Hyfforddiant a digwyddiadau

Gwybodaeth am ein digwyddiadau a gweithgareddau ymgysylltu.

Cynnwys

Digwyddiadau cofrestru llety ymwelwyr

Gweithdai: sut i gofrestru eich llety ymwelwyr 

Rydym yn cynnal gweithdai ar-lein am ddim i’ch helpu i gofrestru eich llety ymwelwyr yng Nghymru. 

Mae’r gweithdai hyn ar gyfer unrhyw un sy’n derbyn archebion ar gyfer arosiadau dros nos yng Nghymru, p’un a ydych yn lletya’n achlysurol, yn dymhorol neu drwy gydol y flwyddyn.

Bydd y gweithdai yn cynnwys:

  • canllaw cam wrth gam drwy’r broses gofrestru
  • cyngor ymarferol ar yr hyn sydd ei angen arnoch i gwblhau eich cofrestriad
  • atebion i’ch cwestiynau gan arbenigwyr Awdurdod Cyllid Cymru (ACC)

Byddwch yn gallu cofrestru eich llety ymwelwyr yn ystod y gweithdy, gyda’n tîm ar gael i’ch helpu drwy gydol y broses. 

Cofrestrwch ar gyfer gweithdai a gyflwynir yn Saesneg

Cofrestrwch ar gyfer gweithdai a gyflwynir yn Gymraeg

Gweminarau blaenorol

Canllaw ychwanegol

Am ragor o ganllawiau, darllenwch Cofrestru llety ymwelwyr: trosolwg.

Digwyddiadau Ardoll Ymwelwyr

Paratoi ar gyfer yr Ardoll Ymwelwyr yng Nghaerdydd 

Fe wnaethon ni gynnal sesiynau dwyieithog, rhad ac am ddim ar yr Ardoll Ymwelwyr i helpu darparwyr llety i ymwelwyr yng Nghaerdydd i baratoi ar gyfer y newidiadau. 

Roedd y sesiynau hyn yn ymdrin â’r canlynol: 

  • trosolwg o'r hyn y mae'r Ardoll Ymwelwyr yn ei olygu i'ch busnes chi 
  • canllawiau ymarferol ar yr hyn sydd angen i chi ei wneud er mwyn paratoi 

Gweminarau blaenorol

Canllaw ychwanegol

Am ragor o ganllawiau, darllenwch Canllaw gam wrth gam i’r Ardoll Ymwelwyr ar gyfer darparwyr llety ymwelwyr.

Digwyddiadau Fforwm Treth Trafodiadau Tir (TTT)

Rydym yn cynnal fforymau treth a gweminarau ar gyfer cyfreithwyr a thrawsgludwyr sy'n ffeilio ac yn talu TTT ac sy'n defnyddio ein gwasanaethau’n rheolaidd.

Gweminarau sydd i ddod

Mae pob gweminar yn rhad ac am ddim ac ar-lein. Mae lleoedd yn brin, felly archebwch yn gynnar.

Addas i'w ddefnyddio

Mae'r weminar hon yn cwmpasu ein canllawiau wedi'u diweddaru ar y prawf "addas i'w ddefnyddio" ar ôl penderfyniad y Llys Apêl ym Mudan. Gelwir y prawf weithiau'n "adfeiliedig" neu'n "anaddas i fyw ynddo". Byddwn yn edrych ar sut mae'r prawf amlffactoraidd yn gweithio yn ymarferol a pha dystiolaeth y bydd ei hangen arnoch, gydag awgrymiadau ar ddod o hyd, a chyflwyno'r dystiolaeth honno.

Gweinyddu treth

Mae'r weminar hon yn cwmpasu arfer gorau ar gyfer ffeilio ffurflen a'r gwallau rydym yn eu gweld amlaf. Mae hefyd yn rhoi trosolwg o'n hoffer a'n canllawiau ac yn esbonio sut y gallwch chi gymryd rhan mewn ymchwil defnyddwyr.

Disodli prif breswylfa

Mae'r weminar hon yn trafod trafferthion cyffredin a all arwain at driniaeth TTT anghywir pan fydd prif breswylfa’n cael ei disodli. Mae'n defnyddio enghreifftiau ymarferol a senarios bywyd go iawn i ddangos sut i adnabod ac osgoi gwallau ac i gymhwyso'r rheolau yn hyderus.

Rydym yn hysbysebu fforymau a gweminarau sydd ar ddod ar y dudalen hon ac ar ein tudalen LinkedIn pan fydd y dyddiadau'n fyw.

Cysylltwch â ni

Os oes gennych unrhyw gwestiynau am hyfforddiant neu ddigwyddiadau, cysylltwch â ni drwy:

Rydym yn croesawu galwadau a gohebiaeth yn Gymraeg.