Adolygiad annibynnol o’r ddarpariaeth o wasanaethau rhoi’r gorau i ysmygu yng Nghymru

Mae’r adolygiad yn awgrymu:

• bod tystiolaeth dros yr ymyriadau mwyaf effeithiol, yn enwedig cefnogaeth wyneb yn wyneb gyda ffarmacotherapi, defnyddio ffarmacotherapi â chymorth, a chefnogaeth dros y ffôn
• mae tystiolaeth dros gael ymyriadau sy’n targedu grwpiau o ysmygwyr, gan gynnwys rhai mewn aelwydydd/cymunedau difreintiedig, merched beichiog a rhai ag iechyd meddwl gwael
• gellir defnyddio gweithgareddau rhoi’r gorau i ysmygu mewn amryw o leoliadau, gan gynnwys fferyllfeydd cymunedol, gofal sylfaenol, gofal eilaidd a’r gweithle
• mae angen i ysmygu gael ei drin ar wahân, gan fod yr effaith yn llai os ymdrinnir ag ef fel rhan o ymyriad ymddygiadol aml-risg
• ceir peth tystiolaeth y gall newid systemau fod yn fuddiol, ee cofnod iechyd electronig i gofnodi statws ysmygu ac atgyfeiriadau at wasanaethau arbenigol
• gall gwahanol dechnegau fod o gymorth i recriwtio, ac mae’n bosibl y gallai’r trydydd sector chwarae rhan werthfawr yn y gwaith.