Astudiaeth y sector ar lywodraethu cymdeithasau tai sydd wedi’u cofrestru yng Nghymru

Diben yr astudiaeth yw gwneud y canlynol:

• asesu pa mor effeithiol yw’r arferion llywodraethu presennol mewn cymdeithasau tai a chwmnïau cydfeddiannol o’u cymharu â’r safonau llywodraethu sydd yn Siarter Llywodraethu Da Cartrefi Cymunedol Cymru ac o’u cymharu â phrif nodweddion y Fframwaith Rheoleiddiol
• ystyried materion perthnasol ynglŷn â llywodraethu a dadleuon mewn sectorau cysylltiedig eraill i ganfod gwersi ar gyfer y sector cymdeithasau tai
• helpu i wneud llywodraethu mewn cymdeithasau tai yn ddiogel at y dyfodol ac yn addas i’r diben, canfod anghenion hyfforddi, datblygu a meithrin gallu er mwyn cryfhau’r dull o ymdrin â llywodraethu a’r arfer o lywodraethu, a hynny er mwyn cwrdd â heriau yn y dyfodol, sy’n cynnwys amgylchedd ariannol sy’n mynd yn fwyfwy anodd, ac effaith diwygio lles
• annog rhagor o ganolbwyntio ar lywodraethu da a gwelliant parhaus fel sail i sector sy’n cael ei redeg yn dda.