwys.  Byddai'r ardal yn llawr concrit y mae angen ei adnewyddu.

Rhaid dargyfeirio slyri o'r buarth i storfa slyri neu bwll derbyn.

Bydd angen darparu ffotograffau fel rhan o'r cais i ddangos tystiolaeth o’r ardal i’w chefnogi.

40%

40%

Systemau cynaeafu a hidlo dŵr glaw, sy'n cynnwys: 

Tanc uwchben y ddaear. 

System hidlo a thapiau a ffitiadau cysylltiedig. 

Maint tanc o 10,000 o litrau o leiaf. 

System hidlo mynediad (pan fo mwy nag un tanc wedi'i osod a'i gysylltu, dim ond un system hidlo mynediad sydd ei hangen). 

Gorlif wedi'i ddargyfeirio i ddraen dŵr glân. 

Dŵr a ddefnyddir ar gyfer glanhau, yfed, golchi neu storio dŵr ar gyfer ymladd tân. Tanc a osodir wedi'i gysylltu â system defnyddio dŵr addas. 

Dŵr a gynaeafwyd o adeiladau amaethyddol a'i ddefnyddio at ddibenion fferm.

40%

System cynaeafu dŵr glaw, sy'n cynnwys: 

Tanc o dan y ddaear. 

Maint tanc o 20,000 o litrau o leiaf. 

System hidlo a chysylltwyr a ffitiadau cysylltiedig. 

Pwmp dŵr. 

Hidlydd UV.

System hidlo mynediad.

Gorlif wedi'i ddargyfeirio i ddraen dŵr glân. 

Dŵr a ddefnyddir ar gyfer glanhau, yfed neu olchi, tanc a osodir wedi'i gysylltu â system defnyddio dŵr addas. 

Dŵr a gynaeafwyd o adeiladau amaethyddol a'i ddefnyddio at ddibenion fferm.

160

40%

40%

System crafu slyri sy’n gallu gweithio’n awtomatig. Gall fod yn system drydan ar gyfer crafu slyri er mwyn cymryd lle tractor sy’n defnyddio system grafu gyriant hydrolig neu winsh rhaff/cadwyn, neu gall fod yn wthiwr/casglwr slyri robotig.

Rhaid dargyfeirio slyri i sianel gasglu neu storfa.

40%

50%

40%