Rydym wedi adolygu'r fframwaith deddfwriaethol ar gyfer Anghenion Dysgu Ychwanegol i sicrhau ei fod yn glir ac yn cael ei ddeall yn gyson.
Dogfennau
Adolygiad o fframwaith deddfwriaethol Anghenion Dysgu Ychwanegol (ADY): crynodeb o ymatebion , math o ffeil: PDF, maint ffeil: 452 KB
Manylion
Trosolwg
Mae Llywodraeth Cymru wedi cynnal adolygiad o'r fframwaith deddfwriaethol ar gyfer Anghenion Dysgu Ychwanegol (ADY). Yn rhan o'r adolygiad, edrychwyd ar eglurder a chysondeb y fframwaith deddfwriaethol i nodi cyfleoedd i gryfhau dealltwriaeth o'r system ADY a'i chyflwyno'n fwy effeithiol ledled Cymru.
Yr wybodaeth a gasglwyd
Yn gynnar yn 2025, gwahoddwyd rhanddeiliaid a phartneriaid cyflawni allweddol i ddarparu gwybodaeth er mwyn deall eu profiad o gyflwyno'r system ADY a'r heriau ymarferol y maent yn eu hwynebu.
Cafwyd 54 o ymatebion ysgrifenedig ac mae crynodeb o'r ymatebion hynny wedi'i gyhoeddi yn yr adran dogfennau i’w lawrlwytho.
Gwahoddwyd Tribiwnlys Addysg Cymru i roi gwybodaeth am ei brofiad o achosion a gofrestrwyd gan y Tribiwnlys, ymholiadau a'r rhai nad ydynt yn cyrraedd apeliadau dilys. Bydd y Tribiwnlys yn cyhoeddi ei dystiolaeth ar wahân.
Canlyniad yr adolygiad
Gyda'i gilydd, bydd yr holl dystiolaeth yn llywio ymrwymiad Llywodraeth Cymru a'r system gyfan ar gyfer darparu a gwella.
Cyhoeddwyd diweddariad ar yr adolygiad o'r fframwaith deddfwriaethol ADY ar 10 Gorffennaf 2025.
Gwnaeth Ysgrifennydd y Cabinet dros Addysg ddatganiad llafar yn y Senedd ar 14 Hydref 2025.
Roedd y datganiad yn rhoi'r wybodaeth ddiweddaraf am ddiwygio'r system Anghenion Dysgu Ychwanegol (ADY) yng Nghymru. Amlygwyd cefnogaeth gadarn ar gyfer ymarfer sy'n canolbwyntio ar yr unigolyn a chydnabyddiaeth i'r ymroddiad i'r newid o ran diwylliant tuag at addysg gynhwysol, gan greu dros 32,000 o gynlluniau datblygu unigol statudol i ddysgwyr ag ADY.
Nodwyd pum blaenoriaeth ar gyfer y cam nesaf, sef:
- egluro pwy a sut mae dysgwyr ag ADY yn cael cefnogaeth
- sicrhau cysondeb cenedlaethol
- gwella cefnogaeth i deuluoedd
- cryfhau trefniadau integreiddio amlasiantaeth
- hyrwyddo addysg ddwyieithog a chynhwysol
Mae'r datganiad yn pwysleisio bod angen partneriaeth gydweithredol ac ymdrech barhaus i ddarparu system deg, gynhwysol lle mae pob dysgwr yn cael y gefnogaeth sydd ei hangen arno i ffynnu.