A487: pont Ddyfi newydd

Pam aethom ni ati

Mae pont Pont-ar-Ddyfi dros 200 mlwydd oed, ac nid oedd wedi'i chynllunio i gario'r traffig presennol. Roedd y ffordd ar gau yn aml oherwydd llifogydd cyson, gan orfodi gyrwyr i fynd ar ffordd osgoi am hyd at 30 milltir.

Roedden ni eisiau:

• ei gwneud hi'n haws croesi Afon Dyfi
• ei gwneud yn haws i gael swyddi, gofal iechyd ac addysg
• sicrhau bod pobl yn dal i allu cyrraedd Machynlleth hyd yn oed pan fydd glaw trwm a llifogydd
• gwneud yr A487 yn fwy diogel
• helpu i atal llifogydd
• ei gwneud hi'n haws i bobl gerdded, beicio ac olwynio ar draws y bont.

Beth wnaethom ni

Fe wnaethom adeiladu ffordd gerbydau sengl newydd 1.2km gan ymuno â'r A487 presennol i'r de-ddwyrain o bont Pont-ar-Ddyfi.

Mae'r ffordd newydd yn croesi Afon Dyfi tua 480m i fyny'r afon o'r bont bresennol. 

Nid yw'r A487 presennol i'r de o bont Pont-ar-Ddyfi bellach yn ffordd Llywodraeth Cymru a bydd yn cael ei chynnal gan awdurdodau lleol.

Dechreuodd y gwaith adeiladu yng ngwanwyn 2021, a daeth i ben ym mis Chwefror 2024. 

Roedd y gwaith yn cynnwys:

• ffordd gerbydau sengl 1.2km gan ddechrau ar ymyl ogleddol Machynlleth, gan groesi gorlifdir Afon Dyfi, ac ail-ymuno â'r A487 i'r de
• llwybr teithio llesol defnydd a rennir 2.5m o led dros Bont Newydd Dyfi i annog cerdded, beicio ac olwynio dros y bont newydd
• bwndiau llifogydd i amddiffyn Parc Eco Dyfi a'r ffordd o dan y rheilffordd
• cyfleusterau pwmpio dŵr wyneb brys a fydd yn cyfyngu ar lifogydd o dan y rheilffordd a Bythynnod Dyfi
• gwaith tirlunio, plannu coed a dychwelyd y tir o dan y draphont yn gaeau gwyrdd
• paratoadau i gyfeirio gwasanaeth cyfleustodau (e.e. nwy, dŵr, trydan, band eang / llinellau ffôn ac ati)
• pob elfen strwythur concrit a gwaith dur y bont
• cwblhau gwaith gwella draenio o flaen Bythynnod Dyfi
• gwaith cynnal a chadw ar yr hen ffordd cyn iddi gael ei throsglwyddo i ofal awdurdod lleol.

Fideo awyrol o'r gwaith ar bont Ddyfi newydd: