Arolwg o Dderbynyddion Grantiau Llywodraeth Cymru: 2018

Roedd 348 o ymatebion (cyfradd ymateb o 18%) gan dderbynyddion ar draws y sector cyhoeddus, y sector preifat a'r trydydd sector.

Canfyddiadau allweddol

• Yn gyffredinol, roedd yr ymatebwyr yn fodlon ar yr amrywiol agweddau o broses grantiau Llywodraeth Cymru. 
• Roedd y boddhad uchaf gyda’r broses ar gyfer gwneud ceisiadau a thaliadau (80%). Roedd y boddhad isaf gyda gwneud cais a'r broses benderfyniadau (67%). 
• Ymatebwyr y trydydd sector oedd fwyaf bodlon, gyda sgoriau uwch na'r 'boddhad cyfartalog'. Fel rheol, roedd ymatebwyr y sector cyhoeddus a'r sector preifat yn llai bodlon. 
• Roedd sgoriau o ran cysondeb y broses grantiau yn amrywio. Roedd y lefel uchaf o gysondeb yn ymwneud â’r cyngor a gânt gan swyddogion Llywodraeth Cymru (73% yn gyson bob amser neu weithiau) a’r lefel isaf oedd â phrosesau monitro (56% yn gyson bob amser neu weithiau). 
• Roedd y rhan fwyaf o'r ymatebwyr (78%) yn darparu gwybodaeth ddyblyg ar gyfer ceisiadau grant, ond nid oeddent yn credu fod hyn yn rhy feichus. 
• Cynhwysir nifer o awgrymiadau ynghylch defnyddio llwyfannau ar-lein ar gyfer ceisiadau a monitro grantiau. Roedd ymatebwyr o blaid cyflwyno newidiadau o'r fath ar gyfer grantiau Llywodraeth Cymru.