A4226: Five Mile Lane

Pam y gwnaethom hyn

Bydd y gwelliannau yn:   

• lleihau yr amrywio yn yr amser teithio rhwng Croes Cwrlwys ac Ardal Fenter Maes Awyr Caerydd  
• lleihau yr amser teithio rhwng Croes Cwrlwys ac Ardal Fenter Sain Tathan  
• annog y traffig i beidio â defnyddio ffyrdd eraill i’r Ardaloedd Menter  
• gwella mynediad i’r ardaloedd menter ar gyfer trafnidiaeth gyhoeddus, cerddwyr a beicwyr.

Ynghylch y prosiect

Cyflwynodd cyngor Bro Morgannwg gais cynllunio ar gyfer y prosiect yng ngwanwyn 2016, a chafodd ganiatâd cynllunio yn ystod gaeaf 2016. Penodwyd Capita fel Asiant Cyflogwyr ar gyfer y prosiect, a Bruton Knowles fel yr asiant tir.

Cyngor Bro Morgannwg wnaeth y Gorchymyn Prynu Gorfodol i brynu'r tir yn haf 2017 yn dilyn Ymchwiliad Cyhoeddus.

Cwblhawyd y gwaith yn ystod haf 2019.

Y gwaith

Rydym wedi adeiladu ffordd newydd 4km, i’r dwyrain o’r A4226 presennol.  Bydd y rhan newydd hon o’r ffordd yn dechrau ger Fferm Ymddiriedolaeth Amelia.  Bydd yn ail-ymuno â’r A4226 ger Pont Afon Weycock a Chanolfan Heboga Cymru.

Mae 2 gyffordd newydd i gyrraedd aneddiadau i’r gorllewin o’r rhan newydd o’r ffordd, ac 1 gyffordd i’r dwyrain.  

Cewch ragor o fanylion am y prosiect ar Borth cynllunio cyngor Bro Morgannwg.

Camau nesaf

Mae cyngor Bro Morgannwg yn gwneud gwaith ôl-ofal sy'n cynnwys:

• cynnal a chadw'r dirwedd
• arolygon ecolegol
• torri glaswellt.

Bydd y gwasanaethau hyn yn parhau tan ddechrau 2025.