Archwilio datganoli gweinyddu nawdd cymdeithasol

Mae'r adroddiad hwn yn archwilio'r cyfleoedd, yr heriau, y risgiau a'r costau o ddatganoli elfennau gweinyddol nawdd cymdeithasol i Gymru. Mae'r ymchwil yn canolbwyntio ar weinyddiaeth yn unig, nid datganoli polisi nawdd cymdeithasol yn gyfanwerthol.

Defnyddiwyd dull cymysg, gan gynnwys Asesiad Tystiolaeth Gyflym (REA) o dystiolaeth a data, arolwg a chyfweliadau â rhanddeiliaid ar-lein, ac astudiaethau achos manwl pellach sy'n canolbwyntio ar wersi o'r Alban a dau fodel ymarferol sy'n berthnasol i Gymru.

Yn gyffredinol, mae'r ymchwil yn tynnu sylw at gyfleoedd ar gyfer system ddatganoledig a mwy hyblyg, sy'n canolbwyntio ar y person ac wedi'i theilwra yng Nghymru a allai wneud gwahaniaeth cadarnhaol mewn sawl maes gan gynnwys plant a theuluoedd, budd-daliadau anabledd a salwch, cyflogaeth/canolfannau gwaith, a thai. Fodd bynnag, mae heriau strwythurol ac ymarferol i'w goresgyn, gan gynnwys mynediad cyfyngedig i ddata, costau sylweddol ymlaen llaw a pharhaus, capasiti lleol cyfyngedig, a dibyniaeth ar systemau a rheolau ledled y DU, yn ogystal â'r angen i symleiddio prosesau, lleihau trallod o asesiadau cyfredol a darparu gwell cymorth i bobl hŷn ac sydd wedi'u hallgáu'n ddigidol.