Datganiad data misol sy’n dangos amseroedd aros am apwyntiad cyntaf ar gyfer Gwasanaethau Iechyd Meddwl Plant a’r Glasoed Arbenigol (sCAMHS) ar gyfer Chwefror 2024.
Dyma'r datganiad diweddaraf yn y gyfres: Amseroedd aros am apwyntiad cyntaf Gwasanaethau Iechyd Meddwl Plant a’r Glasoed Arbenigol
Hysbysiad ansawdd data
Rydym wedi dod yn ymwybodol bod llawer o fyrddau iechyd yn symud yn raddol i fodel gwasanaeth Un Pwynt Mynediad ar gyfer gwasanaethau iechyd meddwl. O dan y model hwn, caiff asesiadau ar gyfer Gwasanaethau Iechyd Meddwl Plant a'r Glasoed (CAMHS) arbenigol eu cynnal o fewn y Gwasanaeth Cymorth Iechyd Meddwl Sylfaenol Lleol (LPMHSS) a chaiff data ar gyfer y gwasanaeth hwn eu cofnodi a'u cyhoeddi yng nghyhoeddiad Mesur Iechyd Meddwl LPMHSS. Golyga hyn fod rhai byrddau iechyd wedi rhoi'r gorau i gasglu data mewn perthynas ag amseroedd aros ar gyfer CAMHS arbenigol, a gyhoeddwyd yn flaenorol yn yr allbwn hwn. Felly, rydym yn ystyried a yw parhau i gyhoeddi'r ystadegau hyn yn dal i fod yn werthfawr i ddefnyddwyr.
Ar ddiwedd Chwefror 2024
Roedd 115 o lwybrau cleifion yn aros am apwyntiad cyntaf ar gyfer sCAMHS; o'r rheini, roedd 109 (94.8%) o lwybrau cleifion yn aros llai na 4 wythnos.
Cyswllt
Cyfryngau
Rhif ffôn: 0300 025 8099
Rydym yn croesawu galwadau yn Gymraeg.