Addysg bellach, dysgu seiliedig ar waith a dysgu cymunedol: Awst 2022 i Gorffennaf 2023

Amharodd y pandemig coronafeirws (COVID-19) ar y ddarpariaeth addysg ac mae’n bosibl y bydd ei effaith yn gael ei weld yn ffigurau’r datganiad hwn ar gyfer 2019/20 i 2021/22.

Prif bwyntiau

• Yn ystod 2022/23, roedd yna 163,695 o ddysgwyr mewn SAB, darparwyr Dysgu Cymunedol neu ddarparwyr Dysgu Seiliedig ar Waith. Roedd hyn yn gynnydd o 10% o gymharu â 2021/22.
• Roedd 127,000 dysgwr unigryw mewn SAB, cynnydd o tua 6% o gymharu â’r flwyddyn flaenorol. Roedd y cynnydd hwn yn bennaf yn sgil ag adferiad yn nifer y dysgwyr rhan-amser mewn SAB (cynnydd o 11%) i 60,510.
• Roedd nifer y dysgwyr amser llawn mewn SAB yn parhau i fod yn gymharol ddigyfnewid (45,325 yn 2022/23) a chynyddodd dysgwyr sy'n ymgymryd â CBS yn FEIs 9% i 21,215. 
• Roedd 16,005 o ddysgwyr unigryw mewn Dysgu Oedolion, 53% yn uwch na’r flwyddyn flaenorol, felly roedd ar ei lefel uchaf ers 2014/15. 
• Roedd 46,610 o ddysgwyr unigryw yn ymgymryd â phrentisiaethau yn 2022/23, cynnydd o 18% o'i gymharu â'r flwyddyn flaenorol.
• Roedd cynnydd o 14% mewn rhaglenni dysgu prentisiaethau wedi dechrau.

Nodiadau

Sylwch nad yw'r tabl atodol sy'n cynnwys dysgwyr sy'n dysgu mewn sefydliadau addysg bellach wedi'i gyhoeddi eleni, gan nad yw ffigurau ar gyfer dysgwyr sydd wedi eu breinio o sefydliadau addysg uwch ar gyfer 2022/23 ar gael ar hyn o bryd o gofnod myfyrwyr yr Asiantaeth Ystadegau Addysg Uwch.

Mae’r datganiad ystadegol cyntaf hwn yn crynhoi data ar nifer y dysgwyr mewn addysg a hyfforddiant ôl-16, heb gynnwys y rheini mewn Sefydliadau Addysg Uwch (SAU) neu ysgolion ond gan gynnwys Sefydliadau Addysg Bellach (SAB), darparwyr eraill Dysgu Seiliedig ar Waith a darpariaeth Dysgu Oedolion a gasglwyd drwy Gofnod Dysgu Gydol Oes Cymru (LLWR) Llywodraeth Cymru.